Қазконтент
| "Qazcontent" АҚ | |
 | |
| Түрі |
Акционерлік қоғам |
|---|---|
| Қызметі |
Қазақстандық интернет кеңістікті дамыту |
| Құрылды | |
| Жабылды | |
| Құрушы | |
| Орналасуы | |
| Басты адамдары |
Жусупов Бекзат Бақбергенұлы (Басқарма төрағасы) |
| Саласы | |
| Қызметкерлер саны |
140 адам (2014) |
| Басшы компания | |
| Сайты | |
«Qazcontent» акционерлік қоғамы — мемлекеттік ақпараттық саясатты жүзеге асыратын медиа компания. Бүгінгі таңда компания 6 ақпараттық ресурсты біріктіреді: жаңалықтар сайттары — baigenews.kz, baq.kz, el.kz, тақырыптық порталдар — adebiportal.kz, e-history.kz, ruh.kz, сондай-ақ Қазақстан Премьер-министрінің ресми сайты. Компания ресурстары 3 тілде қолжетімді.[1]
Тарихы[өңдеу | қайнарын өңдеу]
«Қазконтент» АҚ 2009 жылдың 21 қаңтарында «Зерде» Ұлттық ақпараттық-коммуникациялық холдингінің еншілес кәсіпорны болып құрылды.[2] Аталмыш қоғамның құрылуы мемлекеттің Интернет желісіндегі қазақстандық сегментті қалыптастыру мен дамыту бойынша стратегиялық міндетін жүзеге асырумен байланысты. Жаңа технологиялар мен инновациялардың көмегімен қолданушыларға сапалы контент ұсынып, қазнеттің дамуына мүмкіндіктер туғызу.[3] 2009 жылдың ақпан айында алғашқы жоба - kaztube.kz іске қосылды. Ал наурыз айында bnews.kz ақпараттық агенттігі құрылды.[4] 2010 жыл қараша айында baq.kz ақпараттық агенттігі жұмысын бастады. 2011 наурыз айында Қазконтент негізінде ҚР Премьер-министрінің ресми сайты ашылды. Сондай-ақ ilike.kz әлеуметтік желісі пайдалануға берілді. Компания Қазақша Уикипедия дамуына үлес қосып келеді. 2011 жылы Уикимедия қоры кеңесінің төрағасы Тинг Чен мырза «Қазконтент» АҚ компаниясына Уикипедия контентінің қазақ бөлімін толықтыруда көмек қолын созғаны үшін ресми түрде алғысын білдірді.[5] Осы жылы Қазнеттің эмблемасын әзірлеуге байқау жариялады.[6] 2012 жылы қараша айында компания акцияларын иемдену және пайдалану құқығы ҚР Мәдениет және ақпарат министрлігіне берілді. 2013 жылдың қаңтар айында strategy2050.kz арнайы веб-порталы іске қосылды. Сол жылы Қазконтент америкалық McAfee компаниясымен меморандумға қол қойды.[7] Желтоқсан айында әдеби шығармаларды қолданушыларға ұсынатын adebiportal.kz сайты құрылды.[8] «Казконтент» АҚ «Қаламгер Азамат» жас журналистердің V республикалық форумын өткізді.[9] 2014 жылдың сәуір айында Қазконтент акцияларын басқару ҚР Байланыс және ақпарат жөніндегі агенттігіне өтті. Акционерлік қоғамның 100 пайызы Қазақстан Республикасы Инвестициялар және даму жөніндегі министрлігіне тиесілі.
2019 жылы «Қазконтент» АҚ «ҚазАқпарат» халықаралық агенттігі» ЖШС құрамына қосылып, «ҚазАқпарат» халықаралық ақпарат агенттігі» акционерлік қоғамы болып қайта құрылды («Мемлекеттік мүліктің кейбір мәселелері туралы» Қазақстан Республикасы Үкіметінің 2019 жылғы 27 тамыздағы № 631 қаулысы).
2022 жылы «ҚазАқпарат» халықаралық ақпарат агенттігі» акционерлік қоғамы «Qazcontent» акционерлік қоғамы болып қайта аталды.
Құрылымы[өңдеу | қайнарын өңдеу]
«Qazcontent» АҚ басқару органы Директорлар кеңесі болып табылады. Атқарушы орган – басқарма. Ағымдағы қызметке басшылықты «Qazcontent» АҚ Басқарма төрағасы жүргізеді.[10]
Директорлар кеңесінің құрамы[өңдеу | қайнарын өңдеу]
- Искаков Канат Жумабаевич - ҚР Мәдениет және ақпарат вице-министрі
- Ахметов Ербол Сабыржанович - ҚР Қаржы министрлігі Мемлекеттік мүлік және жекешелендіру комитеті төрағасының орынбасары
- Жусупов Бекзат Бақбергенұлы - «Qazcontent» акционерлік қоғамының Басқарма төрағасы
- Қорғанбаева Мадина Тұрғамбекқызы - тәуелсіз директор
- Қожабаева Әсем Ыдырысқызы - тәуелсіз директор[11]
Басқарма мүшелері[өңдеу | қайнарын өңдеу]
- Жусупов Бекзат Бақбергенұлы - «Qazcontent» акционерлік қоғамының Басқарма төрағасы
- Ахбутина Айгуль Мырзабаевна - «Qazcontent» акционерлік қоғамының Басқарма төрағасының орынбасары[12]
Компания жобалары[өңдеу | қайнарын өңдеу]
BaigeNews.kz[өңдеу | қайнарын өңдеу]
- Bnews.kz ақпарат агенттігі 2009 жылдың наурыз айында іске қосылды. 2019 жылы ол baigenews.kz атымен жұмысын жалғастырды. Ол тәулік бойы онлайн режимінде қазақстандық және әлемдік саяси, экономикалық, әлеуметтік және мәдени оқиғалар туралы мәтіндік, фото, бейне және графикалық ақпаратты ұсынады.
Baq.kz[өңдеу | қайнарын өңдеу]
- baq.kz ақпарат агенттігі 2010 жылдың қараша айында іске қосылды. Қазақ тілінде ақпарат таратады.
El.kz[өңдеу | қайнарын өңдеу]
- el.kz ақпарат агенттігі 2012 жылы іске қосылды.
Primeminister.kz[өңдеу | қайнарын өңдеу]
- primeminister.kz ҚР Премьер-министрінің ресми сайты 2012 жылы іске қосылды.
Adebiportal.kz[өңдеу | қайнарын өңдеу]
- adebiportal.kz "Әдебиет порталы" — отандық және әлемдік классикалық әдеби шығармалар мен түрлі жанрдағы әдеби мақалалар жинақталған бірегей платформа. 2013 жылы іске қосылды.
E-history.kz[өңдеу | қайнарын өңдеу]
- e-history.kz "Қазақстан тарихы" интернет-жобасы отандық тарихымызды насихаттауға бағытталған еліміздің тарихы туралы сапалы ақпараттар жариялап отырады. 2014 жылдың наурыз айында «Қазконтент» АҚ-ға контенттік сүйемелдеу және дамыту үшін берілді.
Ruh.kz[өңдеу | қайнарын өңдеу]
- ruh.kz ақпараттық-танымдық порталы — интеллектуалды, мәдени және рухани бағыттағы тақырыптарды қамтитын жастарға арналған интернет платформа. «Қазконтент» АҚ құрамына 2018 жылы берілді.
Тағы қараңыз[өңдеу | қайнарын өңдеу]
- Хабар (агенттік)
- Қазақстан (телерадиокорпорация)
- Қазақстан Республикасы Президентінің телерадиокешені
Сыртқы сілтемелер[өңдеу | қайнарын өңдеу]
Дереккөздер[өңдеу | қайнарын өңдеу]
- ↑ Компания туралы
- ↑ http://www.afn.kz/attachments/emi/stocks/A5737/stocksA5737$-$3451$-$..pdf Мұрағатталған 19 тамыздың 2014 жылы.
- ↑ http://www.resurs.kz/catalog/kzcontent
- ↑ http://kzcontent.kz/index.php/kompaniya-turaly.html
- ↑ http://bnews.kz/kk/news/post/52820/ Мұрағатталған 11 қарашаның 2014 жылы.
- ↑ http://bnews.kz/kk/news/post/52052/ Мұрағатталған 12 қарашаның 2014 жылы.
- ↑ http://bnews.kz/kk/photonews/post/144270/ Мұрағатталған 12 қарашаның 2014 жылы.
- ↑ http://bnews.kz/kk/news/post/159844/ Мұрағатталған 12 қарашаның 2014 жылы.
- ↑ http://bnews.kz/kk/photonews/post/160947/ Мұрағатталған 12 қарашаның 2014 жылы.
- ↑ Директорлар кеңесі
- ↑ Директорлар кеңесі
- ↑ Басқарма