Қарауыл (Хорезм облысы)

Қарауыл (өзб. Qorovul/Қоровул) — қала типтес елді мекен, Өзбекстанның Хорезм облысы Үргеніш ауданының әкімшілік орталығы. Халқы: 10 000 адам (2005).

Қарауыл — Хорезм өлкесіндегі, Әмудария алқабында орналасқан және айнала каналдар желісімен қоршалған елді мекен. Ол Үргеніш қаласының шетінде, облыс орталығындағы теміржол вокзалынан 4 шақырым жерде орналасқан қала үлгісіндегі елді мекен. Елді мекен Үргеніш ауданының әкімшілік-ауылшаруашылық орталығы болып табылады.

Мұнда мақта тазарту зауыттары, автокөлік кәсіпорны, «Хорезм-Нұртоп» жіп иіру зауыты, құрылыс тасы, сүт, жүзім шығаратын цехтар жұмыс істейді. Шағын және орта бизнес пен шағын кәсіпкерлік те белсенді. Сонымен қатар жалпы білім беретін мектеп, балалар музыка мектебі, спорт мектебі, кәсіптік лицей, аудандық орталық кітапхана, мәдениет үйлері бар. Стадион, спорт алаңдары, спорт ғимараттары, сондай-ақ ауданда орталық аурухана, емхана, дәріханалар, жедел медициналық жәрдем қызметі бар.