Қару-жарақ бөлмесі

Қару-жарақ бөлмесі 1827 жылы Бөкей ордасында Жәңгір ханның бастамасымен арнайы жасақталған музей. Мұнда әр кезеңнің сирек кездесетін қару-жарақтары — қылыштар, қанжарлар, мылтық пен тапанша түрлері, торсауыт, дулыға, сондай-ақ алтын-күміспен айшықталған ат әбзелдері қойылған. Солардың арасында орыс патшасы Михаил Федоровичтің белгісіз бір қазақ ханына сыйға тартқан семсері жөне патшайым Анна Иоанновнаның Әбілқайыр ханға сыйлаған алтын қылышы тұрғаны белгілі. Ғалымдардың айтуынша, кейін облысы өлкетану-тарихи музейінің қорынан табылған жылан пішіндес зұлпықар да Қару-жарақ бөлмесіне тиесілі мұкәмал. Жәңгір хан Ордаға келген қонақтарды осы бөлмесінде қабылдап, өзінің қару-жарақтар коллекциясымен таныстыруды, олардың қысқаша тарихын баяндауды ұнатқан. Жыл сайын 6 желтоқсанда оқу басталғанда мектептің жаңа шәкірттерімен Қару-жарақ бөлмесінде әңгімелесіп, емтихан алған. Бұл тек қару-жарақ музейі ғана емес, сонымен қатар Жәңгірдің жұмыс істейтін, әр түрлі жиындар мен билер кеңесін өткізетін кабинеті саналған. Хан өлгеннен кейін бұл музейдегі қару-жарақ түрлері талан-таражға түсіп, жоғалып кеткен.