Қазақстан Республикасы Энергетика министрлігі

Уикипедия — ашық энциклопедиясынан алынған мәлімет
Навигацияға өту Іздеуге өту
Қазақстан Энергетика министрлігі
Қазақстан елтаңбасы
Жалпы мағлұмат
Құзыреті  Қазақстан
Құрылған уақыты 6 тамыз 2014 жыл
Оның алдындағы мекеме Мұнай және газ, Индустрия және жаңа технологиялар мен Қоршаған орта және су ресурстары министрліктері
Мекемені басқарады Қазақстан үкіметі
Министрі Алмасадам Сәтқалиев
Ресми сайты
gov.kz/memleket/entities/energo

Қазақстан Республикасы Энергетика министрлігі — энергетика саласында атомдық минералдық ресурстар тау-металлургиялық, химиялық, мұнай химиялық және атом өнеркәсібіне басшылық жасайтын, үкімет құрамына кіретін орталық орындаушы орган, министрлік. Өзінің шектеулі компетенция функцияларын орындайтын мемлекеттік басқару мен бақылауды жүзеге асырады.[1] Министрлік 2014 жылдың тамызында Мұнай және газ, Индустрия және жаңа технологиялар және Қоршаған орта және су ресурстары министрліктерінің қосылуынан құрылды.[2]

Тарихы[өңдеу | қайнарын өңдеу]

Қазіргі энергетика министрлігінің тұңғыш «аналогы» 1999 жылы құрылған Мұнай және газ өнеркәсібі министрлігі еді. Бұл министрлігінің жалғыз министрі — 2006 жылға лауазымды иелеген Владимир Школьник еді.

2014 жылдың сәуірінде Қазақстан энергетиктері, соның ішінде Қазақстан Электроэнергетика Ассоциациясының мүшелері, Қазақстан премьер-министрі Кәрім Мәсімовке Индустрия және жаңа технологиялар министрлігінен бөлініп, ҚР Энергетика министрлігін құру туралы өтінішпен жүгінді.[3] Сол жылдың 6 тамызында президент Назарбаев Ақордада өткен Үкіметтің кеңейтілген отырысында Энергетика министрлігінің құрылатынын, және оның Мұнай және газ, Индустрия және жаңа технологиялар және Қоршаған орта және су ресурстары министрліктерінің міндетін алатынын айтып кетті.[2] Тұңғыш энергетика министрі болып Владимир Школьник тағайындалды.

ҚР Үкіметінің 2014 жылғы 14 тамыздағы № 933 қаулысымен:

  • Индустрия және жаңа технологиялар министрлігінің Мемлекеттік энергетикалық қадағалау және бақылау комитеті мен Атом энергиясы комитеті біріктіріліп, Энергетика министрлігінің Атомдық және энергетикалық қадағалау мен бақылау комитеті құрылды;
  • Мұнай және газ министрлігінің Мұнай-газ кешеніндегі мемлекеттік инспекциялау комитеті мен Қоршаған ортаны қорғау және су ресурстары министрлігінің Экологиялық реттеу және бақылау комитеті біріктіріліп, Энергетика министрлігінің Мұнай-газ кешеніндегі экологиялық реттеу, бақылау және мемлекеттік инспекция комитеті құрылды.

ҚР Үкіметінің 2016 жылғы 15 шілдедегі № 409 қаулысымен Энергетика министрлігінің Мұнай-газ кешеніндегі экологиялық реттеу, бақылау және мемлекеттік инспекция комитеті Экологиялық реттеу және бақылау комитеті болып қайта аталды.

ҚР Президентінің 2019 жылғы 17 маусымдағы № 17 Жарлығымен Энергетика министрлігінің қоршаған ортаны қорғаудың, тұрмыстық қатты қалдықтармен жұмыс істеудің мемлекеттік саясатын қалыптастыру және іске асыру, табиғи ресурстарды қорғау, оларды ұтымды пайдалануды бақылау және қадағалау саласындағы функциялары мен өкілеттіктері жаңадан құрылған Экология, геология және табиғи ресурстар министрлігіне берілді.

ҚР Үкіметінің 2019 жылғы 5 шілдедегі № 479 қаулысымен Энергетика министрлігінің Экологиялық реттеу және бақылау комитеті Экология, геология және табиғи ресурстар министрлігінің Экологиялық реттеу және бақылау комитеті болып қайта аталды.

Құрылымы[өңдеу | қайнарын өңдеу]

Энергетика министрлігінің 2023 жылдың қыркүйегіндегі жағдайы бойынша құрылымы:[4]

Комитеттері[өңдеу | қайнарын өңдеу]

Министрліктің жалғыз комитеті — Атомдық және энергетикалық қадағалау мен бақылау комитеті. Ол атом энергиясын пайдалану және электр энергетикасы салаларындағы басшылықты жүзеге асырады.

Департаменттері[өңдеу | қайнарын өңдеу]

Энергетика министрлігінің департаменті бар:

  • Ішкі аудит департаменті;
  • Жер қойнауын пайдалану департаменті;
  • Газ және мұнай-газ-химия департаменті;
  • Жұртшылықпен байланыс департаменті;
  • Мұнай тасымалдау және өңдеу департаменті;
  • Мұнай игеру және өндіру департаменті;
  • Көмірсутектер және жер қойнауын пайдалану салаларындағы мемлекеттік бақылау департаменті;
  • Электр энергетикасын дамыту департаменті;
  • Атом энергетикасы және өнеркәсібі департаменті;
  • Жаңартылған энергия көздері департаменті;
  • Стратегиялық даму департаменті;
  • Жолданымдарды және орындаушылық тәртіпті бақылау департаменті;
  • Заң қызметі департаменті;
  • Бюждет және қаржылық рәсімдер департаменті;
  • Халықаралық ынтымақтастық департаменті;
  • Цифрландыру департаменті;
  • Персоналды дамыту департаменті;
  • Қауіпсіздік департаменті.

Қарамағындағы мекемелер[өңдеу | қайнарын өңдеу]

  • Мұнай-газ кешеніндегі мемлекеттік инспекциясының батыс өңіраралық басқармасы
  • Мұнай-газ кешеніндегі мемлекеттік инспекциясының оңтүстік өңіраралық басқармасы
  • «Қазақстан Республикасының отын-энергетикалық кешенінің ахуалдық-талдамалық орталығы» АҚ
  • «Достық Энерго» АҚ
  • «Ұлттық индустриялық мұнай-химия технопаркі» арнайы экономикалық аймағының басқарушы компаниясы» АҚ
  • «Электр энергиясы мен қуаты рыногының қазақстандық операторы» АҚ
  • «Ядролық физика институты» ШЖҚ РМК
  • «Қазақстан Республикасының ұлттық ядролық орталығы» ШЖҚ РМК
  • «Жаңартылатын энергия көздерін қолдау жөніндегі қаржы-есеп айырысу орталығы» ЖШС

Министрлер тізімі[өңдеу | қайнарын өңдеу]

№ Суреті Аты-жөні
(Өмір сүрген жылдары) 		Қызметі Партиясы Үкімет басшысы
Мұнай және газ өнеркәсібі министрлігі (1999–2006)
1 Равиль Шырдабаев
(1940 туған) 		маусым
1994 		қазан
1994 		белгісіз
2 Нұрлан Балғымбаев
(1947 туған) 		1994 1997 белгісіз
Энергетика, индустрия және сауда министрлігі (1999–2006)
1 Владимир Школьник
(1949 туған) 		қазан
1999 		13 желтоқсан
2000 		белгісіз
Энергетика және минералдық ресурстар министрлігі (2000–2010)
1 Владимир Школьник
(1949 туған) 		13 желтоқсан
2000 		19 қаңтар
2006 		белгісіз
2 Бақтықожа Ізмұхамбетов
(1948 туған) 		19 қаңтар
2006 		27 тамыз
2007 		Партиясыз[5]
Нұр Отан[5]
3 Сауат Мыңбаев
(1962 туған) 		27 тамыз
2007 		12 наурыз
2010 		белгісіз
Энергетика министрлігі (2014 бері)
1 Владимир Школьник
(1949 туған) 		6 тамыз
2014 		25 наурыз
2016 		Нұр Отан[6]
2 Қанат Бозымбаев
(1969 туған) 		25 наурыз
2016 		18 желтоқсан
2019 		белгісіз
3 Нұрлан Ноғаев
(1967 туған) 		16 желтоқсан
2019 		7 қыркүйек
2021 		Нұр Отан[7]
4 Мағзұм Мырзағалиев
(1978 туған) 		9 қыркүйек
2021 		5 қаңтар
2022 		белгісіз
5 Болат Ақшолақов
(1971 туған) 		11 қаңтар
2022 		4 сәуір
2023 		белгісіз
6 Алмасадам Сәтқалиев
(1970 туған) 		4 сәуір
2023 		— белгісіз

Дереккөздер[өңдеу | қайнарын өңдеу]

  1. ↑ Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1
  2. ↑ a b Министерству энергетики РК передаются функции трех министерств  (орыс.) (6 августа 2014). Тексерілді, 13 қыркүйек 2023.
  3. ↑ КОНСТАНТИНОВ, Александр Энергетики хотят своего министра Wayback Machine мұрағатында (от 30 сәуірдің 2014)
  4. ↑ Құрылым  (қаз.). Энергетика министрлігінің ресми сайты. Тексерілді, 13 қыркүйек 2023.
  5. ↑ a b Измухамебтов Бактыкожа Салахатдинович  (орыс.). online.zakon.kz. Тексерілді, 13 қыркүйек 2023.
  6. ↑ Школьнику вручен партбилет члена «Нур Отана»  (орыс.). Азаттық радиосы (28 мая 2004). Тексерілді, 13 қыркүйек 2023.
  7. ↑ Ногаев Нурлан Аскарович (персональная справка)  (орыс.). online.zakon.kz. Тексерілді, 13 қыркүйек 2023.


Мақала бастамасы Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.
«https://kk.wikipedia.org/w/index.php?title=Қазақстан_Республикасы_Энергетика_министрлігі&oldid=3300642» бетінен алынған