Қазақстан Республикасы Төтенше жағдайлар министрлігі

Уикипедия — ашық энциклопедиясынан алынған мәлімет
Навигацияға өту Іздеуге өту
Қазақстан Республикасы Төтенше жағдайлар министрлігі
(ҚР ТЖМ)
Жалпы мағлұмат
 Қазақстан
Құрылған уақыты 2004 жыл (алғаш рет құрылды)
2020 жыл (қайта құрылды)
Оның алдындағы мекеме Қазақстан Республикасы Ішкі істер министрлігінің Төтенше жағдайлар комитеті
Жоғарыда тұрған мекеме Қазақстан Республикасының Үкіметі
Штаб-пәтері 010000, Қазақстан, Астана, Мәңгілік ел көшесі 8, 2-кіреберіс
Министр Шыңғыс Сайранұлы Әрінов
Ресми сайты
www.gov.kz

Қазақстан Республикасы Төтенше жағдайлар министрлігі — табиғи және техногендік сипаттағы төтенше жағдайлардың алдын алу мен оларды жою, азаматтық қорғаныс, өрт және өнеркәсіптік қауіпсіздік саласындағы салааралық үйлестіру, мемлекеттік материалдық резервті қалыптастыру және дамыту, төтенше жағдайлардың алдын алу мен оларды жою мемлекеттік жүйесін құруды және одан әрі дамытуды қамтамасыз ету, өрттің алдын алуды және сөндіруді ұйымдастыру саласындағы мемлекеттік саясатты қалыптастыруды жүзеге асыратын орталық атқарушы орган.

Құрылымы[өңдеу | қайнарын өңдеу]

Министрліктің құрамына кіретін комитеттер:

ҚР ТЖМ ведомстволық бағынысты ұйымдары:

  • "Селденқорғау құрылыс" ШЖҚ РМК
  • "Қазавиақұтқару" АҚ
  • "Азаматтық қорғау саласындағы ұлттық ғылыми зерттеулер, даярлау және оқыту орталығы" АҚ
  • "Қызылорда теміржол ауруханасы" ЖШС
  • "Сейсмологиялық байқау және зерттеу ұлттық ғылыми орталығы" ЖШС
Аумақтық органдар
  • Облыстық және Алматы, Астана, Шымкент қалалық төтенше жағдайлар департаменттері

Тарихы[өңдеу | қайнарын өңдеу]

Қазақстан Республикасы Президентінің 2004 жылғы 29 қыркүйектегі N 1449 Жарлығымен Қазақстан Республикасы Төтенше жағдайлар жөнiндегi агенттiгiнiң және Мемлекеттiк материалдық резервтер жөнiндегi агенттiгiнiң базасында Қазақстан Республикасы Төтенше жағдайлар министрлiгі құрылды.

2014 жылғы 6 тамызда министрлік таратылып, материалдық резерв және өнеркәсіптік қауіпсіздік мәселелерін қоспағанда, өкілеттіктері Қазақстан Республикасы Ішкі істер министрлігіне берілді.

"Қазақстан Республикасы Төтенше жағдайлар министрлігін құру туралы" Қазақстан Республикасы Президентінің 2020 жылғы 9 қыркүйектегі № 408 Жарлығымен Төтенше жағдайлар органдары Қазақстан Республикасының Үкіметіндегі жеке ведомствоға қайта бөлінді.

Үкіметтің 2020 жылғы 20 қазандағы № 680 қаулысымен Төтенше жағдайлар министрлігінің Өртке қарсы қызмет комитеті мен Азаматтық қорғаныс және әскери бөлімдер комитеті құрылды.

Басшылары[өңдеу | қайнарын өңдеу]

Т.А.Ә. Басқарған және басқаруын аяқтаған уақыты Лауазым суреті
1 Николай Михайлович Макиевский 1990 — 1997 Қазақстан Республикасының Төтенше жағдайлар жөніндегі мемлекеттік комиссиясының төрағасы

Қазақстан Республикасы Төтенше жағдайлар жөніндегі мемлекеттік комитетінің төрағасы

2 Шалбай Құлмаханұлы Құлмаханов 1997 — 2001 Қазақстан Республикасы Төтенше жағдайлар комитетінің төрағасы

Қазақстан Республикасы Төтенше жағдайлар агенттігінің төрағасы

3 Заманбек Қалабайұлы Нұрқаділов 2001 — 13 наурыз 2004 Қазақстан Республикасы Төтенше жағдайлар агенттігінің төрағасы
4 Нұрахмет Құсайынұлы Бижанов 13 наурыз 2004 — 30 қыркүйек 2004 Қазақстан Республикасы Төтенше жағдайлар агенттігінің төрағасы
5 Мұхамбет Жұманазарұлы Көпеев 30 қыркүйек 2004 — 11 тамыз 2005 Қазақстан Республикасы Төтенше жағдайлар министрі
6 Шалбай Құлмаханұлы Құлмаханов 11 тамыз 2005 — 11 қаңтар 2007 Қазақстан Республикасы Төтенше жағдайлар министрі
7 Виктор Вячеславович Храпунов 11 қаңтар 2007 — 1 қараша 2007 Қазақстан Республикасы Төтенше жағдайлар министрі
8 Владимир Карпович Божко 13 қараша 2007 — 6 тамыз 2014 Қазақстан Республикасы Төтенше жағдайлар министрі
9 Владимир Робертович Беккер 2014-2020 Қазақстан Республикасы ІІМ Төтенше жағдайлар комитетінің төрағасы
10 Юрий Викторович Ильин 11 қыкүйек 2020 — 10 маусым 2023 Қазақстан Республикасы Төтенше жағдайлар министрі
11 Сырым Дүсенғазыұлы Шәріпханов 10 маусым 2023 — 6 ақпан 2024 Қазақстан Республикасы Төтенше жағдайлар министрі
12 Шыңғыс Сайранұлы Әрінов 6 ақпан 2024 бері Қазақстан Республикасы Төтенше жағдайлар министрі

Ведомстволық наградалар[өңдеу | қайнарын өңдеу]

"Қазақстан Республикасының Президентіне тікелей бағынатын және есеп беретін кейбір мемлекеттік органдардың, Қазақстан Республикасы Конституциялық Кеңесінің, құқық қорғау органдарының, соттардың, Қарулы Күштердің, басқа да әскерлер мен әскери құралымдардың ведомстволық және оларға теңестірілген өзге де Мемлекеттік рәміздері мен геральдикасы мәселелері туралы Қазақстан Республикасы Президентінің 2011 жылғы 30 қыркүйектегі № 155 Жарлығына сәйкес Қазақстан Республикасы Ішкі істер министрлігі Төтенше жағдайлар комитетінің ведомстволық наградалары:

  • Медальдар:
    • «Өртте көрсеткен қайсарлығы үшін» ;
    • «Мінсіз қызметі үшін» I, ІІ, III дәрежелері;
    • «Суға батқандарды құтқарғаны үшін»;
    • «Төтенше жағдайлардың алдын алуда және жоюда үздік шыққаны үшін».
  • Төсбелгілер:
    • «Азаматтық қорғау органдарының құрметті қызметкері»;
    • «Азаматтық қорғау жүйесін дамытуға қосқан үлесі үшін»;
    • «Үздік өрт сөндіруші-құтқарушы»;
    • «Үздік құтқарушы-жауынгер»;
    • «Құтқару операцияларына белсенді қатысқаны үшін»;
    • «Төтенше жағдайдағы ерлігі үшін»;
    • «Құтқарушы» I, II, III дәрежелері;
    • «Халықаралық дәрежелі құтқарушы».

Дереккөздер[өңдеу | қайнарын өңдеу]