Қазақ әдебиетінің тарихынан

Уикипедия — ашық энциклопедиясынан алынған мәлімет
Навигацияға өту Іздеуге өту

«Қазақ әдебиетінің тарихынан» («Из истории казахской литературы»), Мұхтар Әуезовтің мақаласы. Е. В. Лизуновамен бірігіп жазған. Алғаш рет «Қазақ КСР ҒА хабаршысының» 1957 ж. 11-санында, одан кейін Әуезовтің 20 томдық шығармалар жинағында жарияланды (20-том, 337-358- беттер). 19 ғасырдың бас кезінен-ақ қазақ ауыз әдебиеті үлгілерін жинап, жазып алу қолға алынып, құнды ескерткіштер ұрпақ кәдесіне айналғандығы сөз етіліп, соңғы 100 жыл шамасында олардың біразы жарық көрді дейді. 20 ғасырдың бас кезіндегі көркем әдебиеттің көптеген түрлері мен кеңестік кезеңде қарыштап дамыған ұлттық әдебиеттің маңызды нақты мысалдар арқылы көз жеткізеді. Қазақ әдебиетін зерттейтін ғылым дамуындағы екі сатыны, яғни оларды біртіндеп жариялау, екінші, жаңа кеңестік дәуірде бұл жұмыс үлкен ауқымда жүргізіліп, қазақ әдебиеті тарихы- нан оқу бағдарламалары, окұлықтар жасалған- дығы туралы маңызды жайттарды ерекше атайды да, қазақ әдебиетін зерттеу мәселелеріне терең үңіліп, өз ой-тұжырымдарын Шоқан, Ыбырай және Абай шығармашылығы арқылы сабақтастырады, Абайдың ұлттық әдебиетке қосқан айрықша үлесі мен әкелген жаңалықтарына жан-жақты тоқталады, сонымен бірге бұл пікірлерін орыс әдебиетімен байланыстыра қарастырады. Қазақ әдебиетіндегі Абайдан соңғы орыс реализмінің дәстүрлері С. Көбеев, С. Дөнентаев, С. Торайғыров шығармаларында қалай көрініс бергендігін, бұл үрдістің қазақ кеңес әдебиетінде қалай жалғасқандығын кеңінен әңгіме езегіне айналдырады, қазақ әдебиетінің жанрлық, тақырыптық жағынан байып, қысқа мерзім аралығында жоғары идеялық көркемдік деңгейге жеткендігін атап өтеді.[1]

Дереккөздер[өңдеу | қайнарын өңдеу]

  1. Мұхтар Әуезов энциклопедиясы — Алматы, «Атамұра» баспасы, 2011 жыл. ISBN 978-601-282-175-8