Қазақстан Республикасы Жасанды интеллект және цифрлық даму министрлігінің Цифрлық активтер және серпінді технологиялар комитеті — жасанды интеллект, инновациялық қызметті мемлекеттік қолдау саласын қалыптастыру және олардың дамуын қамтамасыз ету, инновациялық қызмет, елдің ғылыми-техникалық дамуы саласындағы елішілік құндылықты дамыту, электронды өнеркәсіп, цифрлық активтер және ақпараттық технологиялар салаларындағы басшылықты жүзеге асыратын Қазақстан Республикасы Жасанды интеллект және цифрлық даму министрлігінің ведомствосы.
Цифрлық даму, инновациялар және аэроғарыш өнеркәсібі министрлігінің құрамында 2024 жылы Жасанды интеллект және инновацияларды дамыту комитеті деген атаумен құрылған. 2025 жылы комитет Жасанды интеллект және цифрлық даму министрлігінің құрамына өтіп, атауы Жасанды интеллект және деректерді басқару комитеті болып өзгертілді. 2025 жылдың соңында комитет атауы Цифрлық активтер және серпінді технологиялар комитеті болып өзгертілді.
жасанды интеллект, инновациялық қызметті мемлекеттік қолдау саласын қалыптастыру және олардың дамуын қамтамасыз ету, инновациялық қызмет, елдің ғылыми-техникалық дамуы саласындағы елішілік құндылықты дамыту, электронды өнеркәсіп, цифрлық активтер және ақпараттық технологиялар салаларында мемлекеттік саясатты қалыптастыру және жүзеге асыру;
инновациялық және ғылыми-техникалық қызметті ынталандыру, жасанды интеллект, электронды өнеркәсіп, цифрлық активтер және ақпараттық технологиялар дамыту үшін жағдайлар жасау.[1]
Қазақстан
