Қазақстан спорт сарайы
«Қазақстан» спорт сарайы — Астанада орналасқан спорт сарайы.
Спорт сарайының ресми ашылуы 2001 жылғы 6 наурызда Қазақстан Президенті Нұрсұлтан Назарбаевтың қатысуымен өтті. Ашылу салтанатында сөйлеген сөзінде Президент жобалаушылар бір шатырдың астында 5000 көрерменге арналған үлкен мұз алаңын, олимпиадалық стандарттағы жүзу бассейнін (50×25 м), балалар бассейнін (13×18 м), тренажёр залын және басқа да спорт түрлеріне арналған залдарды біріктіре алғанын атап өтті. Арнайы жабындының арқасында мұз айдынын баскетбол алаңына, теннис кортына немесе концерттік сахнаға айналдыруға мүмкіндік бар. Келген спортшыларға арналған қонақүй нысанның бір бөлігінде орналастырылды.[1]
2010 жылдың қарашасында спорт сарайына қосымша салынып, 1000 орындық трибуналары бар жаттығу мұз айдыны пайдалануға берілді.
2011 жылы кешен 2011 жылғы Қысқы Азия ойындарының бірнеше кезеңін қабылдады.
Дереккөздер
[өңдеу | қайнарын өңдеу]- ↑ 2001. Президенттің бір жылы / Құр. Ж. Қ. Түймебаев — Астана, 2005. — Б. 187-188. — 392 б. — 3000 таралым. — ISBN 9965-27-753-2.