Қанат Әкіжанұлы Шаймин

Қанат Әкіжанұлы Шаймин - 1960 жылы 26 қаңтарда Қарағанды облысы Егіндібұлақ ауданының Егіндібұлақ ауылында туған. Қазақ. Әкесі - Шаймин Әкіжан (1938 жылы туған), зейнеткер. Анасы - Көпішева Орымбике (1939 жылы туған), зейнеткер. Өскемен жол-құрылыс институтын бітірген (1982), мамандығы - «Автомобиль жолдары». Қазақ, орысжәне ағылшын (сөздікпен) тілдерін біледі. «Нұр Отан» ХДП мүшесі (2009 жылдан).

• 1977 жылдан - Өскемен жол-құрылыс институтының студенті.
• 1982 жылдың тамызынан қазанына дейін, 1984-1985 жылдары - Қарағанды облысы Абай қаласының №36 жол-пайдалану учаскесі №39 Жол басқармасының жол шебері.
• 1982 жылдың қазанынан - Кеңес Әскерінің қатарында қызметте.
• 1985 жылдан - Қарағанды облысы Абай қалалық комсомол комитетінің бөлім меңгерушісі,
• 1986 жылдан - екінші хатшысы.
• 1988 жылдан - Қарағанды облысы Абай қалалық атқару комитетінде ұйымдастыру бөлімінің меңгерушісі.
• 1990 жылдан - Қарағанды облысы Абай қалалық атқару комитетінің хатшысы.
• 1991 жылдан - Қарағанды облыстық автомобиль жолдары өндірістік басқармасының өндірістік-жол учаскесінде жол шебері (Абай қаласы).
• 1991 жылдан - Абай өндірістік-жол басқармасы Асфальтбетон зауытының өндіріс меңгерушісі.
• 1994 жылдан - Қарағанды облысы Абай қаласы әкімінің бірінші орынбасары.
• 1997 жылдан - «Қарағанды жолдары» ААҚ Абай Өндірістік-жол басқармасының бас инженері, бастығы.
• 1999 жылдан - «Қарағанды жолдары» АҚ №2 жол-пайдалану пунктінің бастығы (Абай қ.). 2000 жылдың наурызынан - «Қазақавтожол» РМК Қарағанды облыстық филиалының директоры м.а., бас инженері.
• 2006 жылдың ақпанынан - «Қазақавтожол» РМК Қостанай облыстық филиалының директоры.
• 2006 жылдың қарашасынан - «Қазақавтожол» РМК Қарағанды облыстық филиалының бас инженері.
• 2007 жылдан бері - «ҚР Көлік және коммуникациялар министрлігі Автомобиль жолдары комитетінің Қарағанды облыстық департаменті» MM директоры.

Абай қалалық Халық депутаттары кеңесінің депутаты (1991). «Қазақстан Республикасының тәуелсіздігіне 10 жыл» медалімен (2001), ҚР Президентінің Құрмет грамотасымен (2008) марапатталған. Байқоңыр космодромының құрметті құрылысшысы (1984). ҚР Құрметті жол қызметкері (2004).

Әскери атағы - запастағы лейтенант.
Діни көзқарасы - мұсылман.
Саяси қайраткер ретіндегі идеалы - Н.Ә. Назарбаев.
Қазақстанның болашағы туралы болжамы - «Қазақстандықтардың әл-ауқаты жыл сайын жақсара түсетін өркендеген, экономикалық және саяси тұрақты республика».
Хоббиі - спорт, кітап оқу, аңшылық.
Сүйіп оқитын әдебиеті - классикалық әдебиет.

Үйленген. Жұбайы - Біләлова Зәуреш Қабжанқызы (1960 жылы туған). Ұлдары - Шаймин ҚайратҚанатұлы (1985 жылы туған), Шаймин Саят Қанатұлы (1991 жылы туған).