Қазақстан Республикасы Өнеркәсіп және құрылыс министрлігінің Өнеркәсіп комитеті

Уикипедия — ашық энциклопедиясынан алынған мәлімет
Навигацияға өту Іздеуге өту
Қазақстан Республикасы Өнеркәсіп және құрылыс министрлігінің Өнеркәсіп комитеті
Жалпы мағлұмат
Мемлекет  Қазақстан
Штаб-пәтері 010000, Астана қаласы, Есіл ауданы, Қабанбай батыр даңғылы, 32/1, "Транспорт Тауэр" ғимараты
Төрағасы Панбаев Азамат Серікұлы
Ресми сайты
https://www.gov.kz/memleket/entities/comprom?lang=kk

Қазақстан Республикасы Өнеркәсіп және құрылыс министрлігінің Өнеркәсіп комитеті — тау-кен металлургия кешені; машина жасау; көмір, химия, жеңiл (ауыл шаруашылығы жануарларының терісі мен жүнін өңдеуден басқа), ағаш өңдеу және жиһаз өнеркәсiбi; құрылыс материалдарының өндiрiсi; машиналар мен жабдықтардың қауiпсiздiгi; салалық бағытына сәйкес химия өнiмiнiң қауiпсiздiгi; өзіндік ерекшелігі бар тауарларды бақылау; жекелеген қызмет және тауар түрлерін лицензиялау; энергия үнемдеу және энергия тиімділігін арттыру; бағалы металдар өндірісі және бағалы металдар мен асыл тастар айналымы; құрамында бағалы металдар бар шикізат тауарлары; зергерлік және басқа да бұйымдар салаларында басшылықты және реттелетін салаларда тауарларды таңбалау және қадағалау саласында жалпы үйлестіруді жүзеге асыратын Қазақстан Республикасы Өнеркәсіп және құрылыс министрлігінің ведомствосы.

Тарихы[өңдеу | қайнарын өңдеу]

2020 жылы ҚР Индустрия және инфрақұрылымдық даму министрлігінің Индустриялық даму және өнеркәсіптік қауіпсіздік комитеті ҚР Төтенше жағдайлар министрлігінің Өнеркәсіптік қауіпсіздік комитеті және ҚР Индустрия және инфрақұрылымдық даму министрлігінің Индустриялық даму комитеті болып екіге бөлінді. 2023 жылы Индустриялық даму комитеті ҚР Өнеркәсіп және құрылыс министрлігінің Өнеркәсіп комитеті болып құрылды.

Міндеттері[өңдеу | қайнарын өңдеу]

  1. өнеркәсіптік саясатты қалыптастыруға және іске асыруға қатысу
  2. өнеркәсіптің: тау-кен металлургия, көмір, машина жасау, химия, жеңіл (ауыл шаруашылығы жануарларының терісі мен жүнін өңдеуден басқа), ағаш өңдеу өнеркәсібі, құрылыс материалдары өндірісі салаларын дамыту бойынша мемлекеттік ынталандаруды қалыптастыруға және іске асыруға қатысу
  3. өзіндік ерекшелігі бар тауарларды бақылау саласындағы мемлекеттік саясатты қалыптастыруға және іске асыруға қатысу
  4. тау-кен және химия өндірістерін пайдалану, уларды өндіру, өңдеу, сатып алу, сақтау, өткізу, пайдалану, жою және тауарлардың жекелеген түрлерінің экспорты мен импорты жөніндегі қызметті лицензиялауды жүзеге асыру
  5. энергия үнемдеу және энергия тиімділігін арттыру саласындағы мемлекеттік саясатты қалыптастыру және іске асыру
  6. реттелетін салалардағы тауарларды таңбалау және қадағалау саласында жалпы үйлестіруді жүзеге асыру[1]

Құрылымы[өңдеу | қайнарын өңдеу]

Комитеттің 16 басқармасы бар (2023 жылға):

  1. Қара металлургия басқармасы
  2. Көлік, арнайы техника және ауыл шаруашылығы машинасын жасау басқармасы
  3. Құрылыс индустриясы және ағаш өңдеу өнеркәсібінің басқармасы
  4. Салааралық үйлестіру басқармасы
  5. Арнайы экономикалық және индустриялық аймақтар басқармасы
  6. Энергия үнемдеу және энергия тиімділігін арттыру басқармасы
  7. Жеңіл өнеркәсіп басқармасы
  8. Электротехникалық және ауыр машина жасау басқармасы
  9. Химия өнеркәсібі басқармасы
  10. Түсті металлургия және сирек металдар басқармасы
  11. Көмір өнеркәсібі басқармасы
  12. Экспорттық бақылау және лицензиялау басқармасы
  13. Елішілік құндылықты дамыту басқармасы
  14. Өңдеу өнеркәсібі жобаларының басқармасы
  15. Стратегиялық және бағдарламалық құжаттар мониторингі басқармасы
  16. Қаржы және әкімшілік жұмыс және қоғамдық коммуникациялар басқармасы

Қарамағындағы мекемелер[өңдеу | қайнарын өңдеу]

  • «Электр энергетикасын дамыту және энергия үнемдеу институты (Қазақэнергиясараптама)» АҚ
  • «Жезқазғансирекмет» ШЖҚ РМК
  • «Қазақстан Республикасының минералдық шикізатты кешенді қайта өңдеу жөніндегі ұлттық орталығы» ШЖҚ РМК
  • «Ұлттық технологиялық болжау орталығы» ШЖҚ РМК
  • «Агроинженерия ғылыми-өндірістік орталығы» ЖШС

Дереккөздер[өңдеу | қайнарын өңдеу]