Қазақстан Республикасы Өнеркәсіп және құрылыс министрлігінің Құрылыс және тұрғын үй-коммуналдық шаруашылық істері комитеті

Уикипедия — ашық энциклопедиясынан алынған мәлімет
Навигацияға өту Іздеуге өту
Қазақстан Республикасы Өнеркәсіп және құрылыс министрлігінің Құрылыс және тұрғын үй-коммуналдық шаруашылық істері комитеті
Жалпы мағлұмат
Мемлекет  Қазақстан
Құрылған уақыты 26 қараша 2004 жыл
Штаб-пәтері 010000, Астана қаласы, Есіл ауданы, Қабанбай батыр даңғылы, 32/1, "Транспорт Тауэр" ғимараты
Төрағасы Пазылбекұлы Әзімбек
Ресми сайты
https://www.gov.kz/memleket/entities/kds?lang=kk

Қазақстан Республикасы Өнеркәсіп және құрылыс министрлігінің Құрылыс және тұрғын үй-коммуналдық шаруашылық істері комитеті — сәулет, қала құрылысы және құрылыс қызметі, тұрғын үй қатынастары, коммуналдық шаруашылық, елді мекендер шегінде сумен жабдықтау және су бұру, жылумен жабдықтау саласында (орталықтандырылған жылумен жабдықтау аймағында жылу энергиясын өндіруді жүзеге асыратын қазандықтар мен жылу электр орталықтарынан басқа) басшылықты жүзеге асыратын Қазақстан Республикасы Өнеркәсіп және құрылыс министрлігінің ведомствосы.

Тарихы[өңдеу | қайнарын өңдеу]

2004 жылы ҚР Индустрия және сауда министрлігінің Құрылыс iстерi жөнiндегi комитетi таратылып, орнына Құрылыс және тұрғын үй-коммуналдық шаруашылық істері комитеті құрылды. 2009 жылы ол ҚР Құрылыс және тұрғын үй-коммуналдық шаруашылық істері агенттігі болып құрылды. 2013 жылы агенттік таратылып, ҚР Өңірлік даму министрлігіне берілді. 2014 жылы ҚР Өңірлік даму министрлігінің Құрылыс және тұрғын үй-коммуналдық шаруашылық істері комитеті мен Жер ресурстарын басқару комитеті біріктіріліп, ҚР Ұлттық экономика министрлігінің Құрылыс, тұрғын үй-коммуналдық шаруашылық істері және жер ресурстарын басқару комитеті болып қайта құрылды. 2016 жылы ол Құрылыс және тұрғын үй-коммуналдық шаруашылық істері комитеті болып өзгертіліп, 2017 жылы ҚР Инвестициялар және даму министрлігінің, 2019 жылы ҚР Индустрия және инфрақұрылымдық даму министрлігінің, 2023 жылы ҚР Өнеркәсіп және құрылыс министрлігінің құрамына берілді.

Міндеттері[өңдеу | қайнарын өңдеу]

  • Сәулет, қала құрылысы және құрылыс қызметі, тұрғын үй қатынастары, коммуналдық шаруашылық жұмыс істеу, елді мекендер шегінде сумен жабдықтау және су бұру (орталықтандырылған жылумен жабдықтау аймағында жылу энергиясын өндіруді жүзеге асыратын қазандықтар мен жылу электр орталықтарынан басқа), жылумен жабдықтау саласындағы, сондай-ақ тұрғын үй құрылысына үлестік қатысу саласындағы мемлекеттік саясатты іске асыру[1]

Құрылымы[өңдеу | қайнарын өңдеу]

Комитеттің 15 басқармасы бар (2023 жылға):

  1. Құрылыс индустриясы басқармасы
  2. Тұрғын үй және тұрғын үй қатынастары басқармасы
  3. Техникалық реттеу және нормалау басқармасы
  4. Құқықтық қамтамасыз ету басқармасы
  5. Бухгалтерлік есеп және есептілік басқармасы
  6. Кадр және әкімшілік жұмыс басқармасы
  7. Коммуналдық шаруашылық басқармасы
  8. Сумен жабдықтау және су бұру басқармасы
  9. Тұрғын үй құрылысы және тұрғын үй-коммуналдық шаруашылығын экономикалық талдау басқармасы
  10. Тұрғын үй құрылысы және жаңа құрылысқа инженерлік-коммуникациялық инфрақұрылымды дамыту басқармасы
  11. Сәулет, қала құрылысы және қала құрылысы кадастры басқармасы
  12. Құрылыстағы сметалық нормалар басқармасы
  13. Персоналды басқару қызметі
  14. Лицензиялау мен аттестаттауды мониторингілеу және бақылау басқармасы
  15. Мемлекеттік сәулет-құрылыс бақылау басқармасы

Қарамағындағы мекемелер[өңдеу | қайнарын өңдеу]

  • «Жобаларды мемлекеттік ведомстводан тыс сараптау» ШЖҚ РМК ("Мемсараптама" РМК)
  • «Республикалық мемлекеттік қала құрылысын жоспарлау және кадастр орталығы» ШЖҚ РМК
  • «Қазақ құрылыс және сәулет ғылыми-зерттеу және жобалау институты» АҚ
  • «Тұрғын үй-коммуналдық шаруашылығын жаңғырту мен дамытудың қазақстандық орталығы» АҚ

Дереккөздер[өңдеу | қайнарын өңдеу]