Қалабай Төлегенов

Төлегенов Қалабай (1938 жылы туған, Маңғыстау ауданы Қаратөбе жері) – инженер-электрик. Әзірбайжан мұнай және химия институтын бітірген (1960). 1960 – 1965 жылдары «Қазақстанмұнай» бірлестігі «Қаратонмұнай» мұнай-газ өндіру басқармасында электрик, мастер, электр цехының бастығы, бас энергетик, 1965 – 1995 жылдары «Маңғыстаумұнай» бірлестігінде бас энергетик, 1995 – 1998 жылдары «Маңғыстаумұнай» ЖШС-нің директоры болды. «Ерен еңбегі үшін» (1999) медалімен және Қазақ КСР Жоғарғы Кеңесінің Құрмет грамотасымен марапатталған.