Қазақстан — Түркия футбол матчы (2005)

Уикипедия — ашық энциклопедиясынан алынған мәлімет
Jump to navigation Jump to search
Қазақстан — Түркия
Central stadium in Almaty.JPG
Турнир

ӘЧ-2006 іріктеуі

Дата

8 маусым 2005

Стадион

Орталық стадион, Алматы

Көрермендер

22 000

Ауа райы

ашық

Қазақстан — Түркия2006 жылғы әлем біріншілігінің УЕФА аймағындағы іріктеу кездесуі. 2005 жылы 8 маусымда Алматыдағы "Орталық стадионда" өтіп, Қазақстан құрамасы 0:6 есебімен ойсырай ұтылды. Бұл — Қазақстан құрамасының ресми матчтардағы ең ірі жеңілісі (сондай-ақ өз алаңындағы).

Матч[өңдеу]

Қазақстан құрамасы 2002 жылы АФК-дан УЕФА-ға өтті де, 2004 жылдан бастап УЕФА туы астында Әлем біріншілігінің іріктеуіне қатыса бастады. Украина, Дания, Түркия, Грекия, Албания, Грузия құрамаларымен бір топқа түсті. 2005 жылғы 8 наурызға дейін құрама алты ойын өткізді де, алтауында да ұтылды. Соның бірін 2004 жылы 9 қазан күні сырт алаңда Түркияға қарсы өткізіп, 0:4 есебімен ойсырай ұтылған болатын. Көпшіліктің бас бапкер Сергей Тимофеевке деген наразылығы матч сайын өсе түсті.

Алматыдағы Түркияға қарсы ойында Қазақстан құрамасы топта соңғы орында тұрды. Ал түркиялықтар жолдамадан үміткер, топтағы фавориттердің бірі болатын. Бұл кездесуде солай Түркия фаворит саналды.

Матчты қазақстандықтар белсенді бастағанымен, 13, 15 минутта Түркия екі гол соғып тастады да, алаң иелері бар білгенінен жаңылды. Тайм соңында Тунжай Санлы септі 0:3-ке жеткізді.

Екінші таймда Қазақстан құрамасы бірнеше қауіпті шабуыл жасады. Олег Литвиненконың қауіпті соққысын қақпашы әзер қайтарды, Антон Чичулин қақпашымен жеке шықты да, соққыны сәл ғана қиыс кетті, ал Андрей Карповичтің бос қақпаға тепкен добы бағанаға тиіп кері серпілді.

Матч соңына қарай уақыт өткізе алмай түріктердің де іші пысқандай, үстін-үстін үш гол соғып, Қазақстан футболшыларын жерге қаратты — 0:6. Бұл ойын қазақстандықтардың Еуропадағы абыройын айрандай төккен матч болды.

Протокол[өңдеу]

8 маусым, 2005 жыл
Қазақстан Қазақстан 0:6 Түркия Түркия
Голдар Фатих Текке 13, 85
Ибрахим Төраман 15
Тунжай Санлы 41, 90
Орталық стадион (Алматы),Алматы
Көрермендер саны: 22 000
Төреші: Мажарстан Виктор Кашшай
Team colours Team colours Team colours
Team colours
Team colours
 
Қазақстан
Team colours Team colours Team colours
Team colours
Team colours
 
Түркия

Матчтан кейін[өңдеу]

Қазақстан құрамасының бапкері Сергей Тимофеев ащы жеңілістен өзінше қорытынды шығарды. Енді құрамаға Нұрбол Жұмасқалиев, Данияр Кенжеханов, Сергей Ларин, Давид Лория, Александр Кучма секілді ойыншыларды тартты. Түркиямен ойында алаңға шыққан бірнеше ойыншылар қайтадан сол күйі құрамаға шақырылмай кетті.

Бұл кадрлық төңкерістер өз нәтижесін аздап болса да берді. Бұдан кейінгі төрт кездесуде қазақстандықтар қарсыластарынан ірі есеппен ұтылған жоқ, 7 қыркүйек күні тіпті ЕУРО-2004 чемпионы Грекияны ұтып кете жаздады. 8 қазан күні сырт алаңда Грузиямен 0:0 есебімен тең ойнады да, осы циклдегі жалғыз ұпайын еншіледі.

Кейінгі жылдарда[өңдеу]

Қазақстан мен Түркия 2012 жылғы Еуропа біріншілігінің іріктеуінде бір топқа түсті. 2010 жылы 3 қыркүйек күні "Астана Аренада" қазақстандықтар тағы да ойсырай ұтылды — 0:3. Сырт алаңда (2011 жылы 2 қыркүйекте) есеп ұзақ уақыт бойы 1:1 боп тұрды да, тек төқреші қосқан жетінші минутта Түркия гол соғып кетті.

2016 жылғы Еуропа біріншілігінің іріктеуінде де екі құрама бір топқа түсті. Қазақстан жанкүйерлерінің өкініштеріне орай, екі ойында да Түркия басым түсті (сыртта - 1:3, Алматыда - 0:1)

Сілтемелер[өңдеу]