Қазақ ССР Ғылым Академиясының хабарлары, қоғамдық ғылымдар топтамасы (журнал)

Уикипедия — ашық энциклопедиясынан алынған мәлімет
Навигацияға өту Іздеуге өту

Қазақ КСР Ғылым Академиясының хабарлары, қоғамдық ғылымдар топтамасы – 1962 жылдан Алматы қаласындағы Қазақстан Ғылым Академиясының қоғамдық ғылымдар бөлімі орыс тілінде «Ғылым» баспасынан жылына 6 peт шығарып тұрған журнал; көлемі 9,12 баспа табақ. Журналда әлеуметтік-экономикалық және идеология жөніндегі мақалалар жарияланды, ғылыми-техникалық революция мәселелерін талдаумен бірге Қазақстанның қоғамдық өміріндегі маңызды оқиғаларды, тағы басқалары қамтып отырған.

Журналдың 1969 жылғы 2-санында С.Бәйішевтің «Өнегелі адам, ойшыл ғалым» атты макаласы академик Қаныш Сәтбаевтың туғанына 70 жыл толуына арналған. Онда автор Сәтбаевтың өмір жолына, ғылымға қосқан зор үлесіне шолу жасап, «Академик Қаныш Сәтбаев - энциклопедиялық білімі бар, өз заманындағы ғылымның шыңына шыққан ғылым тұлпары. Ол ақыл-ойдың жарық жұлдызы, айрықша сипаттағы ғалым, 20-ғасырда қазақ жеріндегі ломоносовтік сипаттағы ғалым. Өткен 19-ғасырда Шоқан Уәлиханов шығысты зерттеуде бір-ақ рет жалт етіп сөне қалған жұлдыздай болса, Қаныш Сәтбаев 20-ғасырдағы ғылымның нағыз алыбы болды, ғылыми еңбектің бірден-бір ұйымдастырушысы, бүгіндей бір ғылыми бағыттың басшысы болды, советтік құрылыс тұсында құрылып, ұйымдасып, тәрбиеленіп шыққан ғалымдар армиясының қолбасшысы болды» - деп баға берді.[1]

Дереккөздер[өңдеу | қайнарын өңдеу]

  1. Қаныш Сатпаев. Энциклопедия / Бас редактор Б.Ө.Жақып. — Алматы «Қазақ энциклопедиясы», 2011 жыл. ISBN 9965-893-74-8