Қара Бетперде (DC Comics)
Қара Бетперде (ағылш. Black Mask) — DC Comics ғаламының суперзұлымы, Бэтменнің жауларының бірі. Комикстегі негізгі кейіпкер Роман Сайонис (Roman Sionis) алғаш рет 1985 жылы тамызда Batman #386 комиксінде пайда болды. Авторлары - Даг Монч және Том Мандрейк. Batman: Battle for the Cowl комиксінің сюжетінің оқиғаларынан кейін Қара Бетперде II рөлін доктор Джеремайя Аркхэм (Jeremiah Arkham) алды. Кейіпкер IGN нұсқасы бойынша «Бэтменнің үздік және осал 10 жауы» тізімінде 9-орын алды. Listverse.com сайты Қара Бетпердені Бэтменнің экранизациялауға ыңғайлы 10 жауының арасында алтыншы орынға қойды[1][2].
Биографиясы[өңдеу | қайнарын өңдеу]
Бала кезі[өңдеу | қайнарын өңдеу]
Роман Сайонис ауқатты отбасында дүниеге келген. Оның ата-анасы ұлына көңіл бөлмей, өздерінің байлық, дүние-мүлкіне көп мән берген. Романның анасын босандырған дәрігер сәби Романды құлатып алады. Оның ата-анасы баласының жай-күйіне мән бермей, тек қалайда бұл жағдайды жұрттан жасыруды ойлайды. Кейіннен бала Роман жекежайда ойнап жүрген кезінде оған құтырған жанаттар шабуыл жасайды. Сайонис әулеті бұл оқиғаныда жасыруға тырысты. Романға бұл жайлы тіс жаруға тыйым салынды.