Қазақстанның ғылыми-коллекциялық тас қоры

Уикипедия — ашық энциклопедиясынан алынған мәлімет
Навигацияға өту Іздеуге өту

Қазақстанның ғылыми-коллекциялық тас қоры және аймақтық геол. көрме 1969 ж. КСРО Геол. мин-лігінің бұйрығына сәйкес құрылған. Оның мақсаты – геол. барлау жұмыстарын жүргізген кезде тау жыныстары мен пайдалы қазбалардың түрлерін жүйелеу, есепке алу және сақтау. Қордың сақтауында 40000 тау жыныстарының, кеннің, минералдар мен қазынды қалдықтардың түрі бар. 800-ге тарта коллекциялары жан-жақты баяндалған, 90495 өңдеп-қырланған түрі бар шлифтердің 281 шлиф түрлері бар. Мұның негізі 20 ғ-дың 40–50-жылдарында жинақталған. Қорды жүйелендіру 5 бөлімнен тұрады: пайдалы қазбалар, аймақтық геол., минерал., палеонтол., салыстыру қоры. Көрме залына 2,5 мыңнан астам түрлер қойылған сирек кездесетін Батыс Мұғалжардың ежелгі палеовулкандары, Шуылдақ мұхит түбінің кесінді қалдықтары, Жаманшың метеорит кратерлері, т.б. бар. Көрмеге жылына 3 мыңнан астам адам келеді. [1]

Дереккөздер[өңдеу | қайнарын өңдеу]

  1. Қазақ энциклопедиясы