Қасиет Қадырқызы Нәрікбаева

Уикипедия — ашық энциклопедиясынан алынған мәлімет
Навигацияға өту Іздеуге өту

Қасиет Қадырқызы Нәрікбаева - 1950 жылы 24 шілдеде Шығыс Қазақстан облысының «Шалабай» кеңшарында туған. Қазақ. Әкесі - Уәлиев Қадыр (1915-1987). Анасы - Уәлиева Бәтима (1917-2008). Мәскеу жеңіл өнеркәсібінің технологиялық институтының теріден бұйымдар құрастыру факультетін бітірген (1973), инженер-құрастырушы-технолог. Қазақ, орыс және ағылшын (ауызекі) тілдерін біледі. «Әділет» партиясының мүшесі (2004 жылдан). 1973 жылдан - «Жетісу» фирмасы дайындау цехының шебері, тәжірибелік цехтың модельер-қалыптаушысы (Алматы қ.). 1975 жылдан - Жансүгіров ауылындағы Ақсу аудандық комсомол комитетінің есеп және қаржы секторының меңгерушісі. 1976 жылдан - Талдықорған қалалық Тұрмыстық қызмет көрсету үйі аяқ киім цехының бастығы. 1978 жылдан - Талдықорған қалалық жинақ кассасының бухгалтері. 1979 жылдан - Талдықорған облысы Үштөбе киіз үй жасау фабрикасының технологы. 1988 жылдан - «Мақпал» Алматы Сән үйінде аяқ киім цехының бастығы. 1992 жылдан - «Қасиет» ЖШС ұлттық киім тігу ательесінің құрылтайшысы (Алматы қ.). 1999 жылдан бері - «Элит», «Эскада» Сән үйлерінің (Астана қ.) құрылтайшысы. 2009 жылдан бері - сонымен қатар, «Фатима» мұсылман киімі дүкен-ательелерінің, «Толағай» СҮ ( Алматы қ.) құрылтайшысы (Алматы, Астана ққ.). «Қазақстанның Іскер әйелдер қауымдастығы» Республи- калық қоғамдық бірлестігінің мүшесі (2005 жылдан). Діни көзқарасы - мұсылман. Хоббиі - музыка, спорт, кітап оқу. Тұрмыс құрған. Жұбайы - Нәрікбаев Мақсұт Сүлтанұлы (1940 ж. т.), «Қазақ гуманитарлық-заң университеті» АҚ Ди- ректорлар кеңесінің төрағасы. Қыздары - Ләззат (1975 ж. т.), Жібек (1977 ж. т.); ұлдары - Талғат (1978 ж. т.), Қанат (1986 ж. т.).[1]

Дереккөздер[өңдеу | қайнарын өңдеу]

  1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2