Қанат Тілеухан
| Қанат Тілеухан | |
| Туған күні | |
|---|---|
| Туған жері |
Алматы облысы, Ақсу ауданы, Қызылағаш ауылы |
| Азаматтығы |
Қазақстан |
| Ұлты | |
| Мамандығы |
филолог, жазушы |
Қанат Тілеухан – жазушы, документалист, журналист, тележүргізуші. Қазақстан Жазушылар Одағының мүшесі. ҚР Мәдениет саласының үздігі, ҚР Ақпарат саласының үздігі.
Өмірбаяны
[өңдеу | қайнарын өңдеу]Жетісу облысы, Ақсу ауданы, Қызылағаш ауылдық округіне қарасты №3 бөлімшеде 1982 жылы 17 наурызда дүниеге келген. 1989 жылы Қызылағаш ауылындағы І. Жансүгіров атындағы мектепке барып 1999 жылы аяқтаған. 1999-2000 жылдары Талдықорған қаласы №3 кәсіптік-техникалық училищеде оқыған. 2000-2004 жылдары әл-Фараби атындағы Қазақ Ұлттық Университетінің филология факультетінде білім алған.
Журналистік жолы 1999 жылы қалалық «Талдықорған» газетінде штаттан тыс тілші болып басталған. 2005-2006 жылдары Қазақ радиосының музыкалық редакторы, 2006-2010 жылдары 31телеарна «Информбюро» жаңалықтар қызметінің тілшісі, арнайы тілшісі, шығарушы редакторы, бас редакторы болып еңбек етті.
Жұмыс
[өңдеу | қайнарын өңдеу]2010-2013 жылдары К+ телеарнасының шығарушы редакторы, «Власть KZ» апталық- сараптамалық бағдарламасының саяси сарапшысы.
2014-2016 жылдары Таң телеарнасы «QAZAQ NEWS» ақпараттық-сараптамалық департаментінің директоры.
2017 жылы «Жұлдыздар отбасы» сайтының шығарушы редакторы.
2018-2020 жылдары «Жас алаш» сайтының бас редакторы.
2020 жылы «malim.kz» сайтының шеф редакторы.
2021 жылдан бері еркін шығармашылықпен айналысуда.
«Тілеуханұлымен сұхбат», «Зинһар», «Алматыдағы әңгіме», «Жақсының ізі» бағдарламаларының авторы әрі жүргізушісі.
Журналистикадағы еңбегі үшін «Әнуарбек Байжанбаев» және «Азаттық» сыйлығымен марапатталған.
Шығармашылығы
[өңдеу | қайнарын өңдеу]«Кім жазықты?», «Саймақ балуан», «Құмға сіңген қан» атты алғашқы әңгімелері 1998-1999 жылдары аудандық «Ақсу өңірі» газетіне жарияланған. Алғашқы прозалық кітабы «Қараштың әңгімелері» 2017 жылы жарық көрді. 2023 жылы «Шатырдағы әйел» кітабы басылып шықты.
«Абай мектебі», «Абайдың соңғы күндері», «Әуезовтің құстары», «Кісен ашқан», «Халиолла», «Құрқұдық», «Құлагер», «Мың жылдық ойын» (Болат Атабаев жайлы), «Төраға Әбділдин» (Серікболсын Әбділдин туралы) т.б деректі фильмдерінің авторы.
«Абайдың соңғы күндері» деректі фильмі ҚР Мәдениет және ақпарат министрлігі ұйымдастырған «Тұмар-2023» Ұлттық сыйлығын жеңіп алды.
«Алтын тобылғы», «Ұлы дала», «Алтын тұғыр», «Семсер» әдеби байқауларының жүлдегері.
Автор туралы пікірлер
[өңдеу | қайнарын өңдеу]«Қанат Тілеухан әңгімелері өмірімізде көп кездесетін бір-ақ елең қыла қоймайтын жағдайларды қозғайды. «Қайтқан қыз» әңгімесі шынайлылығы жөнінен қазақта Бейімбет Майлин, орыста Василий Шукшиннен кем соға қоймайды. Өмірді көру мен қайшылықты жеткізу жөнінен замана табы анық сезіледі. Шынайылық деген кейде өмірлік факторлардың күтпеген шешімі арқылы көрініс табатынының белгісі осы қаламгер қолтаңбасынан анық аңғарылады. Жалпы жұртшылыққа қатты әсер еткен осы автордың екі әңгімесінің орындалуы мен көркемдік жетілуінің куәсі болғандықтан ба, шығарма жазу қиындығын автор да, оған редакторлық жасаған адам да ащы сезінді».
Жұмабай Шаштайұлы
«Қанат Тілеухан «Менің шешелерім» әңгімесінде бір шешенің бейнесі арқылы қоғамның бет-бейнесін әдемі әшкерелейді. Жалпы бұл жігіттің өнерінде ешкімді де аямайтын қатыгездік бар. Сонысы маған қатты ұнайды. Өзін тым қатты жақсы көретін адамнан мықты жазушы шықпайды».
Амангелді Кеңшілікұлы
Драматургия
[өңдеу | қайнарын өңдеу]Қаламгер драматургия жанрында да еңбек етуде. Пьесалары: «Кешірші», «Абай – Еркежан», «Ақбөбек». «Кешірші» драмасы Қызылорда қаласындағы Н. Бекежанов театрында қойылған. Режиссері – Қанат Архабаев. «Медаль» саунд-драмасы Талдықорған қаласындағы Б. Римова театрында қойылған. Режиссері – Фархад Молдағали.