Қапам ата

Уикипедия — ашық энциклопедиясынан алынған мәлімет
Jump to navigation Jump to search

Қапам ата – Бозащы түбегіндегі Сарытас шығанағының оңтүстік-батысындағы аңғар. Оның батысындағы жол Қапам атаның құламасы деп аталады. Аңғар ішінде оңтүстікке қарай сұғына біткен ұшында жер асты мешіті бар. Аңызда Қапам ата мешітте намаз оқып тұрғанда, жау қолынан өлді делінеді және бүкіл әруағы, құдіреті өкшесінде делінген. Өкшесі жерге тиіп тұрғанда, оған қылыш өтпейді, оқ тимейді, шоқпар маңайламайды. Өкшесі жерден көтерілсе, қалыпты пенде болады. Бұл құпияны әйелі қаскөйлерге ашып қояды да, олар әулиенің маңдайы сәждеге тиетін сәтін аңдып тұрып, басын шабады. Қапам басын етегіне орап алып жүгіріп, шың ернегіне таяп барып жығылады. Сол жерге жерленеді. Басы тұйық аңғар Қапам ата аталады. Оны 1907 жылы геолог М.В. Баярунас суретке түсіріп, «Маңғыстаудың су, аңғар сайлары» атты еңбегінде жариялады.[1] [2] [3] [4] [5] [6] [7] [8] [9] [10] [11] [12]

Дереккөздер[өңдеу]

  1. «Маңғыстау» энциклопедиясына, Компьютерлік-баспа орталығы, 2007
  2. «Қазақ Совет энциклопедиясы» (12 томдық), Алматы, 1972 – 1978;
  3. Маңғыстау энциклопедиясы, Алматы, 1997;
  4. «Қазақ тілі» энциклопедиясы, Алматы, 1998;
  5. «Атырау» энциклопедиясы, Алматы, 2000;
  6. «Қазақ әдебиеті» энциклопедиясы, Алматы, 2001;
  7. «Қазақ өнері» энциклопедиясы, Алматы, 2002;
  8. «Батыс Қазақстан облысы» энциклопедиясы, Алматы, 2002;
  9. «Қазақстанның қорықтары мен ұлттық бақтары», Алматы, 2006;
  10. «Красная книга Казахстана», Алматы, 2006;
  11. «Маңғыстау өсімдіктерінің каталогы», Ақтау, 2006;
  12. «Қазақстан» ұлттық энциклопедиясы (10 томдық), Алматы, 1998 – 2007.