Қазгеофизика

Уикипедия — ашық энциклопедиясынан алынған мәлімет
Jump to navigation Jump to search

Қазгеофизика - Қазақтың геофизикалық жұмыстар жүргізу өндірістік геологиялық бірлестігі 1981 жылы құрылды. Бірлестіктің негізгі міндеті геофизикалық жұмыстың геологиялық және экономикалық тиімділігін арттыру.Өндірістік геологиялық бірлестіктің құрамына "Гурьевмұнайгеология" бірлестігінен 4 экспедиция, (Орал, Ақтөбе, Атырау, Тұрлан экспедициялары) және "Оңтүстік Казгеология" бірлестігінен 3 экспедиция (Іле, Геохимиялық, Аэрогеологогеофизикалық экспедициялар) кірді. 1983 жылы бірлестік Алматы геофизикалық экспедициясын, 1985 жылы Маңғыстау геофизикалық экспедициясын құрды. Аталған экспедициялардың құрамында 110 далалық, тәжірибелік- әдістемелік, шарттық партиялар және есептік өңдеу, тақырыптық топтар жұмыс жасады. "Казгеофизика" ӨГБ 1981 жылдан 1992 жылға дейін орындалған сейсмобарлау жұмыстардың әр жылдық көлемі 2,5 есе өсті. Бірлестік 260-қа жуық жалпы көлемі 15000 кв. км мұнай мен газ құрылымдарын дайындады. Геофизикалық мәліметтер мен болжамдарды пайдалану нәтижесінде ондаған жаңа кен орындар ашылды, олардың ірілері: Каспий маңы ойысында - Қожасай, Синельников, Әлібекмола, Чинарев, Имашев, Ұрықтау, Тасым, Нысан, Кенбай, Оңтүстік Торғайда - Құмкөл, Ақшабұлақ, Арысқұм, Майбұлақ, Нұралы, Ақсай, Қызылқия, Қоныс, т.с.с. Дайындалған құрылымдардың дайындық коэффициент 0,1-ден 0,34-ке дейін өсті, бұл терең бұрғылауға дайындалған құрылымдардың сапалы екенін көрсетеді. 1992 жылы бірлестік таратылып 2 геофизикалық трест - Атырауда "Қазмұнайгеофизика", Алматыда "Қазгеофизтрест" трестері құрылады. 1994 жылы бұл 2 трест "Толқын" және "Геофизика" мемлекеттік холдинг-компаниялар болып қайта құрылады. "Толқын" мемлекеттік холдинг компаниясы құрамына Орал, Атырау, Ақтөбе, Маңғыстау геофизикалық экспедициялары, "Геофизика" мемлекеттік холдинг-компания құрамына Тұрлан, Алматы, Іле, Аэрогеологиягеофизикалық экспедиция, "Сейсмалимет" және "ҚазНИИ геофизика" ғылыми зерттеу институты кірді. 1996 жылы аталған екі холдинг компаниялар акционерлік қоғам болып "Геотекс" компаниясын құрды, ол кейінірек қАзимут Энерджи Сервисезқ ашық акционерлік қоғамына айналды. [1]

Дереккөздер[өңдеу]

  1. Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1