Қажымұрат Қантбайұлы Үсенов

Қажымұрат Қантбайұлы Үсенов - 1955 жылы 1 қаңтарда Талдықорған облысы Қаратал ауданының Оян ауылында туған. Қазақ. Әкесі - Үсенов Қантбай, марқұм, «Қаратал» кеңшарының төрағасы қызметін атқарған. Анасы - Үсенова Өрік, марқұм, үй шаруасымен айналысқан. Алматы сәулет-құрылыс институтының жылу-газбен жабдықтау және желдеткіш факультетін бітірген (1981), инженер-құрылысшы. «Изоляциялық құрылыс материалдары» оқулығының тең авторы. Қазақ және орыс тілдерін біледі. КОКП мүшесі (1984 жылдан).

• 1972 жылдан - Алматы қаласындағы №141 асхананың жұмысшысы.
• 1973 жылдан - Кеңес Әскерінің қатарында қызметте.
• 1975 жылдың шілдесінен - «Ілесуқұрылыс» құрылыс-монтаждау тресі №2 автобазасының көмекші жұмысшысы.
• 1975 жылдың қазанынан - Алматы сәулет-құрылыс институтының студенті.
• 1981 жылдан - «Қазсантехмонтаж» тресінің Алматы монтаж басқармасының («Оңтүстіксантехмонтаж» ААҚ) шебері, жұмыстарды өндірушісі, аға жұмыстарды өндірушісі, бас инженері, бастығы.
• 2001 жылдан - «Асар» құрылыс компаниясы» ЖШС бас директоры.
• 2005 жылдан бері - Алматы қалалық құрылыс басқармасының бастығы. Алматы қалалық Халық депутаттары кеңесінің депутаты (1984-1987). Қазақ мемлекеттік сәулет - құрылыс академиясында мемлекеттік емтихан комиссиясының төрағасы (1998-2000). ҚазКСР Жоғарғы Кеңесінің грамотасымен марапатталған (1984). Алматы облысы Қаратал ауданының Құрметті азаматы.

Әскери атағы - запастағы капитан.
Діни көзқарасы - ислам.
Саяси қайраткер ретіндегі идеалы - Н.Ә. Назарбаев.
Қазақстанның болашағы туралы болжамы - «Қазақстан жақын келешекте дүниежүзілік қаржы дағдарысының салдарын жеңіп, тұрақты экономикалық дамуға қол жеткізеді. Елбасы мен үкімет қабылдаған жүйелі шаралардың арқасында, Қазақстан гүлденген әлем державаларының арасындағы лайықты орынға ие болады».
Хоббиі - аңшылық, тау шаңғысы, жүзу.
Сүйіп оқитын әдебиеті - тарихи әдебиет.

Ажырасқан. Қыздары - Қажымұратқызы Меруерт (1979 жылы туған), Үсенова Ботакөз Қажымұратқызы (1982 жылы туған); ұлы - Үсенов Мақсат Қажымұратұлы (1989 жылы туған).