Қарақыз

Уикипедия — ашық энциклопедиясынан алынған мәлімет
Jump to navigation Jump to search

Қарақыз - 19-ғасыр аяғында құрылып, 20-ғасыр басына дейін өмір сүрген Сарысу уезі құрамындағы болыстық. Ерубай би Жолдыбайұлы көрші Найман елінің болысы Итқараның күңінің мылқау қызын бауырына басып, Қарақыз деп еркелетеді. Сол қыз табан астында ауырып қайтыс болады. "Ерубайдың Қарақызы өлді" деп хабар жібертіп, жерлеуін, жылдық асын өзі көтереді. Басына сағана тұрғызады. Осы жерді кейін Ерубай егеленеді. Осы жерді орталық етіп құрылған болыстық Қарақыз аталады. Алғашқы болысы Қосшығұл Тауасарұлы. Одан соң Құрақ Ералы, Бегұлы Көшекұлы , Жанбек Торжанұлы болыс болады. Осы Қарақыз болыстығы құрылған жерді әлі күнге Қарақыз деп атайды. Ол Қарағанды облысы, Ұлытау ауданы, Сарысу ауылдық округінің аумағында орналасқан.[1]

Кеңес өкіметі орнағаннан соң Қарақыз болысы Сарысу болысы құрамына енеді.[2]

Қарақыз болысы (халқы - Тама руы). Сарысу мен Шу өзендерінің аралығында көшіп жүрген.[3]

Дереккөздер[өңдеу]

<references>

  1. Н.Рахымжанов, Жетіқоңыр:Жиделі және Жайылма
  2. П.Дүйсенбин, "Үркердей болып көшкен жұрт"
  3. "Созақ өңірі". Сүлеймен Тәбірізұлы. 47-бет. - Алматы: "Дәуір" баспасы, 2007 ж. ЫСБН 9965-749-84-1