Қазақстан ауыр атлетика ұлттық құрамасы

Қазақстан ауыр атлеттерінің орасан зор табысын көпшілік Қайрат Тұрлықановтың есімімен байланыстырады. Қайрат Болатұлы осы сала тізгінін ұстаған кезден бастап, ескі дәстүр қайта жаңғырып, қазақ ұл-қыздары биік белестерді бағындыра бастады.

• 1996 жылы Атлантада атақты Анатолий Храпатый алтын алғаннан кейін еліміздің ауыр атлетикасы біраз құлдырап қалған болатын.
• 2004 жылы Афины Олимпиадасында күміс медальді қанжығаға байлады (Сергей Филимонов)
• 2005, 2006 жж әлем чемпионаттарында Қазақ елінің әнұраны шырқалды. Екі ретінде де Илья Ильин алдына жан салмады.
• 2008 жылы Қытай астанасында ауыр атлеттер 1 алтын, 2 күміс және 1 қола медальді олжалап, айды аспанға шығарды. Илья Ильин алтын алса, Алла Важенина мен Ирина Некрасова күміске қол созды. Қола медаль Мария Грабовецкаяның еншісінде.
• Ал 2009 жылы Талдықорған қаласында тұсауы кесілген Азия чемпионатында жерлестеріміз 4 алтын және 3 қола медальді олжалады.
• 2009 жылы қарашада аяқталған Кореяның Гоянг қаласында ауыр атлетикадан кезекті әлем біріншілігінде қазақ ауыр атлеттері әлемдік сенсация жасады. 4 алтын, 1 қола жүлдеге (кіші жүлделерді есептемегенде) ие болған Қазақстан құрамасы Ресей, Корея, Иран, Түркия, Армения, Болгария сынды елдерді төменгі сатыға сырғытып, әлемдегі Қытайдан кейінгі алпауытқа айналды. Алтын алғандар - Зүлфия Чиншанло (53 кг), Майя Манеза (63 кг), Владимир Седов (94 кг) және Светлана Подобедова (75 кг), ал қоламен келген - Владимир Кузнецов (77 кг).

Қызық деректер

• 2005 жылғы әлем чемпионы Илья Ильин бұл жетістігінен кейін әлемдегі ең жас әлем чемпионы ретінде (17 жасында) «Гиннес рекордтар кітабына» енді.
• 2009 жылғы әлем чемпионы Зүлфия бұл жетістігінен кейін әлемдегі ең жас әлем чемпионы ретінде (Чин Шан Ло 1993 жылы 25 шілде күні дүниеге келген) «Гиннес рекордтар кітабына» енді.
• 2009 жылғы әлем чемпионы Светлана Подобедова қос сайыстың әр қайсысында абсолютті әлем рекордын жаңартты.

Тағы қараңыз

• Қазақстандағы ауыр атлетика