Қазақстан Республикасы Президентінің телерадиокешені
| "Қазақстан Республикасы Президентінің телерадиокешені" ШЖҚ РМК | |
|---|---|
 | |
| Жалпы мағлұмат | |
| Құрылған уақыты | 1996 жыл |
| Мекемені басқарады | Қазақстан Республикасы Президентінің Іс Басқармасы |
| Штаб-пәтері |  Қазақстан, Астана қаласы, Ақмешіт көшесі, 3 |
| Директоры | Раушан Қажыбаева |
| Ресми сайты | |
| ptrk.qr-pib.kz | |
Қазақстан Республикасы Президентінің телерадиокешені — мемлекет басшысы Қ.К. Тоқаевтың қызметін ақпараттық жағынан қамтамасыз ететін арнаулы медиа-ресурс.
Телерадиокешен медиа активтеріне ел аумағында тәулік бойы хабар тарататын «Jibek Joly» телеарнасы, халықаралық кеңістікке тарайтын «Silk Way», «Silk Way Cinema», «Silk Way Prime» телеарналары, «Jibek Joly» радиосы, «Kazinform» халықаралық ақпарат агенттігі және Деректі фильмдер орталығы кіреді.
Тарихы
[өңдеу | қайнарын өңдеу]Қазақстан Республикасы Президентінің Телерадиокешені алғаш рет 1995 жылы 17 сәуірде «Қазақстан Республикасы Президентінің Баспасөз Қызметінің Телерадиокешені» деген атаумен құрылған.[1] 1996 жылы 29 желтоқсанда телерадиокешенді Президенттің Баспасөз Қызметінен бөліп шығару туралы шешім қабылданып, «Қазақстан Республикасы Президентінің Телерадиокешені» мемлекеттік мекемесі құрылды. Телерадиокешеннің меншік иесі Президенттің Іс Басқармасы болды.
1999 жылы «Қазақстан Республикасы Президентiнiң телерадиокешенi» мемлекеттік мекемесі жарғылық капиталына мемлекет жүз пайыз қатысатын «Қазақстан Республикасы Президентiнiң телерадиокешенi» коммерциялық емес жабық акционерлiк қоғамы болып қайта ұйымдастырылды.
ҚР Президенті Іс басқарушысының 2005 жылдың 11 ақпандағы №06/20 бұйрығына сай «ҚР Президентінің ТРК» КЕЖАҚ-ынан «ҚР Президентінің ТРК» КЕАҚ-ы болып қайта аталды.
2022 жылы «ҚазАқпарат» халықаралық ақпарат агенттігі, «Qazaq TV» халықаралық спутниктік телеарнасы және Kaztube ұлттық видео-хостингі ҚР Президентінің Телерадиокешені құрамына берілді.[2] 2023 жылы «Қазақстан Республикасы Президентінің телерадиокешені» коммерциялық емес акционерлік қоғамы «Қазақстан Республикасы Президентінің телерадиокешені» шаруашылық жүргізу құқығындағы республикалық мемлекеттік кәсіпорны болып қайта құрылды.
2022 жылы «Qazaq TV» халықаралық телеарнасы ребрендинг жасап, Қазақстаннның ішіне тарайтын «Jibek Joly» және халықаралық кеңістікке тарайтын «Silk Way» телеарналары болып екіге бөлінді. 2023 жылы медиахолдинг жанынан «Silk Way Cinema», 2025 жылы «Silk Way Prime» телеарналары ашылды. 2025 жылы бұрынғы «Астана» радиосының жиілігінде «Jibek Joly» радиосы ашылды.
Қызметтері
[өңдеу | қайнарын өңдеу]- Бейне-аудио, кино және фотоқұжаттар жасап, жинап, өңдеу, сондай-ақ, оларды қалыпқа келтіріп, жүйелеп отыру
- Қазақстан Республикасы Президентінің жеке Мұрағатына арнап бейне-аудио, кино және фотоқұжаттар жасау
- Бейнефильмдер мен телебағдарламалар өндірісін жасау және тарату
- Кинофестифальдар, форумдар, концерттер, конференциялар, байқаулар ұйымдастырып, өткізу
- Журналдар, газеттер, буклеттер және өзге де баспа өнімдерін шығару
- Ақпараттық және жарнамалық қызметтер көрсету
- Өзінің құрылу мақсатына кері келмейтін өзге де қызмет түрлерін көрсету[3]
Басшылары
[өңдеу | қайнарын өңдеу]| № | Аты-жөні | Басқарған жылдар | Лауазымы | |
|---|---|---|---|---|
| 1 | Юрий Крылов | 1997 | 2000 | Қазақстан Республикасы Президенті Телерадиокешенінің бас директоры |
| 2 | Махат Садық | 2000 | 2005 | Қазақстан Республикасы Президенті Телерадиокешенінің бас директоры |
| 3 | Бауыржан Айтқазин | 2005 | 2007 | Қазақстан Республикасы Президенті Телерадиокешенінің бас директоры |
| 4 | Айбек Юсуп | маусым 2007 | ақпан 2009 | Қазақстан Республикасы Президенті Телерадиокешенінің бас директоры |
| 5 | Ерлан Бекхожин | 23 ақпан 2009 | 20 тамыз 2019 | Қазақстан Республикасы Президенті Телерадиокешенінің бас директоры |
| 6 | Раушан Қажыбаева | 26 тамыз 2019 | қызметте | Қазақстан Республикасы Президенті Телерадиокешенінің бас директоры, директоры |