Қазақ ССР Ғылым Академиясының президенті академик Сәтбаев жолдастың сессияны жабар алдындағы сөзінен

Қазақ КСР Ғылым Академиясының президенті академик Сәтбаев жолдастың сессияны жабар алдындағы сөзінен – Қаныш Сәтбаевтың Гурьев (қазіргі Атырау) қаласында өткен Қазақстан Ғылым Академиясының көшпелі сессияны жабар алдындағы қорытынды сөзі. Ғалымның осы сөзі «Социалдық құрылыс» газетінің 1949 жылы 2 ақпандағы санында жарияланған. Бұл сөзінде ғалым көшпелі сессияға қатысушылар Батыс Қазақстанның өндіруші күштерін зерттеуге және меңгеруге байланысты негізгі мәселелерді жан-жақты талқылап, алты күн ішінде 70-ке жуық баяндама тыңдалғаны, ол баяндамалар Батыс Қазақстанның өндіруші қүштерін өркендетудің негізгі мәселелеріне арналғаны туралы айта келіп, осы күрделі мәселелер жөнінде қабылданған қаулылардың терең ғылым және практикалық маңызы бар екенін айта келіп, сөзінің соңында алдағы уақытта осы мәселелердің оңтайлы шешілетініне сенім білдірген. 1999 жылы Алматы қаласындағы «Ғылым» баспасынан жарық көрген «Қазақстан - менің Отаным» (235-38-беттер) мен сол жылғы 8-томдық еңбектері жинағының 5-томына (336-38-беттер) енген.