Қалибек Қуанышбаев атындағы Қазақ ұлттық музыкалық драма театры

Қалибек Қуанышбаев атындағы Қазақ ұлттық музыкалық драма театры
сурет
Орналасуы	Қазақстан Астана
Негізделгені	1991 жыл
Директоры	Ербол Хабылбеков
Көркемдік жетекшісі	Гүлсина Миргалиева
Бас дирижёрі	Ерлан Бейсембаев
Бас балетмейстері	Салтанат Сұңғат
Бас хормейстері	Амантай Жұмашев
Сайты	https://kaztheatre.kz/

Қалибек Қуанышбаев атындағы Қазақ ұлттық музыкалық драма театры – Астанадағы қазақ музыкалық драма театры. Қ.Қуанышбаев көшесі, 8/1 мекен-жайында орналасқан.

Театр тарихы

• Қалибек Қуанышбаев атындағы Қазақ ұлттық музыкалық драма театры 1991 жылы 15 қарашада Ғ.Мүсіреповтің «Ақан Сері - Ақтоқты» трагедиясымен ашылды. Алғашқы қойылымды театрдың негізін қалаушы дарынды режиссер Жақып Омаров сахналады.
• 1993 жылы театрға КСРО халық артисі, КСРО мемлекеттік сыйлығының иегері Қалыбек Қуанышбаевтың есімі берілді.
• Театр өзінің алғашқы жүлдесін 1996 жылы Уфа қаласында Түркітілдес мемлекеттер арасында өткен Халықаралық «Туғанлық» театр фестивалінде алды.Онда Ш. Хұсайыновтың «Алдар Көсе» музыкалық комедиясы лауреат атанды.
• Бүгінде ұлттың рухани қажеттілігін өтеп отырған киелі шаңыраққа дарынды өнер қайраткерлері: 1991-1996 жылдары Жақып Омаров, 1996-1998 жылдары Қадыр Жетпісбаев, 1999-2009 жылдары Халық Қаһарманы Әзірбайжан Мамбетов жетекшілік еткен. Осындай үлкен режиссерлердің бастамасымен негізі қаланған театр тек өз жерімізде ғана емес, алыс-жақын шетелдерді де бағындыра бастады. 1999 жылы Каир қаласында өткен дүниежүзілік театрлар фестиваліне қатысса, 2000 жылы Германия Федеративтік Республикасының үлкен бес қаласына гастрольдік сапарға шықты. 2001 жылы Ресей Федерациясының Омбы қаласында Астана қаласы театрының онкүндігін өткізді. 2002 жылы Астана қаласының Мәскеуде өткен өнер күндерінің аясында Ғ. Мүсіреповтің «Қозы Көрпеш-Баян сұлу» спектаклімен «Моссовет» театр сахнасында өнер көрсетті.
• 2011 жылы 14 желтоқсанда Театр ұжымына «Мемлекеттік академиялық театр» мәртебесі берілді.
• 2020 елорданың асқақ сәулетіне сән берер жаңа театр ғимараты бой көтерді.
• 2021 жылы театр қабырғасынан тұңғыш рет «QALLEKI театр-лабораториясы» құрылды. Лабораторияның мақсаты – шығармашыл жандар үшін байланыс ортасын құру және өнерге өзгеше көзқарас жасап, тың дүниелерді сахналау.
• 2024 жылы Президент Қасым-Жомарт Тоқаевтың жарлығымен Қаллеки театрына «Ұлттық» мәртебесі берілді.

Театр актерлері

Рымкеш Омарханова, Шәміл Жүнісов, Болат Ыбыраев, Түймехан Атымтаева, Гүлжан Әспетова, Тілектес Мейрамов, Жұмагүл Мейрамова, Бақыт Исабекова, Бақыт Жұмағұлова, Зибагүл Карина, Ақыш Омар, Лейло Бекназар-Ханинга, Жанат Чайкина, Майра Омар, Кеңес Нұрланов, Гүлбаршын Қылышбай, Айман Аймағамбет, Нұрзада Тәшімова, Алтынай Нөгербек, Қуандық Қыстықбаев, Мейрам Қайсанов, Боранбай Молдабаев, Күлия Қожахметова, Ерлан Малаев, Жанқалдыбек Төленбаев, Нұркен Өтеуіл, Айнұр Бермұхамбетова, Сырым Әбдіқадырұлы, Әбунасыр Серіков, Асхат Сұлтан, Аманжол Молдахмет, Бақытгүл Батырханова, Ержан Нұрымбет, Қасымхан Бұғыбай, Асылбек Қапаев, Жәнібек Мұсаев, Ботагөз Мақсұтова, Самат Байыров, Дастан Әлімов, Айшолпан Ибраева, Айман Карпсейітова, Жанар Қасымова, Сая Тоқманғалиева, Жанат Оспанов, Шах-Мұрат Ордабаев, Олжас Жақыпбек, Жасұлан Ерболат, Алтынгүл Серкебаева, Айнұр Жетпісбаева, Гаухар Жүсіпова, Нұрсұлтан Есен, Ақмарал Танабаева, Ерғұлан Жанпейісов, Инабат Әбенова, Қобыланды Болат, Айкөркем Тұранова, Бәзіл Сұлтанғазы, Ақжан Құрмашева, Әнуар Бектас, Динара Егеубаева, Сағыныш Нұрхайдарова т.б.

Театр репертуары

• Театр репертуары көнеден келе жатқан классикалық өнер туындыларын заманға сай жаңартып, ұлттық және әлемдік драматургиямен толықтырылып келеді.

1991	Театрдың «Елім-ай» әншілер ансамблі құрылды. Ансамбльдің көркемдік жетекшісі болып Мұса Мағзұмтегі тағайындалды. Ансамбльдің «Ән домбыра – сән домбыра» атты халық композиторларының әндері мен күйлері негізінде жасалған концерттік бағдарламасы және ұлттық дәстүрге арналған «Атадәстүр» театрландырылған музыкалық композициясы көрермендер назарына ұсынылды.
	«Саржайлау» ұлт аспаптар оркестрі және вокалдық хор ұжымы құрылды. Оркестр құрамында домбырашылар тобы, сырнайшылар тобы жұмыс істеді. Оркестрдің бас дирижері болып Алпысбай Тұяқбайұлы, театрдың бас хормейстрі Амантай Жұмашев, бас суретшісі Дәулет Доспаев, суретшісі болып Мұрат Мақсұтұлы бекітілді. Қараша айында театр ұжымы екі сағаттық концерттік бағдарлама әзірлеп, С.Сейфуллин атындағы институтта, училище, техникумдарда және басқа оқу орындарында өнер көрсетті.
	Театр ұжымына қала орталығындағы алаңға жақын орналасқан қалалық партия комитетінің ғимараты біржола берілді. Оның балконмен қоса есептегенде 192 орындық көрермен залы, 1 грим бөлмесі, 1 реквизит бөлемсі, 8 артистер бөлмесі, бірнеше кабинет және асханасы театрдың игілігіне айналды.
	15 қарашада Целиноград облыстық қазақ музыкалық драма театрының тұңғыш премьерасы Ғ.Мүсіреповтің «Ақан Сері - Ақтоқты» спектаклі қойылды. Театрға берілген облыстық атқару комитетінің ғимаратында күрделі жөндеу жұмыстары жүріп жатқандықтан спектакль «Тың игерушілер» сарайында (бүгінде Конгресс холл) болды. Қоюшы режиссері – Ж.Омарұлы.  Суретшісі – М.Мақсұтов. басты рөлдерде – Қ.Кемалов (Ақан сері), Г.Рәшқалива (Ақтоқты), Ш.Жүнісов (Хазірет Науан), Б.Ыбыраев (Жалмұқан).
	З.Жақыпов, Ж.Сәрсенов «Бажалар мен балдыздар» спектаклі қойылды. Қоюшы режиссері – Ж.Омарұлы. Суретшісі – Д.Доспаев.
	С.Жүнісовтің «Қысылғаннан қыз болдық» музыкалық комедиясы дүниеге келді. Қоюшы режиссері – Ж.Омарұлы. Суретшісі – Д.Доспаев.
	Ш.Бошбековтің «Темір қатын» пьесасы сахналанды. Аударған Ж.Омарұлы, реж. Т.Тұңғышбаев, қоюшы суретшісі Е.Қамкенов.
1992	8 наурызда «Арман қыздар» концерттік бағдарламасы;
	22 наурызда «Наурызым – әнім, наурызым - сәнім» концерттік бағдарламасы жұртшылықты қуантты.
	Ұлттық аспаптар оркестрі көрермен назарына «Есілім - еркем» атты бағдарлама ұсынды.
	С.Жүнісовтің «Жаралы гүлдер» драмасы Жеңіс күніне арнап қойылды. Қоюшы режиссері – Ж.Омарұлы. Қоюшы суретшісі – Д.Доспаев.
	«Ой, тоба-ай!..» атты сатирикалық концерттік бағдарлама театр маусымының сәтті туындысы болды.
	Шілде, қыркүйек айларында театр ұжымы Ақтөбеде болып, Тама Есет батырдың 325 жылдығына орай ас беру салтанатына қатысып, өнер көрсетті.
	Театр өкілдері 28 қыркүйек – 4 қазан аралығында Алматыда болған Дүниежүзі қазақтарының І Құрылтайына қатысты.
	Қараша айында «Ақан сері - Ақтоқты» спектаклінің жаңаша қойылымын әзірлеп, Алматыда өткен Ғ.Мүсіреповтің 90 жылдық мерейтойына арналған Республика театрларының фествиаләне қатысты.
1993	М.Шаханов «Танакөз» Режиссері – Қ.Қасымов. Суретшісі – Д.Доспаев.
	Қ.Ысқақов, Ш.Құсайынов «Шырғалаң». Қоюшы режиссері – Ж.Омарұлы. Қоюшы суретшісі – Д.Доспаев.
	Қ.Мұхаметжанов «Біз періштеміз бе?»
	«Аққу-дастан» концерттік бағдарлама
	С.Балғабаев «Жиһанкез Тити»
	Ә.Тауасаров «Махаббат аралы» Қоюшы режиссері – Қ.Жетпісбаев. Қоюшы суретшісі – Д.Доспаев.
1994	О.Бодықов «Айналдым, Ақмаңдайлым» - концерттік бағдарлама. Қоюшы режиссері – Ж.Омарұлы. Қоюшы суретшісі – Д.Доспаев.
	Д.Исабеков «Ескі үйдегі екі кездесу»
	О.Бөкей «Құлыным менің». Қоюшы режиссері – Т.Тұңғышбаев, қоюшы суретшісі М.Мақсұтов.
	С.Балғабаев «Ең әдемі келіншек» Қоюшы режиссері – Қ.Қасымов. Қоюшы суретшісі – Д.Доспаев.
1995	«Желсіз түнде жарық ай» концерттік бағдарлама
	Ш.Құсайынов «Алдар Көсе» Қоюшы режиссері – Ж.Омарұлы. Қоюшы суретшісі – М.Мақсұтов.
	«Саржайлау» концерттік бағдарлама
	«Елім-ай» концерттік бағдарлама
	Ш.Айтматовтың «Ана – Жер Ана» пьесасы қойылды. Аударған – Қ.Мұхаметжанов. қоюшы режиссері – Ж.Омарұлы. Қоюшы суретшісі – Дәулет Доспаев. Композиторы – Ғазиза Жұбанова. Басты рөлдерде – Р.Омарханова (Толғанай), Т.Атымтаева (Жер Ана), Ш.Жүнісов (Сыбанқұл), Г.Қылышбаева (Әлиман)
	Театрдың камералық оркестрі құрылды. Оркестрдің көркемдік жетекшісі әрі дирижері болып Талғат Әбдірайымов, инспекторы болып Марат Ізбасов бекітілді. Құрамына Ақмола музыкалық училищесінің түлектері қабылданды.
1996	А.Жұмашев «Ән домбыра, сән домбыра» концерттік бағдарлама. Қоюшы режиссері – Ж.Омарұлы, суретшісі –Д.Доспаев
1997	М.Әуезов «Қанды азу» («Көксерек» повесінің желісімен). Инсценировкасын жазған Байғали Есенәлиев. Қоюшы режиссері – Болат Ұзақов. Суретшісі – Мұрат Мақсұтұлы.
	М.Байжиев «Құдалар» Қоюшы режиссері – Қ.Қасымов. Суретшісі – Д.Доспаев.
1998	А.Сейдімбеков «Қош бол, ардағым» Қоюшы режиссері – Б.Ұзақов. Суретшісі – Д.Доспаев.
	Қ.Жетпісбаев «Қалыңдық пен күйеу» Қоюшы режиссері – Б.Ұзақов. Суретшісі – Д.Доспаев.
1999	Ғ.Мүсірепов «Қыз Жібек» Қоюшы режиссері – Ә.Мәмбетов. Суретшісі – Д.Доспаев.
	М.Әуезов  «Қара Қыпшақ Қобыланды» Қоюшы режиссері – Б.Ұзақов. Суретшісі – Д.Доспаев.
2000	Ғ.Мүсірепов «Қозы Көрпеш – Баян Сұлу». Қоюшы режиссері – Ә.Мәмбетов. Суретшісі – Д.Доспаев.
	М.Әуезов  «Қарагөз» Қоюшы режиссері – Ә.Мәмбетов. Суретшісі – Д.Доспаев.
	Т.Ахтанов «Жоғалған дос» Қоюшы режиссері – Б.Ұзақов, суретшісі – Д.Доспаев.
	Ф.Эрве «Түлкі бикеш» Қоюшы режиссері – Ә.Мәмбетов. Суретшісі – Д.Доспаев.
	Б.Ұзақов «Үміт» Қоюшы режиссері – Б.Ұзақов. Суретшісі – Д.Доспаев.
	С.Тұрғынбекұлы «Мұқағали» Қоюшы режиссері – Б.Ұзақов. Қоюшы суретшісі – М.Икласова.
2001	В.Дельмар «Баянсыз бақ» Қоюшы режиссері – Ә.Мәмбетов. Суретшісі – Д.Доспаев.
	Ф.Буляков «Күйеуге шыққан кемпірлер» Қоюшы режиссері – Б.Ұзақов. Суретшісі – Д.Доспаев.
	Ә.Сарай «Баулан Шолақ» Қоюшы режиссері – Н.Жұманиязов. Суретшісі – Д.Доспаев.
	Ж.Мольер «Скапеннің айласы» Қоюшы режиссері – Н.Жұманиязов. Суретшісі – Д.Доспаев.
2002	Ж.Файзи «Башмағым» Қоюшы режиссері – Р.Машурова. Суретшісі – Д.Доспаев.
	Д.Исабеков «Алтын тордағы тоты» Қоюшы режиссері – Н.Жұманиязов. Суретшісі – Д.Доспаев.
	Т.Әбдіков «Біз үшеу едік» Қоюшы режиссері – Б.Ұзақов. Суретшісі – Д.Доспаев.
	Қ.Байсейітов, Қ.Шаңғытбаев «Беу, қыздар-ай» Қоюшы режиссері – Ә.Мәмбетов. Суретшісі – Д.Доспаев.
2003	Ш.Айтматов «Ғасырдан да ұзақ күн» Қоюшы режиссері – Ә.Мәмбетов. Суретшісі – Д.Доспаев.
	Ж.Тәшенов, И.Саввин «Әй, Нұртаза, Нұртаза!..» Қоюшы режиссері  - С.Срайылов. Суретшімі – М.Икласова.
	С.Тұрғынбекұлы «Мұқағали» Режиссері – Б.Ұзақов.
2004	М.Әуезов «Еңлік - Кебек»  Режиссері – Б.Ұзақов. Суретшісі – Д.Доспаев.
	М.Хасенов «Пай-пай, жас жұбайлар-ай!..» Режиссері - Н.Жұманиязов. Суретшісі – Д.Доспаев.
	І.Жансүгіров, С.Назарбекұлы, Б.Әлдібеков «Махамбет» Режиссері - Н.Жұманиязов. Суретшісі – Д.Доспаев.
2005	С.Ахмад «Келіндер көтерілісі» Қоюшы режиссері – С.Срайылов. Суретшісі – Ш.Елембаева.
	Ш.Айтматов «Ана – Жер-Ана» Режиссері - Ә.Мәмбетов. Суретшісі – Д.Доспаев.
	Г.Ғаджибеков «Аршын мал алан» Қоюшы суретшісі – М.Қарымсақов.
	Ж.Әлмешұлы «Бейтерек басындағы кездесу» режиссері – О.Ақжарқын-Сәрсенбек, Суретшісі – Д.Доспаев.
	Е.Аманшаев «Үзілген бесік жыры» Қоюшы режиссері – Б.Ұзақов. Суретшісі – С.Балтаев
2006	У.Шекспир «Ромео мен Джульетта» Реж. Н.Жұманиязов
	Ғ.Ғаппаров, Ғ.Ғаппарова «Қуыршақ немесе қызғаншақ қыздардың кеші» режиссері – О.Ақжарқын-Сәрсенбек, суретшісі – Е.Тұяқов.
	С.Аксаков «Алқызыл гүл» Реж. Н.Жұманиязов Суретшісі – Ш.Елембаева.
	А.Чехов «Ваня ағай» Қоюшы режиссері – Б.Құрманғожаев. Суретшісі – Д.Доспаев.
	Дж.Патрик «Қымбатты Памелла» Реж. Ю.И.Ханинга-Бекназар. Суретшісі – Д.Доспаев.
	М.Шаханов «Желтоқсан рухы» Қоюшы режиссері – Н.Жұманиязов. Қоюшы суретшісі – Д.Доспаев.
2007	Т.Ахтанов «Күшік күйеу» Қоюшы режиссері – Б.Ұзақов. Суретшісі – Д.Доспаев.
	Ш.Айтматов «Ақ кеме» Қоюшы режиссері – Н.Жұманиязов. Қоюшы суретшісі – Б.Бурбаев
	Б.Ұзақов «Жандауа» Қоюшы режиссері – Б.Ұзақов.Суретшісі – Ш.Елембаева.
	М.Ақынжанов «Алтын сақа» Қоюшы режиссері – Б.Ұзақов.Суретшісі – Ш.Елембаева.
2008	Ә.Нұрпейісов «Қан мен тер» Режиссері - Ә.Мәмбетов Суретшісі – Д.Доспаев.
	О.Бөкей «Құлыным менің» Режиссері – Б.Құрманғожаев  Суретшісі – Д.Доспаев.
	Ш.Мұртаза «Алжир азасы» режиссері – О.Ақжарқын-Сәрсенбек, Суретшісі – Д.Доспаев.
	«Алдардың айласы» ертегі, режиссері – Б.Ұзақов, Қоюшы суретшісі – Б.Бурбаев
	«Құпиясөз» ертегі, , режиссері – С.Срайылов, суретшісі – Б.Бурбаев
	Э.Хушвақтов «Қызыл алма» Режиссері – В.Омаров
2009	Е.Жуасбек «Үйлену» Режиссері – Н.Жұманиязов, суретшісі – Б.Бурбаев
	А.Цагарели «Гамарджоба»  Режиссері - Е.Тәпенов
	М.Әуезов «Абай» Қоюшы режиссері – Ә.Оразбеков. Қоюшы суретші – Д.Доспаев
2010	Қ.Жүнісов «Махаббат мелодрамасы» Қоюшы режиссері – Б.Ұзақов. Суретшісі – Б.Бурбаев.
	Т.Джюдженоглу «Көшкін» Режиссері - Ә.Оразбеков.  Қоюшы суретші – Д.Доспаев
	А.Дударев «Кеш» Режиссері - Б.Ұзақов. Қоюшы суретші – Д.Доспаев
	И.Штраус «Жұбайлар жұмбағы» Режиссері - Н.Жұманиязов. Қоюшы суретші – Д.Доспаев
	Е.Жуасбек «Сен үшін» Режиссері - Н.Жұманиязов. Қобшы суретші – Б.Бурбаев
	Д.Рамазан «Кенесары - Күнімжан» Режиссері - Б.Ұзақов. Қоюшы суретші – Д.Доспаев
	М.Әуезов «Айман-Шолпан» Қоюшы режиссері – Ә.Оразбеков. Қоюшы суретші – Қ.Мақсұтов
2011	Е.Жуасбек «Антивирус» Қоюшы режиссері – Б.Ұзақов. Суретшісі – Б.Бурбаев.
	Ж.М.Шевре «Ізгілік формуласы» Режиссері - Ә.Оразбеков.  Қоюшы суретші – Д.Доспаев
	М.Фриш «Дон Жуанның думаны» Қоюшы режиссері – А.Әшімов.
	Е.Жуасбек «Терең тамырлар» Режиссері - Н.Жұманиязов. Қоюшы суретші – Д.Доспаев
2012	У.Шекспир «Гамлет» Режиссері - Б.Ұзақов. Қоюшы суретші – Д.Доспаев
	Ғ.Мүсірепов «Ақан сері - Ақтоқты» Режиссер - Н.Жұманиязов. Суретшісі – Б.Бурбаев.
	Ф.Оңғарсынова «Күйші Дина» Режиссері - Н.Жұманиязов. Қоюшы суретші – Д.Доспаев
	Қ.Байсейітов, Қ.Шаңғытбаев «Беу, қыздар-ай» Режиссері -  Ә.Оразбеков. Суретшісі – Б.Бурбаев.
2013	Ш.Мұртаза «Бір кем дүние» Режиссері - Б.Ұзақов. Суретшісі  М.Қарымсақов.
	Д.Рамазан «Абылай ханның арманы»  Режиссері - Б.Ұзақов. Қоюшы суретші – Ш.Елембаева.
	Ғ.Мүсірепов «Қыз Жібек» Қоюшы режиссері – С.Қамиев.
	А.Вальехо «Күн сәулесі түспеген» Режиссері – Н.Жұманиязов.
	Ә.Тарази «Үкілі Жұлдыз» режиссері – Ә.Оразбеков.
	Б.Ұзақов «Үміт» Қоюшы режиссері – А.Қапаев.
	Ғ.Мүсірепов «Қозы Көрпеш – Баян Сұлу» Қоюшы режиссері – С.Қамиев.
2014	Ж.Ануй «Жалын жұтқан Жанна д’Арк» Қоюшы режиссері – Ә.Оразбеков.
	Р.Отарбаев «Көлеңкесіз жолаушы» Қоюшы режиссері – Н.Жұманиязов.
	С.Балғабаев «Ең жақсы еркек» Қоюшы режиссері – Б.Ұзақов
	М.Байжиев «Тіл табысқандар» Қоюшы режиссері – Б.Ұзақов
	Қ.Жүнісов «Сәкен-Сұңқар» Қоюшы режиссері – Ә.Оразбеков.
2015	С.Мұқанов, Ш.Уәлиханов «Шоқан» Қоюшы режиссері – Н.Жұманиязов.
	В.Ежов «Тыраулап ұшқан тырналар» Қоюшы режиссері – Т.Теменов
	М.Машаду «Бразилия байлығы» Қоюшы режиссері – Ә.Оразбеков.
	М.Байжиев «Жекпе-жек» Қоюшы режиссері – С.Қамиев.
	М.Әуезов, Қ.Ысқақ «Қараш-Қараш» Қоюшы режиссері – Ә.Оразбеков.
	Ә.Файзоллаұлы «Алтын адам» ертегі, Қоюшы режиссері – Ә.Баймаханова
2016	Ж.Ерғалиев «Есігімді қаққан кім?..» Қоюшы режиссері – Н.Жұманиязов.
	О.Жанайдаров «Жұт» Қоюшы режиссері – Айрат Абушахманов
	А.Чехов «Шие» Қоюшы режиссері – С.Потапов
	Ш.Айтматов «Аққудың көз жасы...» Қоюшы режиссері - Т.Теменов
	Р.Мұқанова «Сарра» Қоюшы режиссері – Г.Мерғалиева
	А.Айларов «Сүрінген сүрбойдақ» Қоюшы режиссері – Ә.Оразбеков.
	Е.Шварц «Күлшеқыз» ертегі, Қоюшы режиссері – Ж.Жұманбай
	«Ер Төстік» халық ертегісі, қоюшы режиссері – Б.Ұзақов
	Р.Отарбаев «Әміре» Қоюшы режиссері – Н.Жұманиязов.
2017	М.Әуезов «Қорғансыздың күні» Қоюшы режиссері – Ә.Оразбеков.
	Ш.Айтматов «Қызыл орамалды шынарым» Қоюшы режиссері - Т.Теменов
	Ұ.Есдәулет «Зере» Қоюшы режиссері – Н.Жақыпбай
	А.Салбан «Ойыншықтар оянғанда» ертегі, қоюшы режиссері – Ф.Молдағали
	С.Тұрғынбекұлы «Шәмші» Қоюшы режиссері – Б.Ұзақов
2018	У.Шекспир «Отелло» Қоюшы режиссері - Т.Теменов
	К.Кизи «7+1» Қоюшы режиссері – Ә.Оразбеков.
	Р.Куни «Туған күн»  Қоюшы режиссері – Б.Ұзақов
2019	Н.Гәнжәуи «Ләйлі-Мәжнүн» Қоюшы режиссері – Б.Абдураззаков
	И.Кальман «Кабаре жұлдызы» Қоюшы режиссері – Н.Жұманиязов.
	Ф.Болонья «Байланыс аясы...» Қоюшы режиссері – Ә.Оразбеков.
	А.Вампилов «Ақ жауын» Қоюшы режиссері - Т.Теменов
2020	Ф.Оңғарсынова «Сенің махаббатың» Қоюшы режиссері - Н.Жұманиязов, Б.Ұзақов
	М.Әуезов «Абай» Қоюшы режиссері – Ә.Оразбеков. жаңартылды
2021	Т.Әсемқұлов «Құнанбай» Қоюшы режиссері – Б.Ұзақов
	Р.Мұқанова «Бопай ханым» Қоюшы режиссері – Ж.Жұманбай
	Qalleki театр лабораториясы. О.Бөкей «Ұйқым келмейді» Қоюшы режиссері – Б.Сұлтанғазы
	И.Штраус «Жұбайлар жұмбағы» Қоюшы режиссері – Н.Жұманиязов жаңартылды
	М.Әуезов «Айман-Шолпан» Қоюшы режиссері – О.Жақыпбек, Ш.Мұстафина жаңартылды
	Х.Алтай, Х.Оралтай «Алтайдан ауған ел» Қоюшы режиссері – Ф.Молдағали
	А.Менчелл «Күзгі іңір» Қоюшы режиссері – Ұ.Қарыпбаев
2022	М.Сервантес «Дон Кихот» Қоюшы режиссері – Ә.Өмірбекұлы
	Ғ.Мүсірепов «Қозы Көрпеш – Баян Сұлу» Қоюшы режиссері – Г.Балпейісова
	Э.Шмитт «Хат» Қоюшы режиссер – Р.Махатаев
	Г.Пьянова «01» Қоюшы режиссер – Г.Пьянова
	Қ.Жетпісбаев «Бала мерген» ертегі, режиссер – Н.Вахитов
2023	Е.Жуасбек «Үйлену» музыкалық комедия, Қоюшы режиссері – Н.Жұманиязов
	С.Балғабаев «Қыз жиырмаға толғанда» мелодрама. Қоюшы режиссері – Д.Серғазин
	«Кешкі 7» спектакль-концерт. Қоюшы режиссері – Б.Сұлтанғазы.
	Д.Рамазан «Жошы хан» тарихи драма, Қоюшы режиссер – Б.Ұзақов
	Ж.Шайхисламұлы, Ғ.Мүсірепов «Қыз Жібек» драмалық опера, Қоюшы режиссер – Ә.Өмірбекұлы
	Қ.Жиенбай «Патша көңілім, не дейсің?!.» комедия. Қоюшы режиссері – Н.Жұманиязов
2024	Э.Фелиппо «Әйел құпиясы» лирикалық драма. Қоюшы режиссері – Б.Ұзақов
	Qalleki театр лабораториясы. Г.Бюхнер «Войцек»  Қоюшы режиссері – Ұ.Қабыл
	М.Әуезов «Қарагөз» трагедия. Қоюшы режиссері – Г.Миргалиева
	П.Бомарше «Фигароның үйленуі» музыкалық комедия. Қоюшы режиссері – Н.Жұманиязов
	Т.Әбдік «Парасат майданы» психологиялық драма. Қоюшы режиссері – Г.Миргалиева
	«Ертегі түннің әуені» классикалық ертегілер жиынтығы. Қоюшы режиссері – О.Дәлелхан.
2025	Ж.Әлікен "Махаббатым сен..." драма. Қоюшы режиссері - Б.Сұлтанғазы

Театр жетістіктері

• 1999 жылы Каир қаласында өткен дүниежүзілік Театрлар фестивалі;
• 2010 жылы қаңтар айында Иран Республикасы, Тегеран қаласында Мәдениет Институтының ұйымдастыруымен өткен Фаджр атындағы Халықаралық театр фестиваліне Мұхтар Әуезовтің «Қарагөз» (Спектакльдің қоюшы режиссері Халық Қаһарманы Әзірбайжан Мәмбетов) шығармасымен үздік деп танылды;
• 2014 жылы V Орталық Азия мемлекеттерінің Халықаралық театр фестиваліне Ж. Ануйдың «Жалын жұтқан Жанна ДꞌАрк» драмасымен қатысып Гран-приді иеленді. Сондай-ақ, актриса А. Бермұхамбетова «Ең үздік әйел бейнесі» номинациясына ие болды. Қоюшы режиссері ҚР еңбек сіңірген қайраткері – Ә.Оразбек;
• 2015 жылы Өскемен қаласында өткен XXIII Республикалық театрлар фестиваліне В. Ежовтың «Бұлбұлдар түні» пьесасының негізінде сахналанған «Тыраулап ұшқан тырналар» атты лирикалық драмамен қатысып, «Үздік режиссерлік шешім» номинациясына ие болды. Қойылым режиссері, Қазақстанның Халық артисі – Т. Теменов;

Театрдың гастрольдік сапары

• 1999 жылы Каир қаласында өткен дүниежүзілік Театрлар фестиваліне қатысты.
• 2000 жылы Германия Федеративтік Республикасының үлкен бес қаласына гастрольдік сапарымен барды.
• 2001 жылы Ресей Федерациясының Омбы қаласында Астана қаласы театрының онкүндігін өткізді.
• 2002 жылы Астана қаласының Мәскеуде өткен өнер күндерінің аясында Ғ. Мүсіреповтің «Қозы Көрпеш-Баян сұлу» спектаклімен «Моссовет» театр сахнасында өнер көрсетті.

Галерея

• 
  "Абай" спектаклі, режиссер: Ә.Оразбеков
• 
  "Бопай ханым", реж:Ж.Жұманбай
• 
  "Ғасырдан да ұзақ күн" реж: Ә.Мәмбетов
• 
  Аға Абай - Т.Мейрамов, Абай - Н.Өтеуіл
• 
  У.Шекспир "Отелло"
• 
  Дж.Патрик "Қымбатты Памелла"
• 
  Едіге - Б.Ыбыраев
• 
  Х.Алтай, Х.Оралтай "Алтайдан ауған ел" реж. Ф.Молдағали
• 
  Д.Рамазан "Жошы хан", реж: Б.Ұзақов