Қарғалы (Жайық алабындағы өзен)

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Қарғалы
Жайық алабындағы Қарғалы өзенінің орта ағысы
Жайық алабындағы Қарғалы өзенінің орта ағысы
Сипаттамасы
Ұзындығы 114 км
Су алабының
ауданы
5130 км²
Су алабы Жайық өзені
Өзендердің
су алабы
Каспий теңізі
Су ағысы
Бастауы Жылантау етегіндегі бұлақтардан бастау алатын Қуағаш, Көкпекті өзендерінің қосылуынан пайда болған
Сағасы Елек өзені
 · Орналасқан жері Ақтөбе қаласының тұсы
Орналасуы
Ел Қазақстан
Аймақ Ақтөбе облысының Алға ауданы

Қарғалы, Жақсы Қарғалы - Жайық алабындағы өзен.

Географиялық орны[өңдеу]

Ақтөбе облысының Алға ауданы жерімен ағады. Ұзындығы 114 км, су жиналатын алабы 5130 км2.

Бастауы[өңдеу]

Қарғалы Жылантау етегіндегі бұлақтардан бастау алатын Қуағаш, Көкпекті өзендерінің қосылуынан пайда болған. Ақтөбе қаласы тұсында Елек өзеніне құяды.

Гидрологиясы[өңдеу]

Аңғары жоғарғы ағысында 0,2-0,3 км, қалған бөлігінде 1-1,2 км. Жайылмасының ені жоғарғы ағысында 10-15 м, орта ағысында 40-60 м, төменгі ағысында 60-100 м. Арнасы ирелең, айқын қалыптасқан, ені жоғарғы ағысында 20-50 м, төменгі ағысында 80-200 м, сағасына жақын жерде 40-60 м. Көп жылдық орташа су ағымы Жаман Қарғалы өзені сағасында 9,18 м3/с, Питомник ауылы тұсында 12,2 м3/с.

Шаруашылықтағы қолданысы[өңдеу]

Өзен бойында бұталы шалғын, кей жерлдерде бау-бақша өсіріледі. Суы елді мекендерді ауыз сумен қамтамасыз етуге, егін, бау-бақша, мал суаруға пайдаланылады. Өзен балыққа бай. [1]

Дереккөздер[өңдеу]

  1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5