Қазақстан — Сербия футбол матчы (2007)

Уикипедия — ашық энциклопедиясынан алынған мәлімет
Jump to navigation Jump to search
Қазақстан — Сербия
Қазақстан - Сербия 24.03.2007.jpg
Турнир

ЕУРО-2008 іріктеу турнирі

Дата

24 наурыз 2007

Стадион

"Орталық", Алматы

Көрермендер

15 000

Ауа райы

ашық

Қазақстан — Сербия футбол матчыЕУРО-2008 іріктеу турнирінің кезекті ойыны. Кездесу 2007 жылы 24 наурыз күні Алматыдағы Орталық стадионда өтті. Кездесуде Қазақстан футболшылары 2:1 есебімен жеңіске жетті. Бұл Қазақстан құрамасының УЕФА туы астындағы алғашқы ресми жеңісі еді.

Матч[өңдеу]

Матчқа дейін[өңдеу]

Еуропа чемпионатының іріктеу турниріне Қазақстан да, Сербия да тұңғыш рет қатысты. Қазақстан 2002 жылы АФК құрамынан шығып, УЕФА-ға өтті де, ЕУРО-2004 іріктеуінің жеребесі тартылып қойғандықтан, оған қатысуға үлгере алмады. Сербия құрамасы 2006 жылы 28 шілдеде Сербия мен Черногория өз алдарына бөлінген соң жаңа тарихын бастады да, ЕУРО-2008 іріктеуіне Сербия және Черногория құрамасының орнына қатысты.

Сербия құрамасының бірнеше футболшысы 2006 жылы Германияда өткен әлем чемпионатының іріктеуіне қатысқан болатын, атап айтқанда Милош Красич, Никола Жигич, Неманья Видич. Осылайша олар матч фавориті саналды.

Қазақстан құрамасы 2007 жылы наурызда Шымкентте өткен АЛМА-тв турнирінде Әзірбайжан құрамасын 1:0 есебімен ұтқаны болмаса, ресми матчтарда Еуропа құрамаларын ұтқан емес.

Матч барысы[өңдеу]

Ойынды Қазақстан футболшылары ширақ бастады. Бапкер Арно Пайперс құрама тарихындағы ең оптималды құрамды жинай алды. Сосын ба, футболшылар алғашқы минуттан-ақ сенімді қимылдады. Матч басында қауіпті шабуыл ұйымдастырылып, Жұмасқалиев жақыннан қатты соққы жасады. Бірақ қақпашы тосқауыл бола алды.

Бірінші таймда сербтер аздап басымдық танытты. Бірақ қазақстандық қорғаушылар мен Қазақстанның 2006 жылғы ең үздік футболшысы атанған қақпашы Давид Лория сыр бере қоймады. Тайм алма-кезек шабуылмен өтті. Әсіресе қонақтар сапынан бойы 202 сантиметр Никола Жигич қатты белсенді.

Екінші таймды қазақстандықтар сәтті басталды. Гол соғылған шабуыл да өте жақсы ұйымдастырылды. Сергиенко сырттан қолмен доп тастады. Серб қорғаушылары кері қайтарғанымен доп Скорыхқа келді. Скорыхтың пасын тағы да сербтер тойтарып еді, енді Балтиевке келді. Балтиев сол қанатқа Әшірбековке бағыттады. Әшірбеков айып алаңындағы Жұмасқалиевке әуелете тастап еді, Видич кері ұрды. Кері қайтқан допқа Әшірбеков жетіп қатты соққы жасады. Доп Степановқа тиді де, бағытын өзгертіп қақпаға еніп кетті. Стойкович алданып қалды. Доп автогол есебінде Степановқа емес, Әшірбековке жазылды — 1:0.

Қазақстан құрамасы бұған дейін де еуропалық командалармен ойында бірнеше рет есепте алға шыққандарымен, кейіннен ұтылып қала берген-ді. Бұл жолы да көпшілік бұл голға қуануға асықпады. Себебі бұл әлі 48-ші минут қана еді.

Голдан соң алға лап қойған сербтер нәтиже шығара алмады. Кучма мен Смақовтың арасынан сытылып өткен Красич қауіпті соққы жасағанымен Лория құраманы құтқарды. Қазақстандықтар да қарап қалмады. Сүймағамбетов пен Степанов сербтердің қақпасына жақын жерде допқа таласты да, Степанов қақпашыға беремін деп, қолайсыз пас тастады. Доп сыртқа кетті де, қазақтар бұрыштамаға ие болды. Балтиев бұрыштан доп берді. Доп қақпа түбіндегі Жұмасқалиевке дәл келді де, басымен ақырын ары қарай өткізіп жібере салды. Доп тағы да торға түсті — 2:0.

Қазақстан футболшылары Еуропаға өткелі бірінші рет қарсыластарынан екі доп айырмасымен алға шықты. Осыдан соң қорғанысты нығайтып, шабуылды азайтты. Сербия футболшылары 68 минутта есепті теңестірді. Қорғаныста екі қателік жіберген Степанов алыстан айып алаңына асырды, оған бірінші жеткен Жигич жақын жерден баспен ұрып торға түсірді — 2:1.

Осыдан соң қонақтардың бапкері екі бірдей ойыншыны ауыстырып, үш шабуылшымен ойнай бастады. Қазақстандықтарды қыспаққа алғанымен қорғаушылар сыр бермеді. Бір-екі алыстан бағыттаған соққылары қақпадан биік кетті. Қазақстандықтар да қарап қалған жоқ, Скорыхтың алыстан бағыттаған жойқын соққысын Стойкович әзер қайтарып үлгерді.

Ойынның соңғы жағында допқа талас үстінде Скорыхты беттен соққан Жигич алаңнан қуылды да, ол күні сербтердың Алматыдан ұпайсыз қайтатыны толық белгілі болды.

Протокол[өңдеу]

24 наурыз, 2007 жыл
Қазақстан Қазақстан 2:1  Сербия
Әшірбеков 48
Жұмасқалиев 61
Голдар Никола Жигич 68
Орталық стадион, Алматы
Көрермендер саны: 18 500
Төреші: Румыния Владимир Хринак
Team colours Team colours Team colours
Team colours
Team colours
 
Қазақстан
Team colours Team colours Team colours
Team colours
Team colours
 
Сербия
ҚҚ Давид Лория 59 минутта ескертілді 59'
ҚР Фархадбек Ырысметов 7 минутта ескертілді 7'
ҚР Александр Кучма
ҚР Максим Жалмағамбетов
ҚР Самат Смақов
ЖҚ Қайрат Әшірбеков Алмастырылды 71'
ЖҚ Сергей Скорых
ЖҚ Руслан Балтиев 42 минутта ескертілді 42'
ЖҚ Нұрбол Жұмасқалиев
ЖҚ Эдуард Сергиенко Алмастырылды 58'
Ш Мұрат Сүймағамбетов Алмастырылды 80'
Алмасулар:
Ш Дмитрий Бяков Алмасуға шықты 71'
ЖҚ Антон Чичулин Алмасуға шықты 58'
Ш Андрей Финонченко Алмасуға шықты 80'
Бапкер:
Арно Пайперс
ҚҚ Владимир Стойкович
ҚР Марьян Маркович
ҚР Милан Степанов
ҚР Неманья Видич 64 минутта ескертілді 64'
ҚР Душан Тошич
ЖҚ Ненад Ковачевич
ЖҚ Иван Эргич Алмастырылды 70'
ЖҚ Боян Янкович
ЖҚ Милош Красич 37 минутта ескертілді 37'
Ш Марко Пантелич Алмастырылды 69'
Ш Никола Жигич ескертілдіекінші қағазқуылды
Алмасулар:
Ш 2 Данко Лазович Алмасуға шықты 69'
Ш 17 Огнен Короман Алмасуға шықты 70'
Бапкер:
Хавьер Клементе

Матчтан соң[өңдеу]

Қазақстан құрамасы ЕУРО-2008 іріктеу турнирінде 10 ұпай жинап, алтыншы орынмен аяқтады. Одан кейін Қазақстан ешқандай іріктеуде 10 ұпай жинай алған емес. Ал сербтерге соңында жолдаманы алуға тап осы үш ұпай жетпей қалды.

Қазақстан құрамасы бұдан кейін де бірнеше кездесуде жоғары деңгейде өткізді: сол жылы 12 қыркүйек күні Бельгиядан 0:2 есебімен ұтылып тұрып есепті 2:2-ге жеткізді, Арменияны сыртта 1:0 есебімен ұтты, Португалиямен Алматыда 81-минутқа дейін 0:0 есебімен тең ойнады. Ал Сербия құрамасын келесі ойын жылдың соңында (24 қараша күні) Белградта өтіп, сербтер 1:0 есебімен жеңіске жетті. Ол жолы Сергей Остапенко өз қақпасына гол соғып алды.

Басқа да фактілер[өңдеу]

Алматыда Сербияны ұтқан ойындағы негізгі құрамда алаңға шыққан 11 футболшы қайтадан ешқашан бірге ойнаған емес.

Сілтемелер[өңдеу]