Қазмұнайгазмаш

Уикипедия — ашық энциклопедиясынан алынған мәлімет
Jump to navigation Jump to search

Қазмунайгазмаш - ұңғыма өрнеуіне орнатыпатын мұнай-газ жабдықтарын және құбырлық арматура өндіруге мамандандырылған қазақстандық кәсіпорын - жабық акционерлікқоғам. Компания Қазақстан Республикасының мұнай-газ секторы өнеркәсібін технологиялық қолданысқа қажетті жоғары сапалы өніммен қамтамасыз ету бағытында жұмыс істейді. Кәсіпорын Алматы қаласындағы қорғаныс кәсіпорны негізінде және Ресейдің мұнай жабдықтарын шығаратын ірі кәсіпорны - "Корвет" ашық акционерлік қоғамымен (Қорған қаласы) бірлесе отырып 2001 жылы құрылды. Өнімді шығару процессінде "Корвет" акционерлік қоғамының технологиясы, материалдары және кәсіби тәжірибесі пайдаланылады. "Қазмұнайгазмаш" жабық акционерлік қоғамының барлық техникалық қызметкерлері "Корвет" акционерлік қоғамында тәжірибелік сынақтан өтті, сондықтан кәсіпорын қызметкерлері арматура тұрғызу бағытындағы жоғары білікті мамандардан құралған. "Қазмұнайгазмаш" акционерлік қоғамы бұйымдардың төмендегі түрлерін ұсынады: ұңғыма ернеуінің жабдықтарынан бұрқақтық арматура, тоғыту арматурасы, қаранқтық-сораптық арматура, тізбектік орамалар, ернеулік шиберлік қозғамалар, ернеулік тұмшағыштар, жоғары қысым вентилдері, дросселдеуші қондырғылар; құбыр жүргізу арматурасынан - клиндік қозғалмалар, шар тұрқылас крандар, қарсы жабылатын клапандар, тығындау вентилдері. Кәсіпорын, сол сияқты, жоғарыда аталған бұйымдарды жөндеумен, фланцтар мен метиздер шығарумен шұғылданады.[1]

Дереккөздер[өңдеу]

  1. Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1