Қанат Тәупекұлы Тоқсейітов

Қанат Тәупекұлы Тоқсейітов 1964 жылы 27 шілдеде Қостанай облысы Комсомол ауданының Новотроицк кентінде туған. Полиция генерал-майоры. Қазақ.

Әкесі- Тоқсейітов Тәупек Телегенұлы (1940-1992), Целиноград аудандық кинофикациясының директоры болып қызмет атқарған. Анасы - Тоқсейітова Жаңыл Жанәділқызы, зейнеткер, №44 балабақша бухгалтері болып жұмыс істеген (Целиноград қаласы).

Целиноград инженерлік-құрылыс институтының автомобильдер және автомобиль шаруашылығы факультетін (1986) инженер-механик мамандығы бойынша; ҚР МТК Қарағанды жоғары мектебінің құқықтану факультетін (1996) заңгер мамандығы бойынша бітірген.

1986 жылдан — Целиноград қалалық Жүк автобасқармасы №2552 автоколоннасының инженер-механигі.

1987 жылдан - Целиноград облыстық атқару комитетінің ІІБ ЕЦ 166/10 мекемесінің шебері.

1992 жылдан - Ақмола облыстық ІІБ ЭҚҚКБ аға жедел өкілі.

1995 жылдан - Ақмола облысы бойынша МТКБ шығыс бөлімінің бастығы.

1997 жылдан - Ақмола (Астана) қалалық ІІБ бастығының қызмет жөніндегі орынбасары.

2000 жылдан - ҚР ІІМ Жол полициясы департаментінің бастығы. 2002 жылдан - Мемлекеттік күзет қызметі департаментінің бастығы.

2003 жылдан - ҚР ІІМ вице-министрі.

2004 жылдан - көліктегі Орталық ІІБ бастығы. 2006 жылдан - ҚР ІІМ Әкімшілік полиция комитетінің төрағасы.

2007 жылдан - Павлодар облыстық ІІД бастығы. 2009 жылдан бері - көліктегі Орталық ІІД бастығы.

Діни көзқарасы - атеист. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Экономикасы мен мәдениеті жоғары дәрежеде дамыған демократиялық мемлекет». Хоббиі - балық аулау, иттер, мотоспорт. Сүйіп оқитын әдебиеті - детективтер, шытырман оқиғалар, әскери тақырып.

Үйленген. Жұбайы - Тоқсейітова Гүлмира Бұзаубайқызы, ҚР Президенті Істері Басқармасы №2 ауруханасының дәрігер-эндокринологы (Астана қаласы) Қызы - Тоқсейітова Әйгерім (1986 жылы туған); ұлы - Тоқсейітов Азамат (1991 жылы туған).

Марапаттары

• «Қазақстан Республикасының тәуелсіздігіне 10 жыл» (2001),
• «Ерлігі үшін» (2005),
• «Құқық тәртібін қамтамасыз етуде үздік шыққаны үшін» (2004),
• «Қазақстан темір жолына 100 жыл» (2004),
• «Қазақстан Конституциясына 10 жыл» (2005),
• «Астананың 10 жылдығы» (2008),
• «Ресей ІІМ Қылмыстық іздестіру қызметіне 90 жыл»,
• «РФ ІІМ Көлік милициясына 90 жыл» (2009) медальдарымен;
• 2-ші дәрежелі «РФ ЖҚҚМИ қызметінде үздік шыққаны үшін» (2000),
• ҚР ІІМ «Жол полициясының құрмет белгісі» (2002),
• «Ведомстволық күзетке 50 жыл» (Омбы, 2002),
• «ІІМ еңбек сіңірген қызметкері» (2004),
• «Үздік шыққаны үшін» (Украина, 2002),
• «Күзет» (Беларусь Республикасы, 2003),
• «Ресей Көлік милициясына 85 жыл» (РФ, 2004),
• «Қазақстан полициясына 15 жыл» (2007),
• «За доблесть в службе» (Омбы, 2007),
• «Қазақстан Республикасы мемлекеттік қызмет істері Агенттігіне 10 жыл» (2004) белгісі
• ҚР ІІМ Еңбек сіңірген қызметкері.