Қайрат — Динамо, Киев (футбол матчы, 1986)
| Қайрат — Динамо Киев | |||||||
| Турнир | |||||||
|---|---|---|---|---|---|---|---|
| |||||||
| Дата | |||||||
| Стадион | |||||||
| Көрермендер |
15 000 | ||||||
| Ауа райы |
ашық | ||||||
"Қайрат" — Динамо (Киев) — 1986 жылғы Футболдан КСРО чемпионатының 1986 жылғы маусымындағы 22-тур матчы. 3 қыркүйек күні Алматыдағы Орталық стадионда өтті. "Қайрат" футболшылары 2:1 есебімен жеңіске жетті.
Матч[өңдеу | қайнарын өңдеу]
Матчың фавориті "Динамо" болды. Себебі, құрамында содан үш ай бұрын ғана Мексикада өткен әлем чемпионатында жарқыраған футболшылар жеткілікті еді: Демьяненко, Рац, Яковенко, Блохин, Беланов, Михайличенко, Баль және жаттықтырушысы Лобановский. Сондай-ақ бұл футболшылар сол жылы Кубок иелері кубогында топ жарған-ды. Оның үстіне "Динамо" турнир кестесінде "Қайраттан" анағұрлым жоғары тұрған болатын.
"Қайрат" өзінің кәдуілгі оптималды құрамымен алаңға шықты.
Ойын алаң иелерінің күтпеген шабуылымен басталды. Пехлеваниди мен Волгин өзара пас алмасып, киевтіктердің айып алаңына жетіп келді. Нәтижесінде Пехлеваниди әлі де бой қыздырып жүрген Чанов қорғаған қақпаны дәл көздеп, есеп ашты. Бұл — 10-шы секунд болатын.
Динамолықтар өз-өзіне келем дегенше қайраттықтар бірнеше рет қорғанысты бұзып өтті. Жылдам гол есеңгіретіп тастаған қонақтар бірінші таймда оншалықты ойнай алмады. 20-минутта алғашқы голдың соавторы атанған Волгин Салимовқа пас тастады. Салимовты Горилый шалып құлатты да, төреші пенальти белгіледі. Яровенко есепті еселеді — 2:0.
Динамолықтар тек бірінші таймның соңғы минуттарында ғана есеп айырмасын қысқартты. Олег Кузнецовтың айып добынан соққан голы матчтағы соңғы гол еді.
Екінші таймда Лобановский алаңға Белановты шығарғанымен, есеп өзгермеді. Бұл күні киевтіктер аздап басымдау болғанымен өз мүмкіндіктерін толық ашып көрсете алмады. Керісінше алматылықтар бірнеше рет қауіпті шабуыл жасады, бірақ пайдалана алған жоқ. Екінші тайм осылайша алма-кезек шабуылдармен өтті.
Матч соңына қарай қонақтардың жүйкесі сыр бере бастады. 82, 87 минуттарда Горилый екі рет тәртіп бұзды, екеуінде де сары қағаз алып, алаңнан қуылды.
Ал, "Қайрат" футболшылары өздерінің тарихындағы ең жақсы матчтарының бірін өткізді.
Протокол[өңдеу | қайнарын өңдеу]
| 3 қыркүйек, 1986 жыл |
|
Қазақ КСР-інің орталық стадионы, Алматы Көрермендер саны: 15 000 Төреші:  В. Кузнецов (Омск) |
||||||
|
Матчтан кейінгі турнир кестесі[өңдеу | қайнарын өңдеу]
| О | Команда | О | Ұ | Т | Ж | Голдар | ± | Ұ |
|---|---|---|---|---|---|---|---|---|
| 1 | Зенит | 21 | 10 | 6 | 5 | 34 − 21 | +13 | 26 |
| 2 | Шахтер | 22 | 9 | 7 | 6 | 31 − 21 | +10 | 25 |
| 3 | Динамо М | 20 | 9 | 7 | 4 | 26 − 20 | +6 | 25 |
| 4 | Спартак | 22 | 9 | 6 | 7 | 37 − 18 | +19 | 24 |
| 5 | Торпедо М | 23 | 7 | 11 | 5 | 22 − 20 | +2 | 24 |
| 6 | Динамо К | 17 | 8 | 7 | 2 | 22 − 15 | +7 | 23 |
| 7 | Днепр | 22 | 7 | 8 | 7 | 30 − 29 | +1 | 22 |
| 8 | Динамо Тб | 22 | 7 | 8 | 7 | 20 − 23 | −3 | 22 |
| 9 | Нефтчи | 22 | 6 | 10 | 6 | 24 − 23 | +1 | 22 |
| 10 | Жальгирис | 22 | 8 | 4 | 10 | 19 − 25 | −6 | 20 |
| 11 | Арарат | 22 | 7 | 6 | 9 | 18 − 23 | −5 | 20 |
| 12 | Динамо Мн | 22 | 7 | 6 | 9 | 21 − 31 | −10 | 20 |
| 13 | Қайрат | 22 | 7 | 6 | 9 | 18 − 28 | −10 | 20 |
| 14 | Черноморец Одесса | 22 | 7 | 5 | 10 | 20 − 23 | −3 | 19 |
| 15 | Металлист | 21 | 5 | 7 | 9 | 15 − 19 | −4 | 17 |
| 16 | Торпедо Кт | 22 | 4 | 6 | 12 | 20 − 41 | −21 | 14 |
Фактілер[өңдеу | қайнарын өңдеу]
- Пехлеванидидің 10-секундта соққан голы КСРО чемпионаты тарихындағы ең жылдам гол боп тарихта қалды.
- Олег Кузнецов "Динамо" клубының КСРО чемпионаттарындағы 2100-ші голын соқты.
Сілтемелер[өңдеу | қайнарын өңдеу]
- "Қайрат" Алматы - "Динамо" Киев, 1987(қолжетпейтін сілтеме)
- Александр Костенконың естелігі(қолжетпейтін сілтеме)
- Ойынның протоколы