Қазбек Шәкімұлы Уәлиев

Уикипедия — ашық энциклопедиясынан алынған мәлімет
Jump to navigation Jump to search

Қазбек Шәкімұлы Уәлиев 1952 жылы 5 шілдеде РКФСР Ленинград облысы Кронштадт қаласында туған. Қазақ. Анасы - Уәлиева Рауза Ранбайқызы, зейнеткер, кітапханашы болып жұмыс істеген. В.И. Ленин атындағы Қазақ политехникалық институтының геофизика факультетін бітірген (1974), тау-кен инженері-геофизик. Геология-минералогия ғылымдарының кандидаты (1986). Кандидаттық диссертациясының тақырыбы: "Жер құйылымдары", "Эверест 82" және "Эверест шыңына шығу" кітаптарының бірлескен авторы; геофизика бойынша 10 ғылыми мақаланың авторы. Орыс және ағылшын тілдерін біледі. КОКП мүшесі (1983-1990). 1974 жылдан - В.И. Ленин атындағы Қазақ политехникалық институтының құрылымдық мұнай геофизика кафедрасының ғылыми қызметкері. 1978 жылдан - ҚазКСР ҒА Сейсмология институтының геофизикалық алаңдар вариациясы зертханасының аға қызметкері. 1990 жылдан бері - "МАЛ Хан Тәңірі" ЖШС туристік фирмасының директоры. ҚР Ұлттық альпинизм қорының президенті (1996 жылдан). Қор бастамасы бойынша 1999 жылы "Тауда қаза тапқандар" ескерткіші тұрғызылды; 2001-2005 жылдары Қазақстанның 7 облысы мен қалаларындағы мектептерге 20 шыңға өрмелеулер салынып, сыйға тартылды. ҚР Альпинизм және шыңға шығу федерациясының вице-президенті (2001 жылдан). ҚР Альпинизм және шыңға шығу федерациясының президенті. 1974-1990 жылдары - Жеңіс (7 439 м), Хан Тәңірі шыңы (7 010 м), Коммунизм (7 495 м), Корженевская (7 105 м), Ленин (7 134 м) және тағы басқа шыңдарды 22 рет бағындырды. Валерий Хрищатыймен бір жіпте - КСРО құрамасының құрамында оңтүстік-батыс қабырға бойынша Эверестке (8 848 м) шыққан қазақтың тұңғыш шыңдарды бағындырушысы. Гималайдағы ҚР құрамасының экспедициясын ұйымдастырушы әрі жетекшісі: Эверестің солтүстік-шығыс жотасы (8 848 м) Жапонияның шыңға өрмелеушілерімен бірге (1990); Манаслудың шығыс қабырғасы (8 163 м), Италия және Чехиямен бірге (1990); Дхаулагиридің батыс қабырғасы (8 167 м), алғашқы Қазақстандық Гималайлық экспедиция (1991); Чо Ойю (8 201 м), Жапонияның шыңға өрмелеушілерімен бірге (1996). КСРО чемпионаттарының бірнеше дүркін чемпионы және «Қар барысы≫ бағдарламасының жүлдегері. КСРО Еңбек сіңірген спорт шебері. Халықаралық санаттағы спорт шебері. Альпинизмнен ҚР Еңбек сіңірген жаттықтырушысы. Халықтар Достығы (1982), "Құрмет" ордендерімен (2002); "Қажырлы еңбегі үшін" медалімен (1989); Непал королінің "Эвересті бағындырудың 50 жылдығы" мерейтойлық медалімен марапатталған. Әскери атағы - запастағы аға лейтенант. Діни көзқарасы - бірқалыпты атеист. Саяси қайраткер ретіндегі идеалы - Дж. Вашингтон. Хоббиі - балық аулау. Сүйіп оқитын әдебиеті - саяси детективтер. Үйленген. Жұбайы - Мұхитова Т.Ф. (1951 ж. т.). Ұлы - Асқар (1984 ж. т.).

[1]

Дереккөздер[өңдеу]

  1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2