Қайрат Нұртас

Уикипедия — ашық энциклопедиясынан алынған мәлімет
Jump to navigation Jump to search
Қайрат Нұртасұлы Айдарбеков
Туған кездегі есімі

Қайрат Нұртасұлы Айдарбеков

Туған күні

25 ақпан 1989(1989-02-25) (30 жас)

Туған жері

Қазақстан Түркістан

Белсенділік жылдары

2000 - қазіргі уақытқа дейін

Мемлекет

 Қазақстан

Мамандықтары

әнші, актер

Дауыс түрі

Тенор

Жанрлары

Поп

Лақап аттары

Қайрат Нұртас

Қызметтес болған

Әлішер Қайратұлы, Бақыт Алтай, Ақерке Тәжібаева

Қайрат Нұртас (25 ақпан 1989 жыл Оңтүстік Қазақстан облысы Түркістан қаласында дүниеге келген) — Қазақстанның эстрадалық әншісі. Бүгінгі таңдағы қазақ тілінде ән айтатын әншілердің ішіндегі ең танымалы. Тыңдармандар мен әріптестерінің арасында көптеген табынушылары бар.

Өмірбаяны[өңдеу]

1989 жылы Айдарбеков Қайрат Нұртасұлы 1989 жылы 25-ақпанда Оңтүстік Қазақстан облысы Түркістан қаласында дүниеге келген. 1996 жылы Алматы қаласындағы М.Мақатаев атындағы 140 мектеп-гимназиясында алғаш қолына қалам алады. 1997 жылы: "Махаббат мұңы" әнімен алғаш 8 жасында экранға шықты. 2005 жылы Эстрада цирк колледжінің студенті атанды. 2006 жылы "Шаншар" әзіл-ысқақ театрында "Әке" әнін орындады. Сол жылы "Арман" әні жазылды. 2007 жылы: Қайрат елге белгілі әндері "Тәтті сезім","Еркетай қарындасым","Жаралдың кім үшін", "Аллаға шүкір","Көз жасың көмектеспейді" сияқты тағы да басқа әндерін тыңдарманға ұсынды. 2008 жылы 25 ақпанда Алматы қаласы Республика сарайында "Тәтті сезім" атты алғашқы шығармашылық ән кешін берді. 2009-2010 жылы Белгілі хит әндер мен бейнебаяндар жарық көрді. Осы уақытта тек Қазақстанда емес, ҚХР,Қырғызстан,Өзбекстан т.б елдерде аты мәлім болып, бірнеше шығармашылық кештерін өткізді. 2010 жыл: "Ауырмайды жүрек" әні жазылды. 2011 жылы Қазақстан ұлттық арнасы ұйымдастырған "Екі жұлдыз" байқауына қатысты. 2012 жылы: 25 ақпанда "KN" журналының тұсауы кесілді. 2013 жылы Баян Есентаева продюсерлік еткен "Саз әлемі" байқауына "Ауырмайды жүрек", "Мейлі" әндерімен қатысып, "Жыл әншісі" және "Жыл әні" атағын жеңіп алады. 9 сәуірде "Өкініш" фильмінің премьерасы өтті. 2014 жылы «Муззон» ЕМА-2014 премиясында «Жылдың үздік әншісі» атанды Алматы және Астана қалаларында Қазақстанда бұрын соңды болмаған 3D шоу концертін берді. 2015 жылы Ұлттық аспаптар оркестірімен жанды дауыста «Қызыл гүлім-ай» кешіне қатысты. Тұңғыш рет Астана қаласында өткен «МуЗТВ» арнасының арнайы «Гравитация» премиясында халықтың дауыс беру нәтижесінде Қазақстанның үздік әншісі атанды.

Шығармашылығы[өңдеу]

Әнші ретінде ең алғаш Байқоңыр сахнасынан он жасында көрінді. Бірінші есеп беру кешін 2008 жылы Алматы қаласында өткізді. Атақты Шәмші Қалдаяқов, Әсет Бейсеуов, Ержан Серікбаев сияқты композиторлардың әндерін Қайрат Нұртастың репертуарынан көруге болады. Оның продюсері, әрі демеушісі анасы - Гүлзира Айдарбекова.

Фильмдері[өңдеу]

2013 жылы "Өкініш" атты фильмнің премьерасы болды. Фильм — әншінің мелодрамалық өмірін баяндайтын туынды. Фильмде Қайрат Нұртас басты рөлді сомдаса, оның туыстары, профессионалды әншілер мен актерлер де фильмнен қалыс қалмады.

Дискография[өңдеу]

  • 2006: Аңсағаным
  • 2007: Ана
  • 2008: Арнау
  • 2009: Кешегі
  • 2010: Өкініш
  • 2011: Ауырмайды жүрек
  • 2012: Шыда жүрек

Жетістіктері[өңдеу]

2013 жылы II Еуразиялық музыка жүлдесінің «Үздік орындаушы» номинациясы тізімінде болды, бірақ жеңіске Әли Оқапов жетті. Ал келесі жылдағы III Еуразиялық музыка жүлдесінде Қайрат Нұртас сол номинацияда жеңісті қанжығасына байлады. 2015 жылы Қайрат Нұртас «Қазақстандағы үздік артист» номинациясы бойынша Муз-ТВ сыйлығына ие болды.2016 жылдың қыркүйек айында EMA-2016 «Евразия» музыкалық сыйлығының лауреаты атанды, «Үздік концерт шоуы» номинациясы бойынша. 2016 жылы ҚР Дарын жастар сыйлығының лауреаты. 2016 жылы "Құрмет" (ҚР Құрмет Ордені) орденінің кавалері 2017 жылы "Қазақстан Республикасының Ұлттық Ұлан қызметінің үздігі" алқасы медаль (2017).

Дереккөздер[өңдеу]