Қазақойл Ақтөбе

Уикипедия — ашық энциклопедиясынан алынған мәлімет
Jump to navigation Jump to search

Қазақойл Ақтөбе - "ҚазМұнайГаз" ұлттық компаниясының және "Nelson Resources Limited" корпорациясының тікелей қатысуымен Ақтөбе облысындағы Әлібекмола және Қожасай перспективалы мұнай газ конденсатты кен орындарын игеру мақсатында 1999 жылы құрылған жауапкершілігі шектеулі серіктестік (ЖІІІС). Бұл серіктестік Ақтөбе облысының мұнай өндіру секторындағы өте ірі компания. Қазіргі таңда "Қазақойл Ақтөбе" ЖШС мұнай өндіру ісінің жолбасшысы ретінде бағаланады. Бұл жетістіктің негізінде мұнай өндірудің жоғары қарқындылығы жатыр. 2002 жылы бұл серіктестік 120 мың тонна, 2003 жылы 420 мың тонна мұнай өндірді. 2007-2008 жылдары мұнай өндірудің жылдық мөлшерін 3 млн. тоннаға дейін жеткізу жоспарланып отыр. Өндіру жұмыстарының қоршаған ортаға тигізер жағымсыз әсерлерін азайту мақсатында компанияда бұзылған жерлерді қалыпқа келтіру, пайда болған қалдықтарды залалсыздандыру және көму шаралары жүзеге асырылуда; коршаған ортаға шығарылған зиянды заттар мөлшерін төмендету үшін серіктес газды іске асыру жобасы енгізілуде; тұрмыстық қалдықтарды көметін полигон ұйымдастыру, арналық тазарту қондырғыларын тұрғызу сияқты табиғатты қорғау нысандары іске қосылған. [1]

Дереккөздер[өңдеу]

  1. Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1