Қазақстан Республикасы Денсаулық сақтау министрлігі
| Қазақстан Республикасы Денсаулық сақтау министрлігі (ҚР ДСМ) | |
|---|---|
| Жалпы мағлұмат | |
| Мемлекет |  Қазақстан
|
| Құрылған уақыты | 1946-1997, 2001-2014, 2017 жылы қайта құрылды. |
| Оның алдындағы мекемелер | ҚР Денсаулық сақтау ісі жөніндегі агенттігі ҚР Денсаулық сақтау және әлеуметтік даму министрлігі |
| Мекемені басқарады | Қазақстан Үкіметі |
| Штаб-пәтері | 010000, Астана қаласы, Сол жағалау, Орынбор көшесі 8, Министрліктер үйі 5-кіреберіс, 51°07′45″ с. е. 71°26′30″ ш. б. / 51.12917° с. е. 71.44167° ш. б. (G) (O) (Я) |
| Министр | Ақмарал Әлназарова |
| Бірінші вице-министрі | Тимур Сұлтанғазиев |
| Ресми сайты | |
| https://www.gov.kz/memleket/entities/dsm?lang=kk | |
Қазақстан Республикасы Денсаулық сақтау министрлігі (1946-1997, 2001-2014, 2017-қазірге дейін) — Қазақстан Республикасының Үкіметі құрамына енетін Қазақстан Республикасының орталық атқарушы органы. Министрлік Қазақстан Республикасындағы денсаулық сақтау, медицина және фармацевтика ғылымы мен білім беру саласындағы мемлекеттік саясатты жүргізу; заңнамаға сәйкес азаматтардың мемлекет кепілдік берген көлем шегінде тегін медициналық көмек алуын қамтамасыз етуді ұйымдастыру; халықты және денсаулық сақтау ұйымдарын қауіпсіз, тиімді және саналы дәрілік заттармен қамтамасыз етуді ұйымдастыру жұмыстарын атқарады.
Тарихы[өңдеу | қайнарын өңдеу]
Қазақ КСР Денсаулық сақтау министрлігі ретінде 1946 ж. наурыздан [1] қызмет етіп келеді.[2] ҚР Президентінің 2001 ж. 17 қазандағы Жарлығымен [3] ҚР Денсаулық сақтау істері жөніндегі агенттігінің қайта ұйымдастырылуының нәтижесінде қайта құрылды. ҚР Үкіметінің 2001 ж. 16 қарашадағы қаулысымен [4] министрлік туралы ереже бекітілді. 2002 ж. 1 қаңтардан министрліктің ведомстволары құрылды: Мемлекеттік санитарлық-эпидемиологиялық қадағалау комитеті және Фармация, фармацевтика және медицина өнеркәсібі комитеті. Ережеге сәйкес министрлік басшылықты, сондай-ақ заңнамада көзделген шекте азаматтардың денсаулығын сақтау саласында арнайы атқарушылық, бақылау-қадағалау функцияларын және салааралық үйлестіруді жүзеге асыратын орталық атқарушы орган болып табылды.
Министрліктің негізгі міндеттері мыналар болды: халықтың денсаулығын сақтау саласындағы бірыңғай мемлекеттік саясатты жүргізу; азаматтардың заңнамаға сәйкес мемлекет кепілдік берген көлем шегінде тегін медициналық көмек алуын қамтамасыз етуді ұйымдастыру; халықтың санитарлық-эпидемиологиялық салауаттылығын қамтамасыз ету жөніндегі іс-шараларды ұйымдастыру және олардың орындалуын бақылау; халықты емдеу және алдын алу ұйымдарын қауіпсіз, тиімді және сапалы дәрі-дәрмек құралдарымен қамтамасыз етуді ұйымдастыру; денсаулық сақтауды, фармацевтика және медицина өнеркәсібін дамыту жөніндегі іс-шараларды белгілеу; ведомстволық бағыныстағы мемлекеттік ұйымдардың материалдық-техникалық базасын дамыту; министрлік құзіреті шегінде халықаралық ынтымақтастықты ұйымдастыру және дамыту.
ҚР Үкіметінің 2003 ж. 7 қарашадағы қаулысымен [5] министрлік туралы ережеге өзгертулер мен толықтырулар енгізілді: министрлік қосымша медициналық және фармацевтикалық білім саласында арнайы атқарушылық, бақылау-қадағалау функцияларын және салааралық үйлестіруді жүзеге асырады; министрліктің негізгі міндеттері медициналық ғылым, медициналық және фармацевтикалық білім саласында біртұтас саясатты жүргізу міндетімен толықтырылды. ҚР Президентінің 2004 ж. 29 қыркүйектегі Жарлығымен [6] министрліктің медициналық және фармацевтикалық өнеркәсіпті реттеу саласындағы функциялары ҚР Индустрия және сауда министрлігіне берілді.
ҚР Үкіметінің 2004 ж. 28 қазандағы қаулысымен [7] министрлік туралы жаңа ереже бекітілді. Медициналық қызмет көрсетулер сапасына бақылау жасау жөніндегі комитеті құрылды, оған министрліктің денсаулық сақтау саласындағы стандарттардың сақталуына бақылау жасауды жүзеге асыру функциялары берілді. Министрліктің Фармация, фармацевтика және медицина өнеркәсібі комитеті министрліктің Фармация комитеті болып қайта құрылды, оған қайта ұйымдастырылған комитеттің фармацевтикалық және медициналық өнеркәсіпті реттеуден басқа функциялары берілді. Министрлік басшылық жасауды, сондай-ақ заңнамада көзделген шекте азаматтардың денсаулығын сақтау, фармацевтикалық және медициналық білім беру саласында салааралық үйлестіруді жүзеге асыратын орталық атқарушы орган болып табылады.
Министрліктің негізгі міндеттері[өңдеу | қайнарын өңдеу]
- Халықтың денсаулығын сақтау;
- Медицина ғылымы, фармацевтикалық және медициналық білім беру саласында бірыңғай мемлекеттік саясатты әзірлеу;
- Азаматтардың заңнамаға сәйкес мемлекет кепілдік берген көлем шегінде тегін медициналық көмек алуын қамтамасыз етуді ұйымдастыру;
- Халықты және емдеу-алдын алу ұйымдарын қауіпсіз, тиімді және сапалы дәрі-дәрмек құралдарымен қамтамасыз етуді ұйымдастыру;
- Министрлік құзіреті шегінде халықаралық ынтымақтастықты ұйымдастыру және дамыту.
Құрылымы[өңдеу | қайнарын өңдеу]
Министрліктің құрамында келесі ведомстволар бар:
Қарамағындағы мекемелер[өңдеу | қайнарын өңдеу]
- "Қазақ республикалық лепрозорийі" ММ
- "Жіті бақыланатын мамандандырылған үлгідегі республикалық психиатриялық аурухана" ММ
- "Республикалық арнайы медициналық қамтамасыз ету орталығы" ММ
- "Салидат Қайырбекова атындағы Ұлттық денсаулық сақтауды дамыту ғылыми орталығы" ШЖҚ РМК
- "Академик Н.Ж. Батпенов атындағы Ұлттық ғылыми травматология және ортопедия орталығы" ШЖҚ РМК
- "Трансфузиология ғылыми-өндірістік орталығы" ШЖҚ РМК
- "Ұлттық шұғыл медицинаны үйлестіру орталығы" ШЖҚ РМК
- "Республикалық психикалық денсаулық ғылыми-практикалық орталығы" ШЖҚ РМК
- "Қазақ дерматология және инфекциялық аурулар ғылыми орталығы" ШЖҚ РМК
- "Республикалық қан орталығы" ШЖҚ РМК
- "Отан соғысының ардагерлеріне арналған республикалық клиникалық госпиталь" ШЖҚ РМК
- "Қазақстан Республикасының Ұлттық фтизиопульмонология ғылыми орталығы" ШЖҚ РМК
- "Отан соғысының ардагерлеріне арналған орталық клиникалық госпиталь" ШЖҚ РМК
- "Курортология және медициналық оңалту ғылыми-зерттеу институты" ШЖҚ РМК
- "Транспланттауды және жоғары технологиялық көрсетілетін медициналық қызметтерді үйлестіру жөніндегі республикалық орталық" ШЖҚ РМК
- "Алатау" балалар клиникалық санаторийі" ШЖҚ РМК
- "СҚ-Фармация" ЖШС
- "Ұлттық нейрохирургия орталығы" АҚ
- "QazBioPharm" ұлттық холдингі" АҚ
- "Әлеуметтік медициналық сақтандыру қоры" КеАҚ
- "Астана медицина университеті" КеАҚ
- "С.Ж. Асфендияров атындағы Қазақ ұлттық медицина университеті" КеАҚ
- "Қарағанды медицина университеті" КеАҚ
- "Марат Оспанов атындағы Батыс Қазақстан медицина университеті" КеАҚ
- "Семей медицина университеті" КеАҚ
- "Turar Healthcare" коммерциялық емес АҚ
- "Ұлттық балаларды оңалту орталығы" коммерциялық емес АҚ
- "Ұлттық ғылыми онкология орталығы" ЖШС
- "Қоғамдық денсаулық сақтау ұлттық орталығы" ШЖҚ РМК
- "Республикалық медициналық-санитариялық алғашқы көмек орталығы" ШЖҚ РМК
Министрлікті басқарғандар[өңдеу | қайнарын өңдеу]
| № | Есімі | Басқарған және басқаруын аяқтаған уақыты | Лауазымы |
| 1 | Ақсұлтан Аманбаев | мамыр 1990 — сәуір 1992 | Қазақ КСР Денсаулық сақтау министрі, Қазақстан Республикасының Денсаулық сақтау министрі |
| 2 | Василий Девятко | сәуір 1992 — қазан 1997 | Қазақстан Республикасының Денсаулық сақтау министрі |
| 3 | Қырымбек Көшербаев | қазан 1997 — қаңтар 1999 | Қазақстан Республикасының Білім, мәдениет және денсаулық сақтау министрі |
| 4 | Қырымбек Көшербаев | қаңтар 1999 — қазан 1999 | Қазақстан Республикасының Денсаулық сақтау, білім және спорт министрі |
| 5 | Мария Омарова | қазан 1999 — тамыз 2000 | Қазақстан Республикасы Денсаулық сақтау ісі жөніндегі агенттігінің төрағасы |
| 6 | Жақсылық Досқалиев | тамыз 2000 — қазан 2001 | Қазақстан Республикасы Денсаулық сақтау ісі жөніндегі агенттігінің төрағасы |
| 7 | Жақсылық Досқалиев | қазан 2001 — 4 сәуір 2004 | Қазақстан Республикасының Денсаулық сақтау министрі |
| 8 | Ерболат Досаев | 5 сәуір 2004 — 20 қыркүйек 2006 | Қазақстан Республикасының Денсаулық сақтау министрі |
| 9 | Анатолий Дерновой | 20 қыркүйек 2006 — 20 қараша 2008 | Қазақстан Республикасының Денсаулық сақтау министрі |
| 10 | Жақсылық Досқалиев | 20 қараша 2008 — 7 қазан 2010 | Қазақстан Республикасының Денсаулық сақтау министрі |
| 11 | Салидат Қайырбекова | 7 қазан 2010 — 6 тамыз 2014 | Қазақстан Республикасының Денсаулық сақтау министрі |
| 12 | Тамара Дүйсенова | 6 тамыз 2014 — 25 қаңтар 2017 | Қазақстан Республикасының Денсаулық сақтау және әлеуметтік даму министрі |
| 13 | Елжан Біртанов | 25 қаңтар 2017 — 25 маусым 2020 | Қазақстан Республикасының Денсаулық сақтау министрі |
| 14 | Алексей Цой | 25 маусым 2020 — 20 желтоқсан 2021 | Қазақстан Республикасының Денсаулық сақтау министрі |
| 15 | Ажар Ғиният | 11 қаңтар 2022 — 6 ақпан 2024 | Қазақстан Республикасының Денсаулық сақтау министрі |
| 16 | Ақмарал Әлназарова | 6 ақпан 2024 бастап | Қазақстан Республикасының Денсаулық сақтау министрі |
Дереккөздер[өңдеу | қайнарын өңдеу]
- ↑ Алғашында 1920 ж. қазанда Қазақ КСР Денсаулық сақтау халық комиссариаты ретінде құрылды (Қазақ КСР мемлекеттік мекемелері. Анықтамалық. Қазақ АКСР Әлеуметгік-мәдени құрылыс басқармасы органдары, әкімшілік-саяси органдары және әділет соты органдары (1920— 1936 жж.) 2-т., З-б. Алматы, 1983, 36-37-6. қара). 1937 жылдан Қазақ КСР Денсаулық сақтау халық комиссариаты. 1946 ж. наурыздан — Министрлік. (Қазақстан Республикасының мемлекеттік мекемелері. Анықтамалық. Әлеуметтік-мәдени құрылыс басқармасы органдары, әкімшілік-саяси органдар және Қазақстан Республикасының әділет соты органдары (1937- 1977 жж.), 2-т., 3-6., Алматы, 1992, 26-27-6. қара).
- ↑ 1992-1997 жж. кезеңдегі мемлекеттік органдар туралы мәліметтер: қараңыз-Қазақстан Республикасының мемлекеттік билік органдары (1991 ж. 16 желтоқсан - 2001 ж. 1 қаңтар). Анықтамалық. ҚР ПМ. - Алматы: БҮ "Эдельвейс", 2004. 514-518 б. (Құрастырушылардың ескертпелері).
- ↑ "Азаматтардың денсаулығын қорғау саласында мемлекеттік басқаруды жетілдіру туралы" ҚР Президентінің 2001 ж. 17 қазандағы № 705 Жарлығы (Ағымдағы мүрағат).
- ↑ "Қазақстан Республикасы Денсаулық сақтау министрлігінің мәселелері" ҚР Үкіметінің 2001 ж. 16 қарашадағы № 1465 қаулысы (ҚР ПҮАЖ, 2001, № 40, 508-бап).
- ↑ "Қазақстан Республикасы Үкіметінің 2001 ж. 16 қарашадағы № 1465 қаулысына өзгертулер мен толықтырулар енгізу туралы" 2003 ж. 7 қарашадағы № 1111 қаулысы (ҚР ПҮАЖ, 2003, № 43, 454-бап).
- ↑ "Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы" ҚР Президентінің 2004 ж. 29 қыркүйектегі № 1449 Жарлығы (ҚР ПҮАЖ, 2004, №36, 474-бап).
- ↑ "Қазақстан Республикасы Денсаулық сақтау министрлігінің мәселелері" ҚР Үкіметінің 2004 ж. 28 қазандағы № 1117 қаулысы (ҚР ПҮАЖ, 2004, № 41, 529-бап).
