Қазақстан Республикасы Денсаулық сақтау министрлігінің Санитариялық-эпидемиологиялық бақылау комитеті
| Қазақстан Республикасы Денсаулық сақтау министрлігі Санитариялық-эпидемиологиялық бақылау комитеті | |
|---|---|
| Жалпы мағлұмат | |
| Мемлекет |  Қазақстан
|
| Құрылған уақыты | 22 қыркүйек 2020 жыл |
| Штаб-пәтері | 010000, Астана қаласы, Есіл ауданы, Мәңгілік ел даңғылы, 8-үй, "Министрліктер үйі" әкімшілік ғимараты |
| Төрағасы | Сәдуақасов Нұрқан Олжабайұлы |
| Ресми сайты | |
| https://www.gov.kz/memleket/entities/ksek?lang=kk | |
Қазақстан Республикасы Денсаулық сақтау министрлігі Санитариялық-эпидемиологиялық бақылау комитеті — халықтың санитариялық-эпидемиологиялық саламаттылығы саласындағы басшылықты және мемлекеттік саясатты іске асыруды, мемлекеттік санитариялық-эпидемиологиялық бақылау мен қадағалауға жататын өнімді, оның ішінде тамақ өнімін бақылау мен қадағалауды, техникалық регламенттерде белгіленген талаптардың және биологиялық қауіпсіздік саласындағы талаптардың сақталуын бақылауды және қадағалауды, сондай-ақ биологиялық қауіпсіздікті қамтамасыз етуге бағытталған іс-шараларды реттеуді және іске асыруды жүзеге асыратын Қазақстан Республикасы Денсаулық сақтау министрлігінің ведомствосы.
Тарихы[өңдеу | қайнарын өңдеу]
2001 жылы қайта ұйымдастырылған ҚР Денсаулық сақтау министрлігінің құрамында Мемлекеттік санитарлық-эпидемиологиялық қадағалау комитеті болып құрылды. 2013 жылы комитет ҚР Тұтынушылардың құқықтарын қорғау агенттігінің құрамына енді. 2014 жылы агенттік орнына ҚР Ұлттық экономика министрлігінің Тұтынушылардың құқықтарын қорғау комитеті құрылып, 2017 жылы одан ҚР Денсаулық сақтау министрлігінің Қоғамдық денсаулық сақтау комитеті бөлінді. 2019 жылы Қоғамдық денсаулық сақтау комитеті мен Фармация комитеті Тауарлар мен көрсетілетін қызметтердің сапасы мен қауіпсіздігін бақылау комитеті болып бірікті. 2020 жылы ол Санитариялық-эпидемиологиялық бақылау комитеті және Медициналық және фармацевтикалық бақылау комитеті болып екіге бөлінді.
Міндеттері[өңдеу | қайнарын өңдеу]
- реттелетін салада іске асыру және бақылау-қадағалау функцияларын жүзеге асыру
- реттелетін салада мемлекеттік көрсетілетін қызметтердің сапасы мен қолжетімділігін қамтамасыз ету
- өз құзыреті шегінде Комитеттің жүктелген өзге де міндеттерді жүзеге асыру[1]
Құрылымы[өңдеу | қайнарын өңдеу]
Комитеттің 21 басқармаcы бар (2023 жылға):
- Жұртшылықпен байланыс басқармасы
- Ішкі қауіпсіздік басқармасы
- Персоналды басқару қызметі
- Бюджеттік жоспарлау басқармасы
- Бухгалтерлік есеп басқармасы
- Құқықтық қамтамасыз ету басқармасы
- Әкімшілік қамтамасыз ету басқармасы
- Азық-түлік тауарларына арналған техникалық регламенттерді бақылау басқармасы
- Азық-түлік емес тауарларға арналған техникалық регламенттерді бақылау басқармасы
- Мемлекеттік шекарадағы санитариялық қорғау жөніндегі қызметті үйлестіру басқармасы
- Ведомстволық бағынысты ұйымдарды дамыту басқармасы
- Стратегия және даму басқармасы
- Аса қауіпті инфекцияларды эпидемиологиялық қадағалау және биоқауіпсіздік басқармасы
- Инфекциялық ауруларды эпидемиологиялық бақылау басқармасы
- Вакцинамен басқарылатын инфекцияларды бақылау басқармасы
- Тамақтану, білім беру және тәрбиелеу объектілерін санитариялық-гигиеналық бақылау және қадағалау басқармасы
- Өндірістік, радиациялық қауіпті және коммуналдық объектілерді санитариялық-гигиеналық бақылау және қадағалау басқармасы
- Бақылау-қадағалау қызметін үйлестіру басқармасы
- Мемлекеттік қызмет көрсету басқармасы
- Цифрландыру басқармасы
- Активтер және мемлекеттік сатып алулар басқармасы
Қарамағындағы мекемелер[өңдеу | қайнарын өңдеу]
- Облыстық және Алматы, Астана, Шымкент қалалық санитариялық-эпидемиологиялық бақылау департаменттері
- Аудандық және облыстық маңыздағы қалалардағы санитариялық-эпидемиологиялық бақылау басқармалары
- Ақтөбе, Арал теңізі, Атырау, Жамбыл, Қызылорда, Маңғыстау, Талдықорған, Орал, Шымкент обаға қарсы күрес станциялары
- «Ұлттық сараптама орталығы» ШЖҚ РМК
