Қазақстанның халық жазушысы

Қазақстанның халық жазушысы – Қазақстан Республикасының әдебиетін дамытуға ерекше үлес қосқан, бұрын әдебиет пен өнер саласында «Қазақстанның еңбек сіңірген қайраткері» және (немесе) Қазақстан Республикасы Мемлекеттік сыйлығының лауреаты атанған тұлғаларға беріледі.

1984 жылы 20 қаңтарда Қазақ КСР-інің халық жазушысы атымен беріле бастады. 1999 жылы аталған құрметті атақ беру тоқтатылды. ҚР Президенті Қ.К. Тоқаевтың 2023 жылы 17 маусымда «Әділетті Қазақстан – Адал азамат» тақырыбында өткен Екінші Ұлттық Құрылтайдың негізгі отырысындағы «Қазақстанның халық жазушысы» құрметті атағын қайтару туралы тапсырмасына сәйкес, «Қазақстан Республикасының мемлекеттік наградалары туралы» ҚР Заңына тиісті өзгерістер енгізілді.

Қазақстанның халық жазушысы атағын алғандар

Бұл құрметті атақты 48 қаламгер иеленген.

Әбдірахманова Тұрсынхан (1984), Снегин Дмитрий (1984), Мүсірепов Ғабит (1984), Мұстафин Ғабиден (1984), Әбішев Әлжаппар (1985), Тәжібаев Әбділдә (1985), Нұрпейісов Әбдіжәміл (1985), Молдағалиев Жұбан (1985), Бекхожин Қалижан (1986), Ерғалиев Хамит (1986), Хакімжанова Мариям (1986), Әбілев Дихан (1987), Сәмәди Зия (1987), Сәрсенбаев Әбу (1987), Зверев Максим (1987), Қаратаев Мұхамеджан (1987), Нұршайықов  Әзілхан (1990), Мәуленов Сырбай (1990), Ахтанов Тахауи (1992), Сүлейменов Олжас (1992), Шаймерденов Сафуан (1992), Щеголихин Иван (1992), Әлімжанов Әнуар (1992), Кекілбаев Әбіш (1992), Қайырбеков Ғафу (1992), Мұртаза Шерхан (1992), Мұхамеджанов Қалтай (1992), Әлімбаев Мұзафар (1994), Қабдолов Зейнолла (1994), Симашко Морис (1995), Мырза Әлі Қадыр (1995), Молдағалиев Тұманбай (1995), Бақбергенов Сәуірбек (1996), Шаханов Мұхтар (1996), Шаңғытбаев Қуандық (1996), Оңғарсынова Фариза (1996), Жүнісов Сәкен (1996), Мағауин Мұхтар (1996), Жұмаділов Қабдеш (1998), Төлен Әбдік (2023), Смағұл Елубай (2023), Бексұлтан Нұржекеұлы (2023), Софы Сматаев (2023), Ахметжан Аширов (2023), Темірхан Медетбек (2024), Валерий Михайлов (2024), Исрайыл Сапарбай (2024).