Қазақстанның Еңбек Ері Алтын жұлдызы

Уикипедия — ашық энциклопедиясынан алынған мәлімет
Jump to navigation Jump to search
Hero Work KZ.jpg

«Қазақстанның Еңбек Ері» Алтын жұлдызы[1] — атағы Қазақстан Республикасын экономикалық, әлеуметтік-гуманитарлық дамытудағы аса үздік жетістіктері үшін беріледі. «Қазақстанның Еңбек Ері» атағына ие болған адамдарға айрықша ерекшелік белгісі – Алтын жұлдыз және «Отан» ордені тапсырылады. [2]

Айрықша ерекшелік белгісі - «Қазақстанның Еңбек Ері» Алтын жұлдызы ордендік тағанға жалғастырушы шығыршалар арқылы бекітілген алқа.

Сипаттамасы[өңдеу]

Алқа алтынның қорытпасынан жеті сәулелі көлемді жұлдыз түрінде орындалған. Оның бет жағы көтеріңкі, тегіс екі қырлы сәулелері бар, алмас қырларын еске салатын бедерлі суретпен әрленген.

Жұлдыздың ортасында төменгі жағы бедерлі лентамен аяқталатын бидай масағының гүлдестесімен көмкерілген шеңбер орналасқан. Шеңбердің ортасында ашық кітап орналасқан, оның оң жақ бетінде металл балқымасымен металлургиялық шөміштің көлемді бейнесі, сол жақ бетінде - компьютердің көлемді бейнесі көрініс тапқан. Жұлдыздың сәулелері бойымен тереңдетілген бедерлі сыртқы бетіндегі ойықтың тегіс орталық бөлігінде «Қазақстанның Еңбек Ері» жазуы орналасқан. Жұлдыздың жоғарғы сәулесінің ұшында - тұтас ойылған көзді құлақша бар.

«Қазақстанның Еңбек Ері» Алтын жұлдызының тағаны Қазақстан Республикасының мемлекеттік туы түстес қатқал лентамен қапталған бес бұрышты металл жапырақшасы пішіндес. Тағанның биіктігі 41 мм, ені 34 мм.

Қатқыл лентаның үстіне, тағанды бойлай сәуле түріндегі жапсырма орнатылған, оның төменгі бөлігіне түссіз фианит бекітілген.

Марапатталғандар[өңдеу]

  1. Аягүл Төреқызы Миразова - №159 гимназияның директоры. Алтынсарина Алматы) (5 желтоқсан 2008 жылы)
  2. Геннадий Иванович Зенченко (1937-2016) — Солтүстік Қазақстан облысының Қызылжар ауданындағы «Зенченко және К» ауыл шаруашылық кәсіпорнының бас директоры (2008 жылғы 5 желтоқсандағы қаулы)
  3. Әбіш Кекілбайұлы Кекілбаев (1939-2015) — Қазақстанның қоғамдық-саяси қайраткері, Қазақстанның халық жазушысы (4 желтоқсан 2009 жылғы қаулысы)
  4. Сайран Балкенұлы Буканов — Қостанай облысы «Қаркен» жауапкершілігі шектеулі серіктестігінің директоры, Меңдіқара ауданы (2009 жылғы 4 желтоқсандағы қаулы)
  5. Бағдат Мұхаметұлы Шаяхметов (1946-2013) — Шығыс Қазақстан облысының «Өскемен титан-магний комбинаты» акционерлік қоғамының президенті (2009 жылғы 4 желтоқсандағы Жарлық)
  6. Арғын Жүнісов (1928-2015) — еңбек ардагері, болатшы, ардагер Қарағанды металлургиялық комбинаты АҚ «АрселорМиттал Темиртау» Қарағанды облысы (2 шілде 2010 жылғы жарлығы)[3].
  7. Еркеғали Рахмадиұлы Рахмадиев (1932-2013) — Қазақ ұлттық өнер университетінің профессоры (2010 жылғы 7 желтоқсандағы қаулы))[4].
  8. Валентин Иванович Двуреченский (1936-2014) — Қостанай облысы Қостанай ауданы «Заречное» ЖШС директоры (2011 жылғы 11 қарашадағы қаулы)[5].
  9. Әділхан Айтқазыұлы Кенжебаев — «Агрофирма „Казэкспортастық“» ЖШС бас директоры, Ақмола облысының Зеренді ауданы (2011 жылғы 11 қарашадағы қаулы)[5].
  10. Руслан Жұмабекұлы Молдабеков — «Тайынша-Астық» ЖШС бас директоры, Солтүстік Қазақстан облысының Тайынша ауданы (2011 жылғы 11 қарашадағы қаулысы)[5].
  11. Ұзақбай Сүлейменұлы Қарабалин — «Қазақ мұнай және газ институты» АҚ Бас директоры (2011 жылғы 05 желтоқсандағы Жарлық)[6].
  12. Сергей Александрович Терещенко — «Интеграция» Халықаралық қорының Басқарма Төрағасы (2011 жылғы 05 желтоқсандағы Жарлық)[6].
  13. Абзал Жумашович Ералиев — Қызылорда облысының «Абзал және К» жалпы серіктестігінің директоры (2013 жылғы желтоқсанда Жарлық).
  14. Юрий Владимирович Пя — «Ұлттық ғылыми кардиохирургиялық орталық» АҚ Басқармасының төрағасы (2013 жылғы желтоқсанда Жарлық).
  15. Иван Адамович Сауэр — «Агрофирма „Родина“» ЖШС бас директоры, Ақмола облысы (2013 жылғы желтоқсанда Жарлық).
  16. Айман Қожабекқызы Мұсақожаева — «Қазақ ұлттық өнер университеті» мемлекеттік мекемесінің ректоры (05.12.2014ж).
  17. Рышат Бабаевич Амренов — «Шығыс» көмір кенішінде механигі, «Еуроазиялық энергетикалық корпорациясы» АҚ (ENRC холдингі), Екібастұз қаласы Павлодар облысы 3 желтоқсан 2015 № 124 қаулысы).
  18. Мукаш Зулкарнаевич Искандиров — «Қазфосфат» ЖШС бас директоры, Тараз қаласы (3 желтоқсан 2015 жылы № 124 Жарлығы).
  19. Борис Павлович Князев — «Алтынсарино» ЖШС директоры, Қамысты ауданы Қостанай облысы 3 желтоқсан 2015 № 124 қаулысы).
  20. Олжас Омарұлы Сүлейменов — ақын, қоғам қайраткері (Қазақстан Республикасы Президентінің 2016 жылғы 17 мамырдағы Жарлығы № 263).
  21. Серік Қуандықұлы Ақшолақов — «Ұлттық нейрохирургия орталығы» АҚ Басқармасының төрағасы (Указ Президента Республики Казахстан от 5 декабря 2016 года № 382).
  22. Тұрсынов Алмат Жанәлемұлы — «ТПК „Карасу“» ЖШС бас директоры, Қостанай облысының Қарасу ауданы (Қазақстан Республикасы Президентінің 2016 жылғы 5 желтоқсандағы № 382 Жарлығы).
  23. Асанәлі Әшімұлы ӘшімовМ.Әуезов атындағы Қазақ мемлекеттік академиялық драма театры көркемдік жетекшісі (Қазақстан Республикасы Президентінің 2017 жылғы 15 желтоқсандағы № Жарлығы).
  24. Руслан Қуатов — «Теңізшевройл» ЖШС басшысы (Қазақстан Республикасы Президентінің 2017 жылғы 15 желтоқсандағы Жарлығы).
  25. Жақсылық Әмірәліұлы Үшкемпіров«Жақсылық» ЖШС жетекшісі (Қазақстан Республикасы Президентінің 2017 жылғы 15 желтоқсандағы Жарлығы).
  26. Ахметжан Смағұлұлы Есімов — "Астана ЭКСПО-2017" ҰК басқармасының төрағасы (Қазақстан Республикасы Президентінің 2017 жылғы 15 желтоқсандағы Жарлығы)[7].

Тағы қараңыз[өңдеу]

Дереккөздер[өңдеу]

  1. Қазақстан Республикасының мемлекеттік наградаларымен наградтауға ұсынудың және оларды тапсырудың тәртібі туралы нұсқаулықты, Қазақстан Республикасының мемлекеттік наградалары құжаттарының үлгілерін және Қазақстан Республикасының мемлекеттік наградалары белгілерінің сипаттамасын бекіту туралы Қазақстан Республикасы Президентінің 1999 жылғы 8 қарашадағы № 90 Өкімі
  2. «Қазақстан Республикасының мемлекеттiк наградалары туралы» 1995 жылғы 12 желтоқсандағы № 2676 Қазақстан Республикасының Заңы
  3. За выдающиеся заслуги в экономическом и социально-гуманитарном развитии
  4. За вклад в развитие страны
  5. a b c Указ Президента РК от 11.11.2011 за № 173
  6. a b Вручены государственные награды
  7. Мемлекет басшысы мемлекеттік наградалар мен сыйлықтар тапсыру рәсіміне қатысты