Ғылым ордасы

Уикипедия — ашық энциклопедиясынан алынған мәлімет
Jump to navigation Jump to search
Қазақстан Республикасы Білім және ғылым министрлігі Ғылым Комитеті «Ғылым ордасы» шаруашылық жүргізу құқығындағы республикалық мемлекеттік кәсіпорны
Құрылған жылы

2010

Орналасқан жері

Қазақстан Республикасы, 050010, Алматы қ., Шевченко көш., 28

Басты адамдары

Төлтаев Бауыржан Төлтайұлы - Бас директордың міндетін атқарушы

Басшы компания

Ғылым Комитеті

Сайты

«Ғылым ордасы»

Қазақстан Республикасы Білім және ғылым министрлігі Ғылым Комитеті «Ғылым ордасы» шаруашылық жүргізу құқығындағы республикалық мемлекеттік кәсіпорны Қазақстан Республикасы Үкіметінің 2010 жылдың 11 ақпанындағы №84 Қаулысымен «Ғалымдар Үйі» РМҚК мен «Орталық ғылыми кітапханасының» бірігу жолымен құрылды.

Мақсаты[өңдеу]

«Ғылым ордасының» басты мақсаты: ғылым мен білімді дамытуға республиканың ғылыми жұртшылығын жұмылдыру; Қазақстан Республикасының тарихи-мәдени және ғылыми мұрасының сақталып, одан әрі дамуына жағдай жасау, осы мұраны тиянақты зерттеп, жан-жақты насихаттау; ғылыми, ғылыми-техникалық жобалар мен бағдарламаларды дайындап, жүзеге асыру және ғылымның, техникалық ілгерілеу мен оның жеткен жетістіктерін қызмет бабында пайдалану; ғылыми кітапханалық – ақпараттық кітаптар мен құжаттар қорын қалыптастыру және Қазақстан Республикасының ғылыми және мәдени мұрасы ретінде сақтап қалу, мұражайларды дамыту. Сонымен қатар, мекеме қызметінің негізгі бағыты ғылым мен білім саласындағы өндірістік – шаруашылық қызметін атқару болып табылады.

Қайраткерлігі[өңдеу]

«Ғылым ордасының» қызметкерлері басқа ұйымдармен бірлесе отырып білім және ғылым саласындағы дербес және біріккен инновациялық ғылыми-зерттеулер мен ғылыми-техникалық жобаларды дайындап жүзеге асырады, кітапхана ісін, ғылымның түрлі салалары бойынша мұражайларды құру және дамыту жұмыстарын ұйымдастырады, қызметтің стратегиялық бағыттары бойынша халықаралық қатынастарды дамытады.

Ғимараты мен құрылымы[өңдеу]

«Ғылым ордасының» жалпы көлемі шамамен 38 мың кв.м. ғимараттар кешені түрінде дамыған базасы бар, онда Қазақстан Республикасының Ұлттық ғылым академиясы, «Академик Қ.И.Сәтбаевтың мемориалдық музейі» ММ және ҚР БҒМ Ғылым Комитетінің гуманитарлы және жаратылыстану бағытындағы 10 ғылыми-зерттеу институты орналасқан. Сонымен бірге, 5,5 млн. кітап қоры бар Ғылыми кітапхана жұмыс жасайды. Ол кітапханатанудың, библиографияның, ғылыми-зерттеу және ғылыми-әдістемелік жұмыстардың ірі ақпараттық-үйлестіру орталығы болып табылады. «Ғылым ордасының» ғимараты кеңес дәуірінің белгілі сәулетшісі А. Щусевтің жобасы бойынша салынған және мемлекеттің қорғауына алынған, Қазақстан Республикасының бірегей тарихи сәулет ескерткіштері қатарына енген. Ғимаратта 377 орынға арналған үлкен конференц – залы, 120 орындық кіші конференц – залы және 267 орындық концерттік залы мен Қысқы бақ жұмыс істейді.

Ғылым музейі[өңдеу]

Қазақстан Республикасының Білім және ғылым министрлігі Ғылым комитетінің 2010 жылғы 1 маусымдағы №35-ПР бұйрығына сәйкес музей жәдігерлері мен жиынтықтарын сақтау, зерттеу және көпшілікке ұсыну, ғылыми, тарихи – мәдени мұраны кеңінен тарату және ғылыми-зерттеу, мәдени-ағарту жұмыстарын жүзеге асыру мақсатында «Ғылым ордасы» республикалық мемлекеттік кәсіпорнының аясында «Табиғат музейі» мен «Археология мұражайы/Археология музейі», сондай-ақ екі жаңа – «Сирек кездесетін кітаптар музейі» мен «Қазақстан ғылымының тарихы музейі» жұмыс істейді.

Қайнар көзі[өңдеу]

  • «Ғылым ордасының» ресми сайты

Суреттер[өңдеу]