Қайрат Қуатұлы Әбусейітов
Қайрат Қуатұлы Әбусейітов - Қазақстан Республикасының мемлекет қайраткері, дипломат.
Арғын тайпасының Сүйіндік руы күлік бөлімінен шыққан.[1]
Өмірбаяны
[өңдеу | қайнарын өңдеу]Әбусейітов Қайрат Қуатұлы 1955 жылғы 20 қазанда Алматы қаласында туған. С.М. Киров атындағы Қазақ мемлекеттік университетінің тарих факультетін, М.В.Ломоносов атындағы ММУ аспирантурасын бітірді. Тарих ғылымдарының кандидаты. Доцент [2].
1985 - 1989 жылдары - ҚазМУ ассистенті, аға оқытушысы, декан орынбасары.
1989 - 1992 жылдары - Алматылық жоғарғы партиялық мектеп, кейін Алматы политология және басқару институты әлемдік саясат және халықаралық қатынастар кафедрасының доценті.
1992 - 1993 жылдары - Қазақстан Республикасының Президенті жанындағы Қазақ менеджмент, экономика және болжау институты Стратегиялық зерттеулер орталығы сыртқы саясат және ұлттық қауіпсіздік бойынша бағдарламасының басшысы.
1993 - 1996 жылдары - ҚР СІМ Орталық аппаратында жауапты дипломатиялық лауазымдарда қызмет атқарды.
1996 - 1998 жылдары - Қазақстан Республикасының АҚШ-тағы Елшілігінің кеңесшісі.
1998 - 1999 жылдары - ҚР СІМ Бірінші департамент директорының орынбасары, Бірінші департаменттің директоры, Жан жақты ынтымақтастық департаментінің директоры.
1999 - 2002 жылдары - Қазақстан Республикасы Сыртқы істер вице-министрі.
2002 - 2004 жылдары - Қазақстан Республикасының Сыртқы істер 1-вице-министрі.
2004 - 2008 жылдары - Қазақстан Республикасының Швейцар Конфедерациясындағы Төтенше және Өкілетті Елшісі, ҚР Үкіметінің БҰҰ Бөлімшесі және Женева қаласында орналасқан басқа халықаралық ұйымдар жаңындағы тұрақты өкілі қызметін қоса атқарушы.
2008 жылдың қаңтарынан бастап - Қазақстан Республикасының Ұлыбритания және Солтүстік Ирландия Құрама Корольдігіндегі Төтенше және Өкілетті Елшісі.
2014 жылғы 17 қыркүйектен бастап Қазақстанның Норвегиядағы Төтенше және Өкілетті Елшісі қызметіне тағайындалды.
Дереккөздер
[өңдеу | қайнарын өңдеу]- ↑ Тілеке Жеңіс, Шежіре. Ертіс-Баянауыл өңірі, 1995, ISBN 5-615-0177553-8. Павлодар Дауа-Қазақстан
- ↑ ӘБУСЕЙІТОВ ҚАЙРАТ ҚУАТҰЛЫ Мұрағатталған 23 қарашаның 2012 жылы.