Қазақ Ұлттық Университетінің қалашығы

Қазақ Ұлттық Университетінің қалашығы - Алматыда Есентай өзені мен Бас ботаника бағы арасында орналасқан. Ауданы 90 га. Қазақ Ұлттық Университетінің қалашығының кұрылысы 1971 жылы басталды. Жобасын жоғары оку орындарын жобалау жөніндегі мемлекеттік институтының авторлық тобы (археологтар В.П. Бондаренко, В.М. Егоров, Ю.С. Зимин, инж. Л.П. Самарцев) жасады. Қалашықтың орналасқан жері колайлы. Оның қызметтік кескіні оқу, ғылым, тұрғын, спорттық, шаруашылық, емхана жайлары үйлестірілген. Кең алаң (эспланада) ғылыми-зертханалық орталығымен байланыстырады. Зәулім ректорлық ғимараты (биіктігі 75 м) барлық комплекстің архитектуралық-құрлымдық шешімін айғақтай түскен. Ғимараттың қасбеті мен ішкі кіре берісі мәрмәр, гранит, ұлутаспен безендірілген. Іле Алатау бөктерінің көк желек алаптары, Есентай өзенінің сарқырамалары Қазақ Ұлттық Университетінің қалашығына өзіндік көрікті сипат береді.