ҚазТрансГаз

Уикипедия — ашық энциклопедиясынан алынған мәлімет
Jump to navigation Jump to search

«ҚазТрансГаз» компаниясы — Қазақстан Республикасы Үкіметінің 2000 жылғы 5 ақпандағы № 173 қаулысына сәйкес құрылды .

2002 жылдың ақпан айынан бастап «ҚазТрансГаз» «ҚазМұнайГаз» ҰК ЖАҚ құрамына кіреді .

«ҚазТрансГаз» АҚ (ҚТГ) құрамына жиынтығында компаниялар тобын білдіретін, газ және оны қайта өңдеу өнімдерін өндіретін, тасымалдайтын және сататын, электр және жылу энергиясын генерациялайтын және жеткізетін, сервистік қызметтер көрсететін кәсіпорындар кіреді.

ҚТГ қазіргі уақытта магистральды газ тасымалдау жүйесіне, алты облыстағы өңірлік таратушы газ құбырларына, елдің энергетикалық кәсіпорындарының акцияларына ие. Сонымен бір уақытта компания Қазақстан Республикасынан тыс жобаларды іске асыра отырып, газ тасымалдау базасын дамытуда және өткізу рыноктарын кеңейтуде.

Негізгі бағыттары[өңдеу]

  • магистралды газ құбырлары бойынша газды тасымалдау, ішкі тасымал, экспортқа тасымалдау, табиғи газды халықаралық транзиттеу және газды жер астындағы газ қоймаларында (ЖАГҚ) сақтау;
  • газды таратушы газ құбырлары бойынша тасымалдау;
  • ішкі рынокта табиғи газды сату;
  • газды өндіру мен қайта өңдеу болып табылады;
  • «ҚазТрансГаз» АҚ Жамбыл облысындағы Амангелді газ кен орнын игеру бойынша жер қойнауын пайдалану шарты бойынша Мердігер болып табылады .
  • Электрэнергиясын өндіру мен сату;
  • Қазақстан Республикасының газ саласын дамыту жөніндегі бағдарламаны іске асыру.

«ҚазТрансГаз» АҚ компаниялар тобы құрамы[өңдеу]

  • «АмангелдіГаз» ЖШС — Амангелді газ конденсатты кен орнындағы газды өндіру және қайта өңдеу операторы;
  • «Интергаз Орталық Азия» АҚ — газды магистральды тасымалдау операторы ;
  • «ҚырҚазГаз» ЖШҚ («ҚырғызГаз» АҚ-пен бірлескен кәсіпорын) — Қырғыз Республикасының аумағынан өтетін «Бухара Газды Аймақ — Ташкент — Бішкек — Алматы» магистральды газ құбырларының учаскелерін пайдалану және күту;
  • «ҚазТрансГаз Аймақ» АҚ — республика өңірлерінде табиғи газды кәсіпорындарға, ұйымдарға және тұрғындарға бөлшектеп сату, тұрғындарды және өнеркәсіптік кәсіпорындарды таратушы желілер бойынша газбен жабдықтау;
  • «ҚазТрансГаз Алматы» АҚ — Алматы қаласы және Алматы облысы бойынша газ және газ таратушы кәсіпорындарды басқару;
  • «ҚазТрансГаз-Тбилиси» ЖШҚ — Тбилиси қ. газбен жабдықтау;
  • «KazTransGas LNG» ЖШС — Жаңажол кен орнындағы табиғи газды Ақтөбе қ. тұтынушылары үшін тазалау және қайта өңдеу жөніндегі операторы;
  • «Самұрық-Энерго» АҚ — «Т.И. Батуров атындағы Жамбыл ГТЭС» АҚ, «Алматы Пауэр Консолидейтед» АҚ, «КМГ-Энерго» АҚ энергетикалық активтерін тиімді басқаруды ұйымдастыру, қолданыстағы генерациялаушы қуаттылықтарды жаңғырту және жаңаларын пайдалануға енгізудің ұзақ мерзімді мемлекеттік саясатын жасау және іске асыру.

[1]

Дереккөздер[өңдеу]

  1. Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1

Сыртқы сілтемелер[өңдеу]