Қарсы дайындық

Қарсы дайындық (Контрподготовка) — қарсыластың шабуылға дайындалған басты күштерін қорғанушы жақ ракета әскерлерінің, артиллериясының, авиациясының жаппай атуы, жаппай сокқысы. Қарсы дайындық майдандағы әскер қолбасшысының шешімімен қарсыластың бірінші соққысының күшін жою немесе әлсірету мақсатында ұйымдастырьшады. Қарсы дайындықта ядролық қарудың қолданылуы да, қолданылмауы да мүмкін. Қарсы дайындық әдетте алдын ала, бірнеше нұсқада қарсыластың қимылын болжай отырып жоспарланады. Ол үшін карсыластың соққы беретін топтарының шабуылдау бағыттарында қарсы дайындық аудандары белгіленіп, оны жүргізу үшін күштер мен құралдар анықталады, барлау ұйымдастырылады. Барлау қарсылас топтарының құрамы мен орналаскан жерін анықтайды, артиллерия,ракеталық әскерлер және авиация, анықталатын объектілер (нысаналар) туралы қажетті мәліметтер жинайды, қарсы дайындықты бастаудың уақытын дұрыс анықтау үшін қарсыластың шабуылға өтуге дайындығын уақытында көрсетеді. Қарсы дайындықтың ұзақтығы мен құрылуы оның мақсатына, карсыластың жойылатын объектілерінің саны мен сипатына, қатысатын күштер мен құралдардың құрамына және қарсы дайындыққа бөлінген оқ-дәрі мөлшеріне байланысты. Екінші дүниежүзілік соғыстың тәжірибесі бойынша, 20-30 минуттан 60 минутқа дейін созылған қарсы дайындық бар. Қарсы дайындық қарсыластың ядролық, артиллериялық және авиациялық дайындығына жәл бермеу үшін тұтқиылдан басталады. Қарсы дайындық алғаш рет Бірінші дүниежүзілік соғыста кейбір елдердің армияларында артиллерия күшімен өткізіліп, артиллериялық қарсы дайындык деп аталды. Қазіргі жағдайда жою құралдары мүмкіндіктерінің өсуіне байланысы қарсы дайындық корғаныстағы мақсаттарға жетуге көмектесетін маңызды шаралардың бірі болып саналады.