QYZYLJAR (телеарна)

Уикипедия — ашық энциклопедиясынан алынған мәлімет
(Қазақстан-Петропавл (телеарна) бетінен бағытталды)
Навигацияға өту Іздеуге өту
«Қазақстан» РТРК» АҚ Солтүстік Қазақстан облыстық филиалы
Түрі

Телекомпания

Құрылды

Петропавл, Қазақстан (наурыз 1958 жыл)

Орналасуы

 Қазақстан, Петропавл

Басты адамдары

Директоры - Тоқшалық Ерлан Бейсенұлы

Басшы компания

«Қазақстан» РТРК» АҚ

Статусы

Белсенді

Сайты

qyzyljartv.kz

Телеарна ұжымы

Бүгінгі «Қазақстан» РТРК» АҚ Солтүстік Қазақстан облыстық филиалы - 1958 жылы облыстық ұлттық депутаттар кеңесінің шешімімен Петропавлда телемұнараның құрылысы қолға алынды. Әрі техникалық және шығармашылық қызметкерлер үшін ғимарат бой көтере бастады. 1960 жылы 1 наурызда өз жұмыстарын бастады.[1]

Тарихы[өңдеу | қайнарын өңдеу]

1960 жылы 1 наурызда шығармашылық ұжымды құру жөнінде алғашқы бұйрық қабылданған болатын. Дәл осы жылдың маусым айында облыстық телевидениенің тырнақалды бағдарламалары эфирге шықты. Телевидение телеридио тарату жөніндегі комитеттің құрамында болатын. Оған облыстық радио, телеорталық және телевидение студиясы енді. Комитет төрағасы қызметін Я.М.Грин атқарды. Телеорталықты И.И.Макаркин, телестудияны Е.Н.Маклаков басқарды. Телеарнаның алғашқы хабарлары облыс көрермендеріне тек тікелей эфирде ұсынылатын. Шығармашылық ұжым қоғамдық-саяси ғана емес, әдеби бағдарламаларды жасау жолында еңбек етті. Петропавлға гастрольдік сапармен келген Мәскеулік үлкен опера және балет театры ұжымының өнерін, шағын драмалық театрлардың қойылымдарын және көпшілікке танымал болған ұжымдардың шеберлігін облыс жұртшылығы осы телеарна арқылы тамашалайтын.

1967 жылы телеарнаның шығармашылық ұжымы жерлес жазушы Иван Шуховтың романы негізінде «Ойын» фильмі түсірілді. Режиссері: И.Маслов, операторы: А.Аккерт.

1968 жылы студенттік құрылыс жасақтары туралы «Планета целины» деректі фильмі түсірілді. Авторы Л.Перехрест, режиссері О.Торопкина. Ауыл еңбеккерлері арасында өткен «Золотой колос» байқауы Петропавл студиясының бастамасымен ұйымдастырылған еді. Дала жұмыстарының қорытындысы бойынша телеарнаның павильонында ауыл еңбеккерлеріне сый-сияпаттар тарту етілді. Көрерменнің ықыласына бөлінген хабарлар ретінде телевизиялық «Софит» жастар клубы, «Северянка» әйелдер клубы, «Ақ отау» әдеби телевизиялық бірлестігінің бағдарламалары және «ЗУМ» балалар хабарын атап өтуге болады.

1972 жылы алғашқы ПТВС алынды. Осы техниканың көмегімен хабарлардың дені оқиға ортасынан эфирге берілді. Алғашқысы облыстық драмалық театрда өткен КСРО-ның 50 жылдығына арналған салтанатты жиналыс еді.

1982 жылы телеарна түрлі-түсті таратуға көшірілді. Павильондағы бағдарламалармен қатар түрлі-түсті киноөндірістің қыр-сыры да осы жылдары меңгерілді.

1990 жылдары жаппай телеарналарды коммерциализациялау дәуірі басталған кезде, студия ұжымы қаржы табу мақсатында қызмет етті. Белгілі бір мекемелер үшін ақылы фильмдер түсірілді. Тілші Бекмухамбетованың жетекшілігімен «СКВ Панорама» арнайы коммерциялық топ құрылды.

Эфир - тәулігіне 17 сағат. Көш басында «Есіл таңы» таңертеңгілік ақпарттық - көңілашар, «Тікелей эфирде» (қазақ және орыс тілдерінде), «Мәслихат» (қазақша, орысша), «Личный кабинет» жастар бағдарламасы, және басқа да бағдарламалар.

«Қазақстан» РТРК» АҚ СҚОФ 2 қабатты өндірістік-әкімшілік ғимаратта орналасқан, жалпы аумағы 1841,3 шаршы метрді құрайды. Жанында телерадиохабарларды тарататын негізгі нысандар «Қазтелерадио» АҚ және «Кателко» АҚ орналасқан.

Филиалдың СҚО тұрғындарын телерадиохабрларымен қамту 70% пайызды құрайды. СҚОФ аумағы 220 шаршы метрді құрайтын кең павильоны бар, мұнда барынша көп адамды қатыстыруға мүмкіндігі бар хабарларды тікелей эфирде де, алдын ала жазу арқылы өткізуге болады. Павильон қойылымдық әртүрлі планды декорациялармен, сандық 3 камерамен жабдықталған. Сондай-ақ филиалдың радиохабарларды тікелей трансляциалау және жазу үшін заманауи компьютерлік және дыбыстық техникамен жабдықталған жеке студиясы бар. СҚОФ бейнематериалдар мен теларадиохабарларды жылдам әзірлеу үшін 5 желелілік емес компьютерлік кешенмен жабдықталған. Барлық кешендер сандық форматта, ол кез келген күрделі монтаждарды жүргізуге мүмкіндік береді.

Бағдарламалар[өңдеу | қайнарын өңдеу]

  • «Ақпарат»
  • «Оқиғалар ортасында»
  • «Тәуелсіздік шежіресі»
  • «Айгөлек»
  • «Ақ тілек»
  • «Ауыл»
  • «Ауылдың гүлденуі – Қазақстанның гүлденуі»
  • «Денсаулық»
  • «Мәслихат»
  • «Тікелей эфирде...»[2]

Дереккөздер[өңдеу | қайнарын өңдеу]

  1. http://petropavltv.kz/kz/category/channel Мұрағатталған 28 шілденің 2014 жылы.
  2. http://petropavltv.kz/kz/programs/index/programs Мұрағатталған 28 шілденің 2014 жылы.

Сыртқы сілтемелер[өңдеу | қайнарын өңдеу]