Қайрат Сүгірбеков

Қайрат Сүгірбеков (13.8.1966 ж.т., Алматы облысы Панфилов ауданы Үшарал а.) - режиссер. Қазақ ұлттық өнер академиясының режиссерлік бөлімін бітірген (1994). 1994 - 2004 ж. Қазақ академиялық драма театрында қоюшы реж. қызметін атқарды. 2003 жылдан Алматы облысы қазақ драма театрының көркемдік жетекшісі әрі директоры қызметін атқарды. С. Ф.Кафканың "Құбылыс", Г.Ибсеннің "Қуыршақ үй", М.Жұмабаев пен Ә.Таразидің "Шолпанның күнәсі", Д.Амантайдың "Сәлеметсің бе, коңыр мұң", Ж.Аймауытов "Ғашықтық дерті", Ғ.Мүсірепов "Махаббат дастаны", т.б. спектакльдерді сахналады. Бірқатар халықаралық фестивальдардың жүлдегері. Қазақстан Жастар одағы сыйлығының иегері.