Қалибек Қуанышбаев атындағы қазақ мемлекеттік академиялық музыкалық драма театры

Қалибек Қуанышбаев атындағы қазақ мемлекеттік академиялық музыкалық драма театры
Орналасуы	Қазақстан Астана
Негізделгені	1991 жыл
Директоры	Айболат Сексенбаев
Көркемдік жетекшісі	Талғат Тименов ҚР халық артисі, профессор

Қалибек Қуанышбаев атындағы қазақ мемлекеттік академиялық музыкалық драма театры - Астанадағы қазақ музыкалық драма театры. 1991 жылы Ғ.Мүсіреповтің "Ақан сері - Ақтоқты" трагедиясымен ашылған.

Театр тарихы

• Қалибек Қуанышбаев атындағы қазақ мемлекеттік академиялық музыкалық драма театры 1991 жылы Ғ.Мүсіреповтің "Ақан сері - Ақтоқты" трагедиясымен ашылған.
• Театрлық ұйымдастырушысы, көркемдік жетекшісі, әрі бас режиссері Қазақстанның еңбек сіңірген қайраткері - Ж.Омаров болды.
• Алғашқы қойылымды театрдың негізін қалаушы дарынды режиссер Жақып Омаров сахналады. Театр өзінің алғашқы жүлдесін 1996 жылы Уфа қаласында Түркітілдес мемлекеттер арасында өткен Халықаралық «Туғанлық» театр фестивалінде алды. Онда Ш. Хұсайыновтың «Алдар Көсе» музыкалық комедиясы лауреат атанды.
• 1996 жылы театрға КСРО халық артисі, КСРО мемлекеттік сыйлығының иегері Қалыбек Қуанышбаевтың есімі берілді.
• 2011 жылы 14 желтоқсанда Театр ұжымына «Мемлекеттік академиялық театр» мәртебесі берілді.

Театрдың алғашқы труппасы

• Қазақстанның еңбек сіңірген артистері: Рымкеш Омарханова, Шәміл Жүнісов, Болат Ыбыраев, Түймехан Атымтаева және т.б артстер құрымы болды.

Театр репертуары

• М. Әуезовтің «Абай», «Айман - Шолпан»; Ш. Айтматовтың «Ғасырдан да ұзақ күн»; Ғ. Мүсіреповтің «Қыз Жібек», «Қозы Көрпеш-Баян Сұлу»; С. Тұрғынбекұлының «Мұқағали»; А. Дударевтің «Кеш»; Дж. Патриктің «Қымбатты Памела»; М. Фриштің «Дон Жуанның думаны»; И. Штраустың «Жұбайлар жұмбағы»; У. Шекспирдің «Гамлет»; А. Цагарелидің «Гамарджоба»; Т. Джюдженоглудің «Көшкін»; Э. Хушвақтовтың «Қызыл алма»; Б. Ұзақовтың «Үміт»; Д. Рамазанның «Кенесары-Күнімжан», «Абылай ханның арманы»; Е. Жуасбектің «Үйлену», «Сен үшін»; Ш. Мұртазаның «Бір кем дүние»; А. Вальехоның «Күн сәулесі түспеген»; Қ. Жиенбайдың «Таңғажайып планета»; Ә. Таразидің «Үкілі жұлдыз», Ж. Ануй «Жалын жұтқан Жанна д’Арк», Қ. Жүнісовтің «Сәкен сұңқар», Р. Отарбаевтың «Көлеңкесіз жолаушы», М. К. Машадудың «Бразилия байлығы», В. Ежовтың «Тыраулап ұшқан тырналар», М. Байжиевтің «Жекпе-жек», М. Ахмановтың «Алдардың айласы», С. Мұқанов пен Ш. Уәлихановтың «Шоқан» және т.б қойылымдары бар.

Театр басшылығы

1991 - 1996 жылдары Театр директоры әрі көркемдік жетекшісі	Жақып Омаров Қазақстанның еңбек сіңірген өнер қайраткері
1996 - 1998 жылдары Театр директоры әрі көркемдік жетекшісі	Қадыр Жетпісбаев Қазақстанның халық артисі
1999 - 2009 жылдары Театр директоры әрі көркемдік жетекшісі	Әзірбайжан Мәмбетов Халық қаһарманы, КСРО халық артисі

Театр жетістіктері

• 1999 жылы Каир қаласында өткен дүниежүзілік Театрлар фестивалі;
• 2010 жылы қаңтар айында Иран Республикасы, Тегеран қаласында Мәдениет Институтының ұйымдастыруымен өткен Фаджр атындағы Халықаралық театр фестиваліне Мұхтар Әуезовтің «Қарагөз» (Спектакльдің қоюшы режиссері Халық Қаһарманы Әзірбайжан Мәмбетов) шығармасымен үздік деп танылды;
• 2014 жылы V Орталық Азия мемлекеттерінің Халықаралық театр фестиваліне Ж. Ануйдың «Жалын жұтқан Жанна ДꞌАрк» драмасымен қатысып Гран-приді иеленді. Сондай-ақ, актриса А. Бермұхамбетова «Ең үздік әйел бейнесі» номинациясына ие болды. Қоюшы режиссері ҚР еңбек сіңірген қайраткері – Ә.Оразбек;
• 2015 жылы Өскемен қаласында өткен XXIII Республикалық театрлар фестиваліне В. Ежовтың «Бұлбұлдар түні» пьесасының негізінде сахналанған «Тыраулап ұшқан тырналар» атты лирикалық драмамен қатысып, «Үздік режиссерлік шешім» номинациясына ие болды. Қойылым режиссері, Қазақстанның Халық артисі – Т. Теменов;

Театрдың гастрольдік сапары

• 1999 жылы Каир қаласында өткен дүниежүзілік Театрлар фестиваліне қатысты.
• 2000 жылы Германия Федеративтік Республикасының үлкен бес қаласына гастрольдік сапарымен барды.
• 2001 жылы Ресей Федерациясының Омбы қаласында Астана қаласы театрының онкүндігін өткізді.
• 2002 жылы Астана қаласының Мәскеуде өткен өнер күндерінің аясында Ғ.Мүсіреповтің «Қозы Көрпеш-Баян сұлу» спектаклімен «Моссовет» театр сахнасында өнер көрсетті.