Қазан хан

Уикипедия — ашық энциклопедиясынан алынған мәлімет
Jump to navigation Jump to search

Қазан хан - Мәуереннаһрдың Шыңғысхан әулетінен шыққан соңғы ханы. Ясавурдың баласы. Кебек хан өлген соң, таққа отырып билік жүргізді. (1326-1347).

Қазан ханның сыртқы саясаты туралы мәліметтер өте аз. Ішкі саясатта Кебек ханның мемлекетті басқаруды нығайту мақсатыда жүзеге асырған әскери-әкімшілік реформалары мен ақшаны бір жүйеге түсіру шараларын т.б. тыңғылықты әрі шебер жалғастырды. Қашқадариядағы Қарши қаласына жақын жерде атақты Зенджир cарайын салдырды. Оның саясатына әмір Қазаған бастаған шонжарлар қарсы шығып, өшпенділік туғызды. Қазан хан осындай өзара қақтығыста қаза тапты. Мұнан кейін Мәуереннаһрдағы өкімет билігі Қазағанның қолына көшті. Қазан хан, XV ғасырдағы кейбір жазба деректер бойынша, Термездің жоғарғы жағындағы Сарай деген жерге жерленген.[1]

Дереккөздер[өңдеу]

  1. Қазақ Совет Энциклопедиясы, Алматы, 1976ж., 8 том