Қазуар

Қазуар - өте ірі құс, оның салмағы 85 кг дейін жетеді. Салмағы жағынан одан тек африкалық түйеқұс қана озық тұрады. Өзге түйеқұстар секілді қазуар да ұша алмайды, бірақ желаяқ болып келеді. Қазуардың мойны секілді, үлкен үш бармақты сирақтары да жалаңаш мамықсыз, қауырсынсыз болады. Аяғы да, мойны да ашық түсті бояулы - көк, сары, қызыл, ақ болып келеді. Қазуардың басында мүйізді өскіні болады, оның көмегімен ол ұйыса өскен қалың нуға басын еркін тығып, жемістерді алып жейді. Сонымен қатар ұсақ жәндіктермен де қоректенеді. Ұяны қоразы салады,жерден ұя қазып оған мүктер мен жапырақтар төсейді. Олардың мекиендері 3 - тен 8 - ге дейін жұмыртқа табады. Жұмыртқаны жарып шыққанда балапандардың үстінде қоңырқай ұсақ қауырсындары болады.