Қазмортрансфлот, ұлттық теңіз жолы компаниясы

Қазмортрансфлот, ұлттық теңіз жолы компаниясы (ҚҰТК) - акционерлік қоғам. Қазақстан Республикасы Үкіметінің 1998 жылы 4 желтоқсанындағы №1239 Қаулісімен құрылған. Компанияның акционерлері республиканың Көлік және коммуникация министрлігі және «ҚазМұнайГаз» ұлттық компаниясы. ҚҰТК акционерлік қоғамы Ақтау портындағы №№4,5 және 9 айлаққа иелік етеді. Соңғы үш жыл ішіндегі қызметінің нәтижесінде Ақтау порты арқылы мұнай жөнелту көлемі 19 млн. тоннаға жетті. Бұл компания Солтүстік Каспийде жүк тасумен қатар Солтүстік Каспий жобасын жүзеге асыру ауқымында теңіз операцияларын қамтамасыз етудің өзіндік базасын пайдаланумен де айналысады (операторы-Аджип компаниясы). Қазақстанда мұнай өндіру мөлшерінің артуына байланысты, сол сияқты Каспий теңізі арқылы мұнай тасымалдаудың қауіпсіздігін қамтамасыз ету мақсатында компания жүк көтеру мүмкіндігі 12000 тонналық танкерлер сериясын тұргызумен айналысады, бұл танкерлер спасы мен экологиялық және техникалық қауіпсіздікті сақтау мүмкіндігі тұрғысынан халықаралық талаптарға жауап бере алатын болады. Каспий теңізінің қазақстандық секторындағы кен орындарды игеру жұмыстарын инфрақұрылымдық тұрғыдан қамтамасыз ету мәселесін шешу мақсатында компания 11 дана теңіз операцияларын қалыпты жағдайда ұстау флотын және қосымша флоттар тұрғызуды немесе сатып алуды жоспарлаған. Компанияның негізгі қызмет түрлері мыналар: жүктердің барлық түрлерін, оның ішінде мұнай және мұнай өнімдерін, контейнерлерді, жолаушыларды, тасымалдау, кемелердің, баржалардың, жүзбелі доктардың, өзге де жүзу көліктеріннің барлық түрлерін тұрғызу, пайдалану, жөндеуден өткізу, сатып алу; кемелерді жалға беру және лизинг; складтардың, қоймалардың, мұздатқыш қондырғылардың, ангарлардың, жағалаулық түсіру жабдықтарын, өзге де жабдықтарды салу, пайдалану және сатып алу; кеме верфтерін (кеме жөндеу базаларын) салу, кеме жөндейтін инфрақұрылымдар тұрғызу,; теңіздік агенттеу; стивидорлық және экспедиторлық қызмет; заңмен тиым салынбаған өзге қызмет түрлері. Жетекшілері: Крымов К.С. (2001 ж.), Берлібаев Д.А. (2004 ж.), Сарсенов М.ж. (2005 жылдан бері).