Қадыржан Қабдошұлы Дәмитов

Уикипедия — ашық энциклопедиясынан алынған мәлімет
Jump to navigation Jump to search

Қадыржан Қабдошұлы Дәмитов - 1959 жылы 16 желтоқсанда Өскемен қаласында туған.

Әкесі - Дәмитов Қабдош (1923-1968) , ҰОС қатысқан, ҚазКСР ЖооМин ЖОО басқармасы бастығы болып жұмыс істеген.

Алматы халық шаруашылығы институтын (1982) инженер-экономист мамандығы бойынша; Мәскеу қаржы институтының аспиратурасын (1984) бітірген.

Экономика ғылымдарының кандидаты (1984). Кандидаттық диссертациясының тақырыбы: «МикроЭВМ пайдалану арқылы өнеркәсіп енімдері өндірісі шығындарын есептеуді автоматтандыру». 1982 жылдан - «Одақ өнеркәсіпжүйе» ББАЖ ҒЗИ қазақ бөлімшесінің инженері. 1984 жылдан - Алматы халық шаруашылығы институтының аға инженері, зерттеуші -тәжірибешісі; Мәскеу қаржы институтының оқытушы- тәжірибешісі, аспиранты. 1988 жылдан - Алматы халық шаруашылығы институтының оқытушысы; Қазақстан ҒА Экономика институтының ғылыми қызметкері. 1990 жылдан - «КАТОН экспорт-импорт» фирмасының (ГФР) Қазақстан бойынша өкілетті екілі. 1991 жылдан - «Alem Bank Kazakhstan» жетекші экономисі, бас экономисі, сектор меңгерушісі, басқарма бастығының орынбасары, басқарма төрағасының орынбасары, бірінші орынбасары. 1994 жылдан - ҚР Ұлттық банкі төрағасының орынбасары. 1997 жылдан - ҚР экономика және сауда вице-министрі. 1997 жылдың қазанынан - ҚР Премьер-министрінің кеңешісі. 1998 жылдан - ҚР Ұлттық банкінің төрағасы. 1999 жылдан - ҚР Президентінің кеңесшісі. 2000 жылдан «ABN АМRО Банк Қазақстан» ААҚ басқармасы төрағасының орынбасары. 2004 жылдан - «Өскемен титан-магний комбинаты» АҚ президентінің кеңесшісі, Директорлар кеңесінің мүшесі. 2007 жылдан - «Ертіс» әлеуметтік-кәсіпкерлік корпорация» ҰК» АҚ басқармасының төрағасы. 2009 жылдың ақпанынан - «Альянс банк» АҚ басқармасы төрағасының кеңесшісі.

2009 жылдың мамырынан бері - «Қазақстан қор биржасы» АҚ президенті.

«Қазақстанның халық жинақ банкі» ЖАҚ қадағалау кеңесінің төрағасы (1997-1999).

ҚР Қаржыгерлер қауымдастығы төрағасының м.а. (2002-2003). «АВN АМRО КаспийМұнайГаз»ҒӨФ АҚ Директорлар кеңесінің (2000 жылдан), «ӨТМК» АҚ Директорлар кеңесінің (2004-2007), «Қазақстанның халық жинақ банкі» АҚ Директорлар кеңесінің (2005-2007), «Қазына» ТДҚ» АҚ Директорлар кеңесінің (2006-2007) мүшесі.

Марапаттары[өңдеу]

«Ерен еңбегі үшін» медалімен марапатталған.

Үй жағдайы[өңдеу]

Үйленген. Жұбайы - Дәмитова Тыным Сейдахметқызы. [1]

Дереккөздер[өңдеу]

  1. Қазақстан Республикасында кімнің кім екені - 2011. 2 томдық анықтамалық. Алматы, 2011 ІSВN 978-601-278-473-2